Marko 12:6 - Bibliyeeda Ghaydit

⁶ Abeeda ea siipuusa heeda siyagi, nea jeaptaanyi bwariiy gil. Iidu Goojeakta nea gwayeesha geaw, ‘Gajeawal gheang'da.’

NEAJEEDA EESH BEA BUUNEESSEAN

⁶ Abeeda ea sippuussa heeda siyagi, nea jeaptaannyi bwariiy gil. Iiduw Gojeakta ada nea gwayeeshsha geaw, ‘Gajeawwal gheang'da.’

Marko 12:6 Referans Kwoze

Yohaana 1:34

Ak aniini ea naadaayi ak ea neamuuwu gideaba siisi Orjeeda ASEETA gil.”

Mattayo 3:17

deagheata, ghwanya ghuuta nyaasha humng'eeda nea gwayi, “Nih Orjeedeanyu aabwariinyi, ahoosanani.”

1 Yohaana 4:9

Aba seareani bariinyeega ASEETA geataajiit aba jeedeanya, gideaba ASEETA goojeagu Orjeedaanyi was haghasheeda badayda ng'eanyiida, ak abeeda geanyaschi eaweega aba badaydaanyi.

Ebraniya 1:6

Ak gicha, iyeadu duweacheadaanyi badayda ng'eanyiida, gwayeesha, “Nung'waada ghaghadoawan niny malaykajeega sean bea ASEETA.”

Yohaana 5:23

abeeda gwasissa buuneesean mureeda Orjeeda gawuurji gidasiniisiinda mureeda Bwaabwa. Siida masisiina Orjeeda mureeda masisiina mureeda Bwaabeeda ghayi ajeagu niny.

Yohaana 3:35

Bwaabwa ghabwariiy Orjeeda, ak ea niyiin haleanjeeda sean geatindaanyi.

Yohaana 1:49

Ghwasha Natanaeli nea gwayeesha, “Rabi, ang'iing'i guwoosi Orjeeda ASEETA! Guwoosi Sugoocheanda Israeli!”

Yohaana 1:18

Manda siida nidaah ASEETA; Orjeeda was haghasheeda, mideayi sea Bwaabwa, niny siida adaajiidi.

Yohaana 1:14

Ak iidu ghoah Ng'asheandida saseeda ak goobiida jeedeanya, niny ghwanyiit dagheerjeanduumeeda ea huumeanda ak ea sidaayi, giigheambiitaanyi, giigheambiita uurji dea Orjeeda was haghasheeda leabu heeda Bwaabwa.

Lukka 9:35

Ghwanya ghuuta nyaasha jeeda shamooghooda, nea gwayi, “Nih Orjeedeanyu aaloachi, ooleeysiiniit niny.”

Lukka 3:22

ak gwashuubeesa uhuudaanyi Guroorooda Ghaydit nea gawuurji ghariibajeanda, ak ghwanya ghuuta nyaasha humng'eeda nea gwayi, “Ang'iing'i guwoosi Orjeedeanyu aabwariinyi; gwadan jeedeanyu.”

Marko 9:7

Miighoah gil ea nihoonu shamooghooda ak gwadukuta. Ghwanya ghuuta Siida nyaasha jeeda shamooghooda nea gwayi, “Nih Jeepteanyu aabwariinyi ooleeysiiniit.”

Marko 1:11

Ghwanya ghuuta nyaasha humng'eeda nea gwayi, “Ang'iing'i guwoosi Orjeedeanyu aabwariinyi; gwadan jeedeanyu.”

Mattayo 26:63

Ghwasiinda Yesu. Gwayeesha Ashoohoocheanda haw, “Eaniyean aksiina ASEETA majeek habeawooda rukuneasa ang'iing'i ea guwoosi Gristo, Orjeeda ASEETA.”

Mattayo 17:5

Damani duu gabaloolean deagheata ghwahidu shamooghooda eesh ak gwadukuta, ak ghwanyaasha ghuuta jeeda shamooghooda nea gwayi, “Nih Orjeedeanyu aabwariinyi ahoosanani, ooleeysiina iit niny.”

Mattayo 11:27

Nigoonan Bwaabwa haleanjeeda sean. Manda siida nal Orjeeda geaghus Ghweanda, ghana siida nal Bwaabwa geaghus Orjeeda ghana siida wassean gasa Orjeeda goohiimsa.

Mattayo 1:23

“Ng'ula gaygagweayiit huda miyeasat ak gaygwaji baleanda, ak gajeeguura gheawungaaschi Imanueli” (nea gideaba, ASEETA sindeayeewi).

ISAYA 42:1

Ng'ula, siideanyu bea gadiyeeda aaloachi ak ghaadawji uurda, ak ghwanung' gahoosan gurooroodeanyu, ak ea naayiinyi gurooroodeanyu jeadaanyi ak niny gaygoorgweaksa eemoojiga girgweageeda doabiiwaat.

NYIIGHEEGA 2:12

Oang'waanya ng'asheega miyaas, adiidu ghwanyareas ak goorootiisi naweeda, aba gideaba nyarastaanyi gaygabay ghwayeat; ghang'wana fuga mang'awsa headaanyi.

GIING'EETA 37:3

Nea abeeda Israeli ghabwariiy Yosefu muuchi ea ghang'al diibigaaschi suurja, aba gideaba baleanda jih nea niwaasiidi; ak gwasissa hang'da geaw gul ng'eanyi mideawa geatinga.

GIING'EETA 22:12

Ak gwayeesha, “Adiiheaksi orjeeda geatingaagu ghana simana gil; aba gideaba ghamneawa naanali gideaba giiwali gheang'da ASEETA, aba gideaba nukwa muweadanaani orjeedang'u was haghasheeda.”

GIING'EETA 22:2

Gwayeesha ASEETA niny, “Geanda orjeedang'u, was haghasheeda was Isaka, ibwariinyi, ak guwi ng'eanyiida Moriya, ak giidaydi ghoah lukghumajeega sighwarda aba uhuuda giijeeda jea daahiimu.”

NYIIGHEEGA 2:7

Gaydarukwiida diigheanda NG'UTAMIIDA; ak gwayeeshiinean, “Ang'iing'i guwoosi orjeedeanyu, askweareani aniini neajiileey.

GIING'EETA 44:20

Ak geeyeeshi sugoocheandeanya, ‘Aseasa geendeawi bwaabwa nea niwaasiit, ea orjeeda giyeanya mwanang' was orjeedaanyi jiila woosinda; nea orjeeda ghaamwat ea nimi, ak geaghus niny aba diibiga geanyaawa; ak ghabwariiy ghwaan.’

Marko 12:5

Gabiikta gicha Siidida bea madamnyeandean goojeakta soomjaan nuut, amadu gwanuus fugiga aragan madamnyeandean. Eara fuga suuk siicheakta earaga mwaatkwa geabwar nea mwaatkwa geenuuseada.

Marko 12:7

Hean gwayeesha geat fugiga, ‘Nih siida jea numuji gwahearaniischi gil asi eenuusa, ak abeeda gaygabwaaheasa hearaniischooda!’

3 Yohaana 1:1

Gweargweeda, heeda Gayoyda aabwariinyi, eabiisi dabwariiy aba huumwa.