Marko 9:12 - Bibliyeeda Ghaydit

¹² Gwayeesha, ada huumwa, “Eliya gayghanyi gooshoohu ghoan gwasisin haleanjeeda sean; eara gwasa, ghwasaan anda geang'waar aba jeeda Ng'ooruutka Ghaydit gideaba, Orjeeda Siida gayghwanyas hang'weanidooda muuchi nea geefool?

NEAJEEDA EESH BEA BUUNEESSEAN

¹² Gwayeeshsha, ada huumwa, “Eliya gayghanyi goshoohu ghwaan gwasissin halanjeassean. Eara gwasa, ghwasaan anda geang'waar aba jeeda Ng'ooruutka Ghaydit gideaba, Balleanda Siida gayghwanyas hang'weanidooda muuchchi nea gefool?

Marko 9:12 Referans Kwoze

ISAYA 50:6

Geafuursi badaydeanyu giika bwaraniin, ea madeang'aksu giika loata deamuukeasuun; giika abwaaspwaasan nea goong'uriisean ng'usheegean miidafuygeaw nea geawooschi sheageewa saawa.

ISAYA 52:14

Iidaah fuga saang'a niny, hean ghahamng'eanyi– aba gideaba gheamamdaanyi sidatas muuchi, eara deaktaanyi ea mudeeheamnyi sea dea siida–

Lukka 23:11

Gafool Herode sea shirikareadaanyi ak gwajuuga, ak geekwealsa hang'i mideawa oormeeni miy ak geatealda heeda Bilato.

ISAYA 49:7

Gwayi NG'UTAMIIDA, was lealnoocheanda Israeli, ea siidaanyi ghaydit asagi, gwayeesha diita fool buuneedean ninyeeda fool eemeeni, was siida gadiyeeda fuga ambaliischi: “Sugoodiga gayghwadaah ak ghamiinaada; ak eara fuga hees gayghaghadoawan; aba gideaba NG'UTAMIIDA ea doabiiwaat, was dea Ghaydit bea Israeli ghayi loanyi.”

SAKARIYA 13:7

gwayi NG'UTAMIIDA bea lugweega. “Ea ng'uta ng'eada, aba badayda jeagiischoocheandeanyu, ea siida was deanyu.” “Bwara jeagiischoocheanda ak gayghwadarda gisilga. Ak abeeda gaydeageal geatindeanyu heeda dayeega gisilga

Lukka 1:76

Nea ang'iing'i baleanda, gajeeguureeweey sibaneeda ASEETA haw; aba gideaba gajasheedeawana Ng'utamiida sissiina naweadingaaschi,

MALAKI 4:6

Ak gayghwayam gurooruunatka ghweaniga gagal diibiga nyaawa ak ghwayam gurooruunatka diibiga gagal ghweaniga nyaawa, gajiidu ghaahidu ak ghaalaschi ng'eanyiida aba mooshteayda.”

Lukka 23:39

Gwayeesha siyagi adiiy gwachi siingooruudayi sea niny, “Ang'iing'i muwoosi Gristohi? Asi lealni geaw ak gilealneasa eara aseasa!”

Mattayo 26:24

Orjeeda siida gaygawa, gawuurji gidaghayi sing'oorsiinda, amadu ea dashageada siidida jea ghwala bwadaw Orjeeda Siidean! Siisi ghang'wana gwachi ea meeji.”

Mattayo 16:21

Ghang'eada damandida gwarukusa Yesu giinealangaaschi gideaba gammiisa beata jea gawa Yerusalemu, ak aba hoowa gayghwanyas sawanadeeda haw aba heeda gweargwa ea ashoohoodiga hees ea ng'oorshoodiga, ak geenuus, ama eaweeteaba samwagu gwaduudu.

SAKARIYA 11:13

hean gwayeeshiinean NG'UTAMIIDA, “iina jeeda shiliingajeegiga atiktam ea damanamughuushiin”–ak geajaksi jeeda shageeda siitiiwiisa lapiya bea gheeda NG'UTAMIIDA.

NYIIGHEEGA 74:22

Ea ASEETA, ng'eada ak giweadi geaw; apkaada gida ang'eawiidaneey siitasha askwearda sean!

Marko 9:13

Geayeeshiineegwa, Eliya ada nihidu, ak gwasima buuneeda gidagasiida saawa, gawuurji gidaghayi sing'waarda aba badaydaanyi.”

Marko 9:31

Nea nih abeeda gwasin gideaba niny iyanaal ginealangaaschi gwayeeniisa, “Orjeeda Siida gajeenung' goobissa geatinga buuneeda jea ghabwar ghami. Nea iing'ata eawooji samwagu gaygwaduudu.”

Marko 10:33

Gwayeesha, “Heapi oaleaydiit! Ghamneawa Geeweayi Yerusalemu. Nea aba hoowa Orjeeda Siida gajeayiin geatinga ashoohoodiga hees ea giinealshoodiga diineeda Yahudi. Fiisu gayghoahaakta eenuus ak geayiin geatinga fuga eemoojiga.

Gadiyeeda Giijasoodiga 1:6

Iidu nea ghabwat geat, geanyaash niny, “Ng'utamiida, abeeda aba damani gajadeelsiina sugoocheanduumeeda Israeli?”

Gadiyeeda Giijasoodiga 4:11

Nih lagheaneeda ghayi heawa fuga deekshi, ak ghoah lagheaneeda washiin akar gheeda.