Marko 2:21 - Bibliyeeda Ghaydit

²¹ Manda siida ammu gwalagu weasta hang'deesh ak ghawaasa hang'da waas. Iisisin ng'asheanji abeeda gayghwaloadaadawa weastida eeshiin hang'da waas ak abeeda ghami hang'da muuchi.

NEAJEEDA EESH BEA BUUNEESSEAN

²¹ “Manda siida ammu gwalagu weasta hang'deesh ak ghawaasa hang'da waas. Iisisin ng'asheanji abeeda gayghwaloadadawa weastida eshiin hang'da waas ak abeeda ghami hang'da muuchchi.

Marko 2:21 Referans Kwoze

Mattayo 9:16

Manda siida jea ghawaasa weasteesh hang'da waas. Aba gideaba weasteesh gayghabwaash hang'dida waasiin ak abeeda gayghoahaada seawadeeda.

1 Goriinto 10:13

Manda simsimda ninyaseagwa agooga mawoosa dea gealaan aba heeda siida. ASEETA doabiiwaat, nea niny ea mayghwanung'waada eesimeegwa ea ghwanaawa uurjeengeagwa, earapeadi jea eesimeegwean gaygwasin naweeda jea ariteawana ak abeeda ghoamuuschi arjeang'da.

ISAYA 57:16

Aba gideaba maygudu deata ghuut, nea maydanyareekiisa galeagasean; Ak abeeda suh aabwachiin, gaygang'arng'ariidi aba madeedeanyu, ak giisiimeandeanyu bea eaweega ghaadawji aniini.

Marko 2:20

Amadu gwanda eaweeda jea eegeandeawa siida geeshi eaweecheanji fuga siguursa gaygooluulda geat.

Marko 2:22

Ghanyea manda siida jea ghwayiin difaayeeda eashish jeesinga sheargweega woosi. Iisisin ng'asheanji gayghabwaashaada difaayi sheargweega, ak abeeda gaygwanyara sheargweega ak gaweay difaayi. Difaayeeda eashish geeyiina jeeda sheargweega eashish!”

Lukka 5:36

Hean gwarukusa galeega nea gwayeesha, “Manda siida jea ghabwaash weasta hang'deesh ak ghawaasa hang'da waas, iisindunu gayghabwaash dea eesh, ak abeeda weastida bea hang'deeshiin maygweateayi sea dea waas.