IITOODA 33:1 - Bibliyeeda Ghaydit

¹ Suh wuseanyeeka fuga Israeli, damanda riteawa ng'eanyiida Misri aba eemoojiga nyaawa nea ghoadoabiiw Musa sea Haruni.

IITOODA 33:1 Referans Kwoze

MIKA 6:4

Aba gideaba geascheeng'naneegwa ng'eanyiida Misri, nea gearuunaneegwa gheeda soomjeandumeeda; ak ghaanung' gawa madeadaang'u Musa, ea Haruni, ea Miriyamu.

NYIIGHEEGA 77:20

Ak giidoabiiwdi buuneadaang'u gisilga nea ghoadoabiiw Musa ea Haruni.

1 SAMWELI 12:8

Damanda ghayi beawa Yakobo ng'eanyiida Misri ak ghaghabwas fuga Misri saawa, hean gooyeawusa ghweanigeagwa NG'UTAMIIDA ak goojeagu NG'UTAMIIDA Musa ea Haruni, was fuga ghayi aruudu ghweanigeagwa aba jeeda ng'eanyiida Misri, ak ghoadaw ng'eanyiida goobiida.

YOSHUWA 24:5

Ak geajeakti Musa ea Haruni, ak ghaalaschi ng'eanyiida Misri aba gideasinyi aba bugusta nyaawa; amang'ata gearuunaneegwa jeedida.

RITEAYDA 13:18

Hean goosiik ASEETA buuneeda naweeda dareapcheeda, neekeewa basooda Shaamu. Ak gwascheeng'na fuga Israeli ng'eanyiida Misri nea nishaash dabita.

RITEAYDA 12:51

Ak eaweedida gooruudu NG'UTAMIIDA fuga Israeli aba ng'eanyiida Misri sea lugoanyaawa.

RITEAYDA 12:37

Ghang'eada fuga Israeli ng'eanyiida Ramesi ea ghwahita Sukoti, abeeda mooneeda buuneeda weewa geeshanga ea sagalamnyooji lah nea meeyiita gadeemga ea diibiga.

IITOODA 33:2

Hean ghang'oar Musa gidariteayda aba wuseanyeeka nyaawa, aba diigheanda NG'UTAMIIDA; ak suh ea wuseanyeeka nyaawa aba iyang'eat ghuuta ng'eayda.

NYIIGHEEGA 105:26

Ak goojeagu Musa was siidaanyi bea gadiyeeda, sea Haruneeda ghayi loat.

RITEAYDA 6:26

Nih Haruni gil ea Musa ghayi eesha NG'UTAMIIDA, “Ooruunana fuga Israeli ng'eanyiida Misri sea fuga nyaawa.”

RITEAYDA 12:41

Mudeanoodeaba gweanyeeksu as bughalaji ang'wan ea diktam ea damanamughuushiin eaweeda riteawa lugooda NG'UTAMIIDA ng'eanyiida Misrihi.