Marko 1:7 - Bibliyeeda Ghaydit

⁷ Gwarukwiida Yohana ng'asheega nea gwayeeniisa, “Gwanda siichea ghwahidu jea ghwaduupnanaan geash. Siisi gaburdeawean uurda eara ak aniini ea mamiisean dahiiy geaw deatineada deanga geakaaschi.

NEAJEEDA EESH BEA BUUNEESSEAN

⁷ Gwarukkwiida Yohaana ng'asheega nea gwayeenniisa, “Gwanda sichchea ghwahidu jea ghwaduupnanaan geash. Siisi gaburdeawean uurda eara aniini mammisean dahiiy geaw ak geameewji deandoadaannyi.

Marko 1:7 Referans Kwoze

Gadiyeeda Giijasoodiga 13:25

Iidu nea niihiit Yohana gadiyeadaanyi gwayeesha, ‘Ghoaghanyi gili aniini eawooschi ng'eaha? Aniini meawoosi siidida oofurdiin. Manda, ak gwanda siida jea gamaseawnean, ak aniini ea mamiisean deatin deandooda geakaaschiin.’

Yohaana 1:27

siisi gaygamaseawnean, ak aniini ea mamiisean deatineada deanga geakaaschi.”

Lukka 3:16

ghwasha Yohana nea gwayeesha buuneesean “Aniini geabaatiisananeegwa beega; nea siida jea ghwahidu gaburdeawean uurda, ak aniini ea mamiisean deatineada deanga geakaaschi; nea niny gaygoobaatiisananeegwa Guroorooda Ghaydit ea beasta.

Mattayo 3:11

“Geabaatiisananeegwa beega aba duukuunooda, nea dea jea ghwaduupnaan geash gaburdeawean uurda, ak aniini ea mamiisean eara sareenda geakaaschi; niny gaygoobaatiisananeegwa Guroorooda Ghaydit ea beasta.

Mattayo 3:14

Hean gagasa Yohana ghaheawa nea gwayeesha, “Geagasayi aniini gideaba gajabaatiisan ak giwuni ang'iing'i heedeanyu?”

1 SAMWELI 25:41

Hean ghang'eat ak ghwahiiy geaw ea ghang'uda gheamamda ng'eanyi, ak gwayeesha, “Ng'ula, hudaang'u bea gadiyeeda siida jea goohuun geeshanga fuga gadiyeeda ng'utamiideanyu.”

Marko 1:6

Abeeda Yohana gookweali eaghwada sisna buudeega ngamiya nea gwaratiisa manandaanyi ghealooda, nea hamitaanyi ea deashamga gil ea maleeda dareabeeta.

Marko 1:8

Aniini geabaatiisananeegwa beega, Niny gaygoobaatiisananeegwa Guroorooda Ghaydit.”

Gadiyeeda Giijasoodiga 19:4

Ghwalamda Bawlo ak gwayeesha, “Yohana ghayi goobaatiisan aba giibaatiisanda duukuunooda riing'eega, ak gwayeesha buuneeda amwasa jea gweadu geeshteanyu, was Yesu.”