IITOODA 8:7 - Bibliyeeda Ghaydit

⁷ Ak gaysisiina saawa ng'asheesu ak giimiidu; saksiina iheenga nyaawa beega ahuuni riing'eeda, ak ghwareaghwa weembe saseenuuka nyaawa sean, nea goohuuna hang'weaka nyaawa, ak ghoamiidu geat.

IITOODA 8:7 Referans Kwoze

IITOODA 19:13

Siida wassean ang'waay musta siida meah, ak ea moamiina geaw, ghang'uda ririnnyeanda maheemajeanda ghaydit bea NG'UTAMIIDA; ak siisi gajeasach aba jeeda fuga Israeli; aba gideaba miyeesaksa beegiga bea giimiinoodean, gaygaba ririnnyaan; aba gideaba gudu gwandeawa ririnnyeanda.

NG'ASHEEGA LAWI 8:6

Ng'ata gweadu Musa Haruni sea orjoagaaschi ak goohuun aba beega.

Giidaheechta 7:14

Geayeeshi niny, “Siida mureeda, ginali ang'iing'i.” Hean gwayeeshean, “Suh fuga leabu jeedeaba sawanadeedida hawiini; ak ea niihuun hang'weaka nyaawa geawi ea ghwanung' gaweeriidi aba foojeanda Dayeenda Gisilleanda.

1 Betro 3:21

Giibaatiisanda deaschi sea ng'asheesu ghamneawa gwalealneegwa, nea mii gideaba gageandeawa saseeda ririnnyeanda gil geemus ASEETA aba fughareeda miy, aba duunooda Yesu Gristo,

Yakkobo 4:8

Aneekiisiina ASEETA ak gaygwaneekiiseegwa agooga. Oamiini geatingeagwa, ea fuga riing'eega, oamiini gurooruunatkeagwa, ea fuga mabwagi.

Ebraniya 9:13

Aba gideaba siida mideawa riing'eeda iisiipuuna foojeanda nooga ea gea heewga ea deareeda haghweanda iyamiidu nea ghoamu goohuun saseeda,

Ebraniya 9:10

ak iissa gabeachi hamita ea leeshooda sea giihuushooda, was deaweedajeega saseeda ghayi sigu ea ghwahita damanda jea eebiikta eesina gicha.

ESEKIELI 36:25

Ak gaydeadalealseegwa beega miyaas, ak abeeda gajamiyeasiita, gaydaamiyaasiideagwa aba ririnyeandeang'wa sean ea aba sanaamajeegeagwa sean.

YEREMIYA 4:14

Ea Yerusalemu ahuuna munyinda mida gurooroadaang'u, ak abeeda gajeelealneey. Ghamneawa gajateemsheesiina ng'asheega munyas aba jeadaang'u ea ghoah eeju?

ISAYA 52:15

Ak gayghwanung' ghahamng'eanyi eemoojiga saang'a; ak gayghwarat ghuusiga nyaawa sugoodiga aba badaydaanyi; aba gideaba ng'asheega miyeerukusa saawa gajeadaah, nea ng'asheega miyeeyiiy gajeanal.

NYIIGHEEGA 51:7

Ahuunean aba hisoopo, ak gaydamiidu; ahuunean, ak gaydaweeshiit ea dang'al gapkeanda.

NYIIGHEEGA 51:2

Ahuunean muuchi aba munyindeanyu, ak giimiinaan aba riing'eegeasu!

IITOODA 31:20

Ak gajoohuuna hang'weakeagwa, ea giliwas gil sisna muunda, ea haleanjeeda sean sisna eagweega nooga, ea giliwas gil sisna geeta.”

NG'ASHEEGA LAWI 16:28

Abeeda siida ghwarda haleanjeeni gaygoohuun hang'weakaaschi nea goohuun saseadaanyi aba jeeda beega, amang'ata gayghoan jeeda maheemajeanda.

NG'ASHEEGA LAWI 15:27

Nea siida wassean jea ghawaas haleanjeeni gay gaba ririnnyaan, ak gaygoohuun hang'weakaaschi, ak goohuushi aba jeeda beega, ak gaygaba ririnnyaan ea ghwahita shing'ada.

NG'ASHEEGA LAWI 15:6

Nea siida wassean jea goopteadawa gida wasean apteadawa siida bearji mananda gaygoohuun hang'weakaaschi, ak goohuushi aba jeeda beega, ak gaygaba ririnnyaan ea ghoah shing'ada.

RITEAYDA 19:10

Ak gwayeesha NG'UTAMIIDA Musa, “Una heeda buuneeda ak ginung' ghoamiidu geat ghamneawa ea numuji, nea goohuun eara hang'weaka nyaawa,

GIING'EETA 35:2

Ng'ata gwayeesha Yakobo fugeaba gheanyi sea fuga sean mideawa, “Ooheelleewana geat aseecheeka eemoojiga mida jeedeang'wa, ak ghoamiidu geat, ak ghoayamnyi hang'weakeagwa;

IITOODA 8:21

Ak ghoamiidu geat fuga Lawi aba riing'eeda, ak goohuun hang'weaka nyaawa; ak ghwaat Haruni madeeda NG'UTAMIIDA ghoah haleanjeeda ghadooweeda sigatkat; ak gwasin Haruni ng'asheanji aba badahuuka nyaawa ak ghoamiidu.