Marko 1:44 - Bibliyeeda Ghaydit

⁴⁴ “Asi una nea adirukusi sih ng'asheanji. Una ahiimsiina geaw ashoohoocheanda, ak giidaydi haleanjeeda siyeada ghadooweeda was gidaghayi rukuteayda Musa, eanal gideaba ang'iing'i nihaabi.”

NEAJEEDA EESH BEA BUUNEESSEAN

⁴⁴ “Asi Una nea adirukusi sih ng'asheanji. Una ahimsiina geaw ashoohoochcheanda, ak gidaydi haleanjeeda siyeada ghadooweeda was gidaghayi rukutteayda Muusa, eanal gideaba ang'iing'i nihaabi.”

Marko 1:44 Referans Kwoze

Lukka 17:14

Daah saawa gwayeesha, “Aweayeena oohiimsiina geat ashoohoodiga diineeda Yahudi.” Damandida beawaan geamiidu.

Mattayo 8:4

Gwayeesha Yeesu niny, “Daaha, adiidu girukusi sih gil; ng'eada una, ak giihiimsi geaw ashoohoocheanda, ak giidaydi haleanjeeda sisapa geadi bea ghadooweeda gawuurji gida ghayi rukuteayda Musa, ak abeeda ghwanal buuneeda.”

1 Goriinto 10:11

Asi ghamneawa, ng'asheesu ghwanyas nea gawuurji reekusiinda, ak geang'waar ghoahiimu gichea eabeada, aba heeda fuga jea gweadu muudeanooda gweanyeeka.

Ruumi 15:4

Aba gideaba ng'asheega sean ghayi sing'waar aba askwearjoojigeaba mwadiin geang'waar ak abeeda ghoadoabiiweasa, ak aba alooheeda ea gidamajeektaneasa ng'ooruutka abeeda geanyaschi gidasirarji.

Lukka 5:14

Ghamiin gheang'da ea marukusiina sih; nea gwayeesha, “Una ahiimsiina geaw ashoohoocheanda, ak gisabi geadi haleanjeeda siyeada ghadooweeda was gidaghayi rukuteayda Musa, asi abeeda gajeadaah gideaba siimiineey.”

Marko 1:43

Hit ghamiin gheang'da ak ghwanung' gabay ghabeawa hoowa nea gwayeesha,

Gadiyeeda Giijasoodiga 23:22

Ghwalamda shirikarajeanda haw ak gwayeesha, “Eaniyean adaghwayiiy sih gideaba nihidu rukunean ng'asheanji, asi ng'eada una.”