Lukka 1:70 - Bibliyeeda Ghaydit

⁷⁰ Gawuurji gidaghayi rukuteayda aba ghuuta sibangaaschi ghaydidi ghang'eada garayi,

NEAJEEDA EESH BEA BUUNEESSEAN

⁷⁰ Gawuurji gidaghayi rukuteayda aba ghuutta sibangaaschi ghaydidi ghang'eada garayi,

Lukka 1:70 Referans Kwoze

2 Betro 1:21

aba gideaba manda ramooraneeda jea gwaleabu uurda siida, buuneeda ghwaat Guroorooda Ghaydit ak gwarugu ng'asheega leabu heeda ASEETA.

Ruumi 1:2

ghayi siheeleesa aba mwadi aba naweeda sibangaaschi aba jeeda ng'ooruutka ghaydidi,

Gadiyeeda Giijasoodiga 28:25

Iidu ghang'eat gaweay nea moang'waanya geat baloolda nyaawa iing'ata ng'asheanda asagi rugu Bawlo bea gideaba, “Aba huumwa ghoadoabiiw Guroorooda Ghaydit aba ng'asheega rukusa ghweanigaasa aba naweeda sibaneeda siguura Isaya:

1 Betro 1:12

Hean geetaheachsa saawa gideaba magadiyeesiina badahuuka nyaawa, aba badahuuka haleanjeeda ghamneawa rukuneegwa fuga ghayi rukuneegwa giijasta miy aba naweeda Guroorooda Ghaydit siicheagu leabu humng'eedean, ng'asheesu ghayi gagaseadayi malaykajeega ghwadaah.

Lukka 24:44

Hean gwayeesha saawa, “Suh ng'asheegeasu ghayi earukuneegwa, damanda sindeaydooscheewi, ak abeeda ng'asheega aba badaydeanyu aba jeeda deaweedeeda Musa ea sibanga ea gitaabooda Nyiigheega gajeahiit.”

Marko 12:36

Damandida gwayi Dawdi aba uurda Guroorooda Ghaydit ghwanung' gwayi, ‘Ng'utamiida gwayeesha Ng'utamiideanyu, Beeni abiidana meatkweedeanyu bea geatinda dugwa, ea danung' alaapta ng'eanyi fuga was weajoodigaagu.’

YEREMIYA 30:10

“Adiidu gibeali, Ea Yakobo gwarugu NG'UTAMIIDA, siideanyu bea gadiyeeda, Adiidu gigiisani, Ea Israeli; aba gideaba, gaydalealneey nea gindi dea sheagi, ea jeacheengaagu mida ng'eanyiida siipaleaksa. Yakobo gaygabiigu ak gaba seayu, ak ea manda siichea ghoabeal.

YEREMIYA 23:5

“Ak hean gwayi NG'UTAMIIDA, “Ng'ula gayghapka eawoojiga jea danung' gafirfirsa Dawdi damealeanda doabiiwaat, ak gaygoombaliischi gawuurji sugoocheanda aba weaghuumeeda, ea huumeanda ea aba doobiiwnata aba ng'eanyiida.

2 SAMWELI 23:2

“Guroorooda NG'UTAMIIDA gabalool aba jeedeanyu, ng'asheandaanyi gwanda ng'ushapteanyu.

GIING'EETA 49:10

Yuda maygwaheeli bileangida gheambalmeeda, Nea jeacheangaaschi gaygoombaliischi galeaga sean, ak gaygweasa eemoojiga niny haleanjeeda guskuseega; nea gwatkuy aba mureeda aba madeadaanyi.

GIING'EETA 12:3

Gaydaadaw ghawooda fuga goonyi ghawooda, nea siida mwaashtaneey gaydamwaashta; nea aba badaydaang'u gayghoadaw ghawooda eemoojiga sean bea muunda ng'eanyiida.”

GIING'EETA 3:15

Ak gaydayiin furjeeda dageascheadaang'u ea dea gatmooda, ea dageascheeda jeataang'u ea jeataanyi; gayghwalas uhuudaang'u; ak gayghanyaada diding'daanyi.”

Giidaheechta 19:10

Ak geabeedeaysi madeeda geeshangaaschi ak ghaaghadoawanyi niny hean gwayeeshiinean, “Adiidu gisini ng'asheesu! Aniini geawooschi soomjeanda sea ang'iing'i sea fuga iduupcheewi mideawa muuwuunooda Yesu. Ghadoawana ASEETA.” Aba gideaba muuwuunooda Yesu guroorooda sibaneanduumeeda.

Ebraniya 3:7

Asi, gawuurji gidida rugu Guroorooda Ghaydidiin, nea gwayi, “Askweareani, iyoayiinyi ghuutaanyi,

2 Betro 3:2

ak ghoapkaachi ng'asheega ghayi rugu sibanga ghaydidi ea diigheandida bea Ng'utamiida ea lealnoocheanda aba naweeda giijasoodigeagwa.