Marko 1:5 - Bibliyeeda Ghaydit

⁵ Gooreemsa Yohana Eemeetuw leabu ng'eanyiisean bea Yudeya ea ghoah fuga Yerusalemooda sean, ak geepaatiisan aba jeedeenda Yordani, nea gwaduukuuna riing'eega nyaawa.

NEAJEEDA EESH BEA BUUNEESSEAN

⁵ Goreemsa Yohaana Emeettuw leabu ng'eanyiissean bea Yudeeya eaghoaw fuga Yerusaleemossean, ak gwadukkuuna ring'eega nyawa ak geppattiisan aba jeedeenda Yordaan.

Marko 1:5 Referans Kwoze

Gadiyeeda Giijasoodiga 19:18

Iidu ghapka fuga saang'a nimwas ASEETA ak gwaduukuuna riing'eega aba madeeda buuneeda ea ng'asheega munyas ghayi sina.

Gadiyeeda Giijasoodiga 2:38

Ghwalamda Betaro ak gwayeesha, “Aduukuunana, giliwas sih geepaatiisananeegwa gheawunga Yesu Gristo aba samsiinda riing'eegeagwa; ak geegooneegwa Guroorooda Ghaydit.

Yohaana 3:23

Abeeda eara Yohana goobaatiisan aba Ainoni, neekeewa Salemu, aba gideaba hoowa gwanda beega saang'a; iissa gaweay buuneeda heeda ak goobaatiisan.

Yohaana 1:28

Ng'asheesu seaniin geesin aba hoowa bea Betaniyaan giigheawda Yordani was heeda abaatiisaniisa Yohana buuneeda.

Mattayo 4:25

Ghwaat geeshtaanyi eemeetuw leabu ng'eanyiida Galilaya ea Dekapoli ea Yerusalemu ea Yudeya ea giigheawda Yordani.

GHWASIILDEANGA 28:13

Siida fuy giidiinyeanyeekaaschi mayghwanyas nyageadayda, nea dea duukuuna ak ghoabuut gayghwanyas baydeayda.

NYIIGHEEGA 32:5

Ak aniini gearukuneey riing'eedeanyu, ak ea mii dafuy munyindeanyu ak geayeenyi “gaydamwas giidiinyeanyeekeasu aba heeda NG'UTAMIIDA”; ak gisamsean aba gidaroat aba riing'eedeanyu.

YOSHUWA 7:19

Ng'ata gwayeesha Yoshuwa Akani, “Orjeedeanyu, aghaambiida NG'UTAMIIDA was ASEETA Israeli, ak giduukuuni niny; ak girukunean, ghamneawa gidisini, nea gidisini ea adufunyanaan.”

Marko 1:4

Yohaneeda Abaatiisachi geedeaksa jeeda dareapcheeda nea gwarukwiisa buuneeda gideaba aduukuunana ng'asheega munyas ak geepaatiisan ak gwasamsa ASEETA riing'eega nyaawa.

Marko 1:6

Abeeda Yohana gookweali eaghwada sisna buudeega ngamiya nea gwaratiisa manandaanyi ghealooda, nea hamitaanyi ea deashamga gil ea maleeda dareabeeta.

Yohaana 5:35

Niny ghayi gheaboong'nyeanda yeat ak ghoabwaay gil, amadu ghoabwariinyi agooga weeshindaanyi gil nuwaas.

Yakkobo 5:16

Daba siisi duukuuna riing'eemba nuut, nea gaba siisi mwaash ASEETA aba badayba nuut, ak abeeda geahaabeagwa. Siida doabiiwaat iimwaash ASEETA gwandeawa uurda haw sin gadiyeeda.