Lukka 1:8 - Bibliyeeda Ghaydit

⁸ Nea aba damanda sineewa gadiyeeda ashoohoocheanduumeeda aba madeeda ASEETA nea abeeda ea galanyeanda sineewa gadiyeeda lugoadaanyi,

NEAJEEDA EESH BEA BUUNEESSEAN

⁸ Nea aba damanda sineewa gadiyeeda ashoohoochcheandumeeda aba madeeda Aseetta nea abeeda ea galannyeanda sineewa gadiyeeda lugoodaannyi,

Lukka 1:8 Referans Kwoze

2 DAMANYOOJIGA 8:14

Gawuurji deaweeda ghayi bea Dawdeeda was ghwaan, ng'ata gwalaja ashoohoodiga gwasin gadiyoojiga nyaawa, ea fuga Lawi aba gadiyeeda nyaawa bea duumsheesiinda ea gadiyeesiinda ashoohoodiga gawuurji gidasigasiida galeagasean, nea fuga fura gidaghuudajeega nea gwalakiisa geat gidaghuudajeega; gawuurji gidarukteayda Dawdeeda was siida ASEETA.

1 DAMANYOOJIGA 24:19

Nih gadiyeeda nyaawa jea gwasina ak gaweay jeeda gheeda NG'UTAMIIDA aba gisirukusiinda aba geatinda ghweanda nyaawa was Haruni, gawuurji gidarukusiinda NG'UTAMIIDA was ASEETA Israeli.

2 DAMANYOOJIGA 31:2

Ng'ata gwalakiisa Hesekiya gadiyeeda ashoohoodiga ea fuga Lawi, gaba siisi bea gadiyeadaanyi, nea ashoohoodiga ea fuga Lawi gayghoah haleanjeeda sisabwa geadi sigwariida, ea haleanjeeda sisabwa geadi bea hoyyoo, nea gagadiiy aba gidaghuusiga maheemajeanda NG'UTAMIIDA ak gabadiischeesa nea gwaduumsheesa.

Lukka 1:5

Damanda waseewa Herode sugoocheanda Yudeya, abeeda gwanda ashoohoocheanji siguura Sakariya, bea gharmucheanda Abiya, nea gwandeawa gatmoadaanyi bea haweega Haruni, nea gheawungaaschi geeguura Elisabeti.

ESRA 6:18

Ak geayiin ashoohoodiga jeeda gadiyeeda nyaawa nea fuga Lawi geenung' gwalageanyi aba gadiyeeda ASEETA mida Yerusalemu, gawuurji gidaghayi sing'waarda aba jeeda gitaabooda Musa.

2 DAMANYOOJIGA 31:19

Nea orjooga Haruni, was ashoohoodiga, mida jeeda madameega bea ng'eanyiida bea mujiinajeega nyaawa, gwanda headiga siguush aba gheawunga nyaawa aba jeeda mujiinajeega jea gwalakiisa headiga aba jeeda ashoohoodiga ea jeeda fuga Lawi was gea goola eeyiida.

2 DAMANYOOJIGA 11:14

Aba gideaba fuga Lawi ghwanung'wa heeda ng'eanyiida nyaawa ea haleanjeeda nyaawa ak ghapka Yerusalemu ea Yuda, aba gideaba Yeroboamu ea orjoagaaschi gwajakta saawa ea masina gadiyeeda NG'UTAMIIDA,

IITOODA 18:7

Nea ang'iing'i ea orjoagaagu gajang'ula ashoohoocheanduumeedeang'wa, aba badayda giliwas gil bea heeda wagiida, ea aba badayda haleanjeeda mida jeeda hang'da beashooda, ak gajasina gadiyeeda. Geagoonyeegwa ashoohoocheanduumeeda ghoah gadiyeeda miy sigooneegwa; nea rabascheanda jea gwaneekiit gajeabwar ghami.”

RITEAYDA 30:30

Ak gajamwaara Haruni ea orjoagaaschi, ak gajamiini saawa, ak gaygagadiyeesean ghoah ashoohoodiga.

RITEAYDA 29:44

gaydaamiidu maheemajeanda siroondooscheesa, ea heeda wagiida, ea Haruni ea orjoagaaschi gaydaamiidu, ghoah ashoohoodiga ak gagadiyeesean.

RITEAYDA 29:9

ak giradi mananuunatka nyaawa Haruni ea orjoagaaschi ak gishuubi iheenga nyaawa ngoofajeega, ak ashoohoocheanduumeeda gajea daanyaawa gil gidamanda muudeanooda, ak gajiina Haruni ea orjoagaaschi jeeda gadiyeeda.

RITEAYDA 29:1

“Nih gichea hinda saawa gil iijea aghaydiida saawa; ak gagadiyeesean ghoah ashoohoodiga. Geani heeyda duu ea mwanang' ea lagweendi iyeenya miyaas,

RITEAYDA 28:41

Ak gishuubi orjeeda geamadu was Haruni, sea orjoagaaschi sea niny ak gimwaari saawa ak giyiini saawa jeeda gadiyeeda, ak gisaji saawa aba gadiyeeda ak gaygagadiyeesean ghoah ashoohoodiga.

RITEAYDA 28:1

“Asi eani Haruni was orjeeda geamadu, sea orjoagaaschi ea niny, aba jeeda fuga Israeli, gagadiyeesean ghoah ashoohoodiga Haruni gil ea orjooga Haruni, was Nadabu ea Abihu, ea Eleasari ea Itamari.

1 DAMANYOOJIGA 24:2

Nea Nadabu ea Abihu goosheedeawa ghwaan miyeeda, nea mandeawana diibiga, ak ghoah Eliyasari ea Itamari ashoohoodiga.

Lukka 1:7

Abeeda ea mandeawana baleanda aba gideaba Elisabeti soonooda nea niwoosiidi sean.