Lukka 1:13 - Bibliyeeda Ghaydit

¹³ Ak gwayeesha Malaykajeanda, “Adibeali, Sakariya, aba gideaba siyiiy gidimwaashi, nea eara Elisabeteeda was gatmoadaang'u gaygwajiilneey baleanda, ak gaygureewana gheawungaaschi Yohana.

NEAJEEDA EESH BEA BUUNEESSEAN

¹³ Ak gwayeeshsha Malaykajeanda, “Adibeal, Sakkariya, aba gideaba siyiiy gidumwaashi, nea eara Elisabeetteeda was gatmoadaang'u gaygwajiilneey balleanda, ak gaygureewana ghawungaaschi Yohaana.

Lukka 1:13 Referans Kwoze

Gadiyeeda Giijasoodiga 10:31

nea gwayi, ‘Gorneliyo, mooshtaang'u bea ASEETA siyiiy ak eara haleanjeeda isabi geadi ea niipkaat ASEETA.

1 SAMWELI 2:21

Muchu ghabwayda NG'UTAMIIDA Hana, ak gagweayiit ak gwaji orju samwagu ea hawi iyeenya. Ak gwahisa heeda Samweli aba madeeda NG'UTAMIIDA.

NYIIGHEEGA 113:9

Ak ghwanung' goobiida ghoah gatmooda majiila, ghoah gheamata diibiga mideawa hooseaneega. Oakghaambiida NG'UTAMIIDA!

GIING'EETA 25:21

Hean ghamwaash Isaka NG'UTAMIIDA ghawooda aba badayda gatmoadaanyi, aba gideaba gwanya jeat; ng'ata ghamwas NG'UTAMIIDA mooshtaanyi bea ghawooda, ak gagweayiit gatmoadaanyi was Rebeka.

Lukka 2:21

Ng'ata eawooji sis nea siyaat ghasmeahooda geeguura Yesu, gheawunga ghayi ng'assa malaykajeanda nea mii ghwanyas ghaamwat gweayuumeeda.

NYIIGHEEGA 118:21

Gaydabadiischooweey aba gideaba nishaahi ghuuteanyu ak ea nihuuwi lealeanoodeanyu.

GIING'EETA 18:14

Neada gwanda ng'asheanda hang'waay aba heeda NG'UTAMIIDA? Iihita damandida gaydabiigu headaang'u gweanyiin doomeelda, abeeda Sara gajea ninyas baleanda.”

Mattayo 14:27

Deagheata gwayeesha saawa, “Oapida ng'eanyi adoabeali siida aniini.”

GIING'EETA 17:19

Iidu gwayeesha ASEETA, “Manda, gaygwajiilneey Sarayiheeda was gatmoadaang'u baleanda, ak gayguureewana gheawungaaschi Isaka. Ak gaydasin neajeedeanyu sea niny was neajeeda maygamuudean aba jeacheangaaschi.

Mattayo 28:5

Ghwalamda malaykajeanda humng'eeda ak gwayeesha gadeemgiga, “Agooga adoabeali; ghaanali gideaba googasayi Yesuheeda heeta singoor.

DANIELI 10:12

Hean gwayeeshiinean, “Adibeali Danieli, aba gideaba ghang'eada eaweeda ghayi bea madeeda inung' ghwanal fughareadaang'u ng'asheega ak gumwasi aada geaw ng'eanyi aba madeeda ASEETA, ea siyiiy ng'asheagaagu ak ghaawunyi aba badayda ng'asheagaagu.

FUGA LAJA GIRGWEAGUUTKA 6:23

Ak gwayeesha NG'UTAMIIDA, “Gagasa bea hoyyoo, nea adiidu gibeali; ang'iing'i maymeawa.”

GIING'EETA 17:10

Nih neajeedeanyu jea ang'waanya, mida dageascheedeanyu ea daang'u ea jiilnangaagu: Gilinyoo ea orjeeda gil mida jeedeang'wa gajeayaat ghasmeahooda.

Lukka 1:30

Gwayeesha Malaykajeanda, “Adibeali Mariya, aba gideaba nigoonyi ASEETA dagheerjeanduumeeda.

ISAYA 8:3

Hean geawi heeda gatmoodeanyu was ashoohoocheandean, ak gagweayiit amang'ata gwaji baleanda. Ak gwayeeshiinean NG'UTAMIIDA, “Guureewana gheawungaaschi Maher-shalal-hashbasi;

HOSEYA 1:6

Gabiikta gagweayiit gicha, ak gwaji huda. Ng'ata gwayeesha NG'UTAMIIDA, “Guureewana gheawungaaschi ‘Meebwayda’, aba gideaba maygudu dabwariiy Israeli gicha nea ak ea maydasamsa earahay.

HOSEYA 1:4

Ng'ata gwayeesha NG'UTAMIIDA, “Ng'assiina gheawunga jeebi ak giguuri ‘Yesreeli,’ aba gideaba siipuut gheadi mwanang' ak ghaalaschi gheeh Yehu aba bayiiga ghayi sin aba mooheeda Yesreeli. Ak gaydahuta sugoocheanduumeeda aba jeeda eemeeda Israeli.

Marko 16:6

Hean gwayeesha Gheareemaneeni gadeemgiga, “Ada ghahameegwa ng'eanyi. Ghaanali beadi oogaseadayi Yesuheeda Nasareti, singoorsa uhuuda beehiida. Siisi niduudu eara hiji mudugwanda. Ang'ula heeda siyiin.

Mattayo 1:21

Gaygwaji orjeeda ak gayguureewana gheawungaaschi Yesu, aba gideaba niny gaygwalealu buuneadaanyi aba jeeda riing'eega nyaawa.”

Lukka 1:14

Ak gay hoosana nea ging'weelayi muuchi, nea eara fuga saang'a gaygahoosassa jeataanyi;