Marko 13:2 - Bibliyeeda Ghaydit

² Ghwalamda Yesu ak gwayeesha, “Ghamneawa gidaahi gealsu heesiin? Lagheang'su ghayi sideasaan manda dea jea eenung'usa heeda earagi. Gajeeng'adeadu sean.”

NEAJEEDA EESH BEA BUUNEESSEAN

² Ghwalamda Yeesu ak gwayeeshsha, “Ghamneawa gidaahi gealsu heesiin? Lagheang'su ghayi sideasaan manda dea jea enung'usa heeda aaragi. Gajeeng'ng'adeadu sean.”

Marko 13:2 Referans Kwoze

Lukka 21:6

“Aba haleanjeeni oong'ulayiin, gayghwahidu damanda jea ea mayghoabit lagheana aba uhuumba nuut jea ea majeeng'adeasa ng'eanyi.”

Mattayo 24:2

Ghwasha niny ak gwayeesha, “Moong'uli haleanjeeni seaniin? Aba huumwa geayeeshiineegwa, manda eara lagheaneanagi jea ghoabit aba uhuudeaba niirja jea ea majeeng'adeadu.”

MIKA 3:12

Asi aba badahuukeagwa Sayuni gajeabwarda gisibariida madamnyeanda; nea Yerusalemu gayghoah eemeega, ak giijeeda gheeda gaygawuurji gudung'unyeanda aba dareabeeta.

YEREMIYA 26:18

“Damanda waseewa sugoocheanda Yuda Hesekiya ghwaramoaran Mika was mujiineeda Moresheti ak gwayeesha fuga sean bea Yuda: ‘Gwayi NG'UTAMIIDA bea lugweega, mujiineeda Sayuni gajeabwar gawuurji gida sibariida madamnyeanda; Nea Yerusalemu gajeanung' ghoah eemeega, nea giijeeda gheeda sibata ASEETA gayghoah dareabeeta haw.’

Giidaheechta 11:2

ak ea adiideeni bugharjeanda mida bwadaw bea ASEETA; dakta bwadaw, aba gideaba siitaw darooraka, ak gayghwadatas mujiineeda ghaydit sheeh haradam ea iyeenya.

Gadiyeeda Giijasoodiga 6:14

aba gideaba siyiinyi nea gwayi, Yesuheeni bea Nasaretiin gaygwanyarja gheawi sibata ASEETEAN, ak gayghwayam searoojiga ghayi gooneasa Musa.”

DANIELI 9:26

Iing'ata wiikaji laadam ea iyeenya, abeeda gajeabwar siida simwaar, ak ea manda siida jea ghoaghiis hoorgeadaanyi; nea fuga siida haw jea ghwahidu gaygwanyarja mujiini ea heeda ghaydit. Nea huuydeandaanyi gayghwaanda guldeayda, ak aba huuydeanda gaygwanda ng'ucheeda; nea nyariida ea diigheanda sin ASEETA.