Marko 10:2 - Bibliyeeda Ghaydit

² Ng'ata gaweay fuga Farisaayo heeda Yesu ak gwasim nea gwayeesha, “Heapi ghwadoabiiwi gideaba gayghwanung' siida gatmoadaanyi?”

NEAJEEDA EESH BEA BUUNEESSEAN

² Ng'atta gaweay fuga Farisaayo heeda Yeesu ak gwasim nea gwayeeshsha, “Heappi ghwadoabiiwi gideaba gayghwanung' siida gatmoadaannyi?”

Marko 10:2 Referans Kwoze

Yohaana 8:6

Gwarukuta ng'asheanji nea simooda gil ak abeeda ghwanyas gheata gichea eahaaktaawa. Gageanu Yesu ak gabuy uhuudaanyi, ak ghang'oar ng'eanyi aba mooneeda.

Mattayo 23:13

“Ashageada geat ng'oorshoodiga ea Farisaayajeega, amiitu geat! Aba gideaba ghoakghuumi buuneeda gidaghuuta sugoocheanduumeeda humng'eeda, nea mooweayeeni jeeda, nea fuga jea gaweay ea moosiksiini gaweay jeeda. [

1 Goriinto 10:9

Nea adaghanyi eesina Ng'utamiida, ak geewuurjeewi gidaghayi simda fuga mwaatkwa aba jeenyaawa, ak ghwaak ichipkeega;

Yohaana 11:57

Abeeda ea niidayda Ashoohoodiga hees ea Farisaayajeega iita gideaba siida deepa ghwanal heeda mida Yesu ea darukusiina ak abeeda geang'waay.

Yohaana 11:47

Gwasin Ashoohoodiga hees sea Farisaayajeega girgweageeda nea gwayi, “Gajeesina naaha? Anda siisi iissa gwasin gwadeagwajeega saang'a muuchi.

Yohaana 7:48

Ghoang'wa adaaha eara ea siyagi gil aba jeeda fuga ambaliischi dea mwas ghana Farisaayo dea mwas niny?

Yohaana 7:32

Ghwayiiy Farisaayajeega gidameang'sheata eemeeda aba badaydaanyi, hean goojeakta ashoohoodiga hees ea Farisaayajeega furiischoodiga gaweay ghoang'waay niny.

Lukka 16:14

Iidu nea ghwayiiy Farisaayajeega ng'asheesu seaniin gwashika niny aba gideaba saawa ghabwariiy lapiya.

Lukka 11:39

Gwayeesha Ng'utamiida niny, “Agooga Farisaayajeega iissa goohuunyi badayda gikoombe ea dea gweeriida, nea jeesingeagwa ghwanyiit mareanghuumeeda ea munyinda.

Lukka 7:30

nea Farisaayajeega ea diinagoodiga ghaheawa ng'asheega gasa ASEETA bea badahuuka nyaawa, aba gideaba ghaheawa goobaatiisan niny.)

Lukka 6:7

Gang'ula Ng'oorshoodiga ea Farisaayajeega eadaa ea jea ghoahaap siidida eaweeda sabaato, aba sareani geegasa gichea eanyasta ramaseanda jea eahaaktaawa.

Lukka 5:30

Hean gooniiksa Farisaayajeega ea ng'oorshoodiga nyaawa ginealangaaschi, nea gwayeesha, “Ghwasaan anda gooyeagiischi nea gooleeshi sea fuga ang'oonyi gwaadi ea fuga riing'eega?”

Marko 8:15

Iidu gwareekusa Yesu ginealangaaschi nea gwayeesha, “Ashageada matawanda Farisaayajeega ea dea Herode.”

Marko 8:11

Ghapka fuga was Farisaayajeega heeda Yesu ak gwasheang'nyi sea Yesu. Nea abeeda geegasa eaghas aba jeeda baloaldaanyi, geegasa gwasin gwadeagooda jea ghoahiimu gideaba niny huumwa gil goojeagu ASEETA.

Mattayo 22:35

Ghoanyaash diinagiida nea gwasim.

Mattayo 19:3

Ghapka headaanyi Farisaayajeega ak gwasimsim nea gwayeesha, “Heapi ghwadoabiiwi gideaba siida gayghwanung' gatmoadaanyi aba gilinyoo ea ramwasaani?”

Mattayo 16:1

Gaweay heeda Farisaayajeega ea Sadukayajeega ak gwasimsim nea gamus gideaba, eadaaha gwadeagooda leabu humng'eeda.

Mattayo 15:12

Ng'ata gaweay heeda giinealangaaschi ak gwayeesha, “Heapi ginali gideaba gwachi Farisaayajeega iiyiiy ng'asheandida gwanyareesi?”

Mattayo 9:34

Nea Farisaayajeega saawa gwayeena, “Gooruuta meangeenda aba uurda dea haweewa meangeenda.”

MALAKI 2:16

“Aba gideaba aniini ghaasichi nung'ooda, gwarugu NG'UTAMIIDA was ASEETA Israeli, ak ea meagassi iimida jeedeang'wa siida sima gatmoadaanyi ng'asheega munyas, gwarugu NG'UTAMIIDA bea lugweega. Asi ashageada geat ak ea adagabayseegwa mureeda.”

Marko 10:1

Hean ghabeawa Yesu hoowa ak gawa ng'eanyiida Yudeya, ea ghwahita giigheawda eenda Yordani. Gooreemsa eemeetuw headaanyi gicha. Hean gabiissa gooneali buuneeda ng'asheega gicha gawuurji gida eawoojisu sina.

Marko 10:3

Gwayeesha Yesu saawa, “Deaweedeeda ghayi gooneegwa Musa aneeda gil?”