Marko 1:15 - Bibliyeeda Ghaydit

¹⁵ nea gwayeeniisa, “Nigul damanda, nea gheambalmeeda ASEETA ea nineekiit, Aduukuunana riing'eega ak ghoamwaschi Giijasta Miy.”

NEAJEEDA EESH BEA BUUNEESSEAN

¹⁵ nea gwayeenniisa, “Nugul damanda, nea gheambalmeeda Aseetta ea nineekkiit, Adukkuunana ring'oojiga ak ghoamwaschi Giijasta Miy.”

Marko 1:15 Referans Kwoze

Mattayo 3:2

“Aduukuunana, aba gideaba sugoocheanduumeeda humng'eeda nineekiit.

Mattayo 4:17

Ghang'eada damandida ghoang'eat Yesu rukwiideayda ng'asheega ASEETA nea gwayi, “Aduukuunana aba gideaba sugoocheanduumeeda humng'eeda nineekiit.”

Efeeso 1:10

ak googuuyi haleanjeeda sean aba niny, haleanjeeda mida humng'eeda ea gea mida badayda ng'eanyiida.

Gadiyeeda Giijasoodiga 20:21

ak geamuuwiisi sean fuga Yahudi ea fuga Yunani ak gearukusi iita duukuunooda aba heeda ASEETA ea iita masaweega mida jeeda Ng'utamiideanya was Yesu Gristo.

Galattiya 4:4

Iidu nea ghwahita damanda, hean goojeagu ASEETA Orjeedaanyi, jiilu gatmooda, aba jeeda deaweeda,

Lukka 10:9

oahaabwa fuga miyean mida jeedida nea goorukusi fugiga gideaba, ‘Sugoocheanduumeeda ASEETA nineekiiseegwa.’

Mattayo 10:7

Aba jeeda neayeedeang'wa arukwiida gideaba, ‘Sugoocheanduumeeda humng'eeda nineekiit.’

DANIELI 2:44

Nea aba damandeaba sugoodisu gayghamiinda ASEETA humng'eeda sugoocheanduumeeda nuut majeamu eayam, ghana eenung'usa gheambalmeadaanyi fih suuk. Ak gaygwanyarjeaweada sugoodisu seaniin ea goosha, ak gaygoobiida sugoocheanduumeeni damanda manda muudeanooda;

Lukka 24:47

ea gideaba duukuunooda ea samsiinda riing'eega gajeerukwiida aba gheawungaaschi, aba jeeda eemoojiga sean, ghang'eada Yerusalemu.

Lukka 10:11

‘eara birjeanda mujiineedeang'wa noas geeshangaasa geelalaksi iheengeagwa; ak goobiissi anala gideaba sugoocheanduumeeda ASEETA nineekiit.’

DANIELI 9:25

Asi nala ak gijeeng'u gideaba gidang'eada damanda sirukuna ng'asheanda jea eebiiksiina deesta Yerusalemu ea ghwahidu siida simwaar, jea ghoah sugoocheanda, gayghang'ata wiikaji ispwa niba gweanyeew ispwa. Ak abeeda wiikaji laadam ea iyeenya gajeebiikta eadeas gicha nea geesin naweadinga ea maparoojiga, aba damanda sawanadeeda.

Ruumi 16:26

ak geatahaach ghamneawa aba ramooranga sing'waar amadu ghwanal eemoojiga, aba gidaghayi rukuteayda ASEETA manda muudeanooda, ak abeeda gwasin mureeda aba masaweega–

1 Dimotteo 2:6

niny gabeagu eaweagaaschi nea gabwageaw ak ghoah siida jea gootin buuneesean, ak gajeemuuwu aba damandaanyi.

Ditto 1:3

iidu nea ghwahita damanda ghoadaajiit ng'asheandaanyi ghayi siiteaganean aniini aba girukuteayda lealnoocheandeanya was ASEETA;