Marko 12:2 - Bibliyeeda Ghaydit

² Damandida bea lajitean Goojeakta soomjeanji itaanyi heeda fuga aragan madamnyeanda, gweadu booga sinyas bea madamnyeanda was heeda doobiiwsa niny.

NEAJEEDA EESH BEA BUUNEESSEAN

² Damandida bea lajittean Gojeakta soomjeanji ittaannyi heeda fuga aragan madamnyeanda, gweadu booga sinyas bea madamnyeanda was heeda dobiiwsa niny.

Marko 12:2 Referans Kwoze

Ebraniya 1:1

ASEETA ghayi goobalool ghweanigaasa aba ghuusiga sibanga aba naweadinga saang'a ea damanyoojiga saang'a;

Lukka 20:10

Goodeendeen ama gul damandida, goojeakta soomjeanda heeda fuga aragan madamnyeandean eataw haghweega mwaatkwa bea sabiibu; ng'ata ghabwar fugiga aragan madamnyeandean ak geanung' gawa nea mwaada gil.

Lukka 12:48

Nea siidida mwanalaan ak gwasin gida miisa bayiigean, gajeabwar gil mwanang'. Gilinyoo eataw gea saang'a aba headaanyi gajeegasa gea saang'a nea dea siitaw ghoahaaghwa gea saang'a muuchi, aba headaanyi gajeegasa gea saang'a ea ghwanaawda.

Mattayo 21:34

Neekiit damanda haghweega goojeakta soomjoagaaschi heedeaba fugiga aragan madamnyeandean gaweay gweadu haghweagaaschi.

SAKARIYA 7:7

Heapi! Suh mii ng'asheega rugu NG'UTAMIIDA aba ghuuta sibangeaba garayi damanda ghayi abiideewa Yerusalemu buuneeda nea ghwanyagaada nea abeeda geeneaweesa mujiinajeagaaschi, nea abeeda ng'eanyiida Negebu ea Shefela goobiida buuneeda?”

MIKA 7:1

Deashageadi! Aba gideaba neawuurjeewi haghweega siimughuush bea geayda, geawuurjeewi sabiibooda siimughuush iing'ata lajita: ak ea manda eara damealeanda jea eayaak, ak ea manda eara haghweega madeeda gasa gurooroodeanyu.

YEREMIYA 44:4

Ak geajeagu heedeang'wa fugeasu sean bea gadiyeeda was sibanga, ak iissa geabay dang'eat sakteayda ak geajeagu nea geayeenyi, ‘Asi agooga adoosinyi ng'asheanji muy aasichiin!’

YEREMIYA 35:15

Ak geajeagu fugeasu sean bea gadiyeeda sibanga saawa geajeagu heedeang'wa ak gwayeeshiineegwa, ‘Daba siisi abuut naweadingaaschi munyas, nea ghwanung'waada sinaweagaaschi munyas, nea ghwanung'waada eata geeshta aseecheeka gadiyeesa. Ak gajoopiidana jeedeaba ng'eanyiini ghayi eagoonyeegwa ea ghweanigeagwa.’ Ak ea moayiinyi iiteanyu nea mooleeysean iit.

NYIIGHEEGA 1:3

Ak gaygawuurji geeta sing'eapsa ghuuta eeniga beega, ak gwajiila haghweagaaschi aba damandaanyi, ak eara seendoadaanyi ea masisa. Nea aba gadiyoojiga sean sina, iissa ghwanyagaada.

ESRA 9:11

ghayi irukuni ghuuta fugaagu bea gadiyeeda was ashoohoodiga nea giyeeni, ‘Ng'eanyiida jea aweayeena, ak goombali, gajea ng'eanyiida ririnnyeanda gil aba ririnyeandeaba fugiga bea ng'eanyiita, aba ng'asheega nyaawa munyas nyiit meatkwajeega sean ririnnyeanda nyaawa.

2 DAMANYOOJIGA 36:15

NG'UTAMIIDA, was ASEETA ghweaniga nyaawa, goojeaksa saawa giijasoodiga, aba gideaba nibwayda fugaaschi ea heeda abiita niny;

2 SUGOODIGA 17:13

Ak eara aba badaydeaba suh NG'UTAMIIDA gwareekusa fuga Israeli ea Yuda. Aba ghuuta gilinyoo ea sibaneeda gil, ea gilinyoo ea siida deaha ng'asheega gil nea gwayeesha, “Aduukuunana nea ghoanung'waadi naweadinga ng'asheegeagwa munyas, ak ghoang'waanyi diigheanyeekeasu as damanamughuush, ea huumeanyeekeasu aba giduurji deaweedajeega sean ghayi earukusi ghweanigeagwa, ak ghaanung' gweadu heedeang'wa fugeasu bea gadiyeeda was sibanga.”

Marko 12:1

Ng'ata goobalool Yesu saawa nea gagala geat ng'asheega nea gwayeesha, “Ghayi sih ghabwar madamnyeanji itaanyi ak gang'eapsa sabiibu. Hit gooneaweesa madamnyeandaanyi hilooga, gageanu ak gwasin healadeeda jea eemuuriisa difaayeeda was mideega haghweega sabiibu, ak gwasin eara madalooda jea eefura madamnyeanda. Hean ghwanung' gooragan buuneeda madamnyeandaanyi. Ng'ata iidu gawa Siidida ea gawa darooraka sheagi.

Marko 12:3

Ghoang'waay fugiga soomjeandida ak ghabwar amang'ata geanung' gabiikta nea mwaada gil.