Marko 4:15 - Bibliyeeda Ghaydit

¹⁵ Boogiga abitpisa ghuuta naweedean fugiga iiy ng'asheanda deagheata ghwahidu Shataani ak gageandeawa jeesinga nyaawa.

NEAJEEDA EESH BEA BUUNEESSEAN

¹⁵ Boogiga abitpissa ghuutta naweedean Fugiga iiy ng'asheanda deagheatta ghwahidu Shattaani ak gageandeawa jeesinga nyaawa.

Marko 4:15 Referans Kwoze

1 Betro 5:8

Andeawana gheadeenda nea ghoang'wearu. Aba gideaba weajoocheandeang'wa was meang'nyeandeenda gawuurji ng'adiida ak gwanyeara daghata, nea gwaneay gagasa siida jea ghwanukghuta.

Mattayo 13:19

Siida wassean iiy ng'asheanda sugoocheanduumeeda ak ea mwanala, ghwahidu gidida muyiin ak ghoasealda gidida sihisa guroroadaanyiin.

2 Goriinto 2:11

adaghwanyas Shataani gheata jea ghwanyagaadawa aba badahuukaasa; aba gideaba meewoosi dasheahi aba gidida gasean.

Lukka 8:12

Giika abitpisa naweedean fugiga ama iiyiin gil; hean ghwahidu meangeenda gageandeawa ng'asheandida gurooruunatka nyaawa, aba gideaba adaghamwas ak gealealu.

Marko 4:4

Hita nea gwahista boagaaschi gwanda booga abitpisa heeda was naweeda buuneeda, iidu ghwahidu dariidaka ak ghwaak.

Gadiyeeda Giijasoodiga 5:3

Ghwalamda Betaro ak gwayeesha, “Ananiya ghwasaan anda ginung' goobal gurooroadaang'u Shataani ea ghwanung' reengana Guroorooda Ghaydit ak gifunyi haleanjeeda mwaatkwa bea madamnyeandean?

ISAYA 53:1

Ghamwas ng'eaha iita ng'asheega ghayi siyiinyi? Ak geatinda NG'UTAMIIDA geeteajisa ng'eaha?

Giidaheechta 20:10

ak geejaksa meang'nyeandida reengani saawaan jeeda basooda beasta ea giikayda heeda mida diyeaydida ea sibaneeda ng'uyyeega, ak gajeesawan askweari ea eawa ea ghoah damanda manda muudeanooda.

Giidaheechta 20:7

Ak iyasha gweanyeew sagalama, gajeetin Shataani gwarina ghealoonigaaschi

Ebraniya 2:1

Asi gamiiseasa gideaba gajeeng'ula muuchi ng'asheega ghayi siyiinyi, ghana eesheagiidana.

2 Desaloniikke 2:9

Aba hinnooda dea mandeawana deaweeda aba gadiyeeda Shataani gaygwandeawa uurda sean nea gwandeawa gwadeagwajeega ea deamdeamanga,

Mattayo 22:5

Ghanyea maduupa, ghang'eatng'eat gaweay, gawa akaleala madamnyeandaanyi niirja gawa giigeakshoadaanyi,

Giidaheechta 12:9

Ak geejaksa ng'eanyi hararjoodida haw was ichiboodeaba garayiin, siguura Meang'nyeandeenda ea Shataani, was dea reengani ng'eanyiisean, ak geejagu badayda ng'eanyiida, ak eara malaykajeagaaschi geehisu ghapka ng'eanyi sea niny.

Mattayo 4:10

Hean gwayeesha Yesu, “Ng'amwana hiji Shataani! aba gideaba geang'waar, ‘Ghadoawana Ng'utamiida was ASEATAANG'U ak gibwadi niny nea gaba geaw.’”

SAKARIYA 3:1

Hean geahiimnaan Yoshuwa was ashoohoocheanda haw, nea ghamiinaada aba madeeda malaykajeanda NG'UTAMIIDA, ak ghamiinaada shataani aba meatkweeda geatindaanyi bea dugwa ghoahaakta niny.

GIING'EETA 19:14

Iimuchu ghang'eat Lutu ak gwayeesha siyeenatka haweagaaschi, jea numuji ghaghi haweagaaschi, “Ang'eatng'eada ang'amwana hiji; aba gideaba niriikghta gwanyarja NG'UTAMIIDA mujiineani.” Nea aba heeda siyeenatka haweagaaschi gawuurji shikooda.

Ebraniya 12:16

nea adagwanda siida sina ng'asheega munyas ghana dea meawala gheang'da ASEETA uurji Esawu, ghayi shaayda hawundaanyi doobiiwsa aba agiischooda asagi.

Gadiyeeda Giijasoodiga 17:32

Siyiiy iita ng'asheega duunooda miyeeda, hean gwajuuga mwaatkwa; nea mwaatkwa gwayeesha, “Geegasayi eeleeysiiniit gicha ng'asheanji.

Marko 4:14

Siida weah gwahista booga gwahista ng'asheega ASEETA.

Marko 4:16

Booga abitpisa badayda harearacheandean. Fugiga ama iiy ng'asheanda ghwadeapta nea gahoosan.