IITOODA 30:2 - Bibliyeeda Ghaydit

² Siida iirasa gida NG'UTAMIIDA, ghana iiyaak habeawooda jea ghwanung'waadawa gida, ea adagwanuus gidida heeleesean, gagasa gwasinda ng'asheega sean gidarukuteayda aba ghuutaanyi.

IITOODA 30:2 Referans Kwoze

NYIIGHEEGA 50:14

Adawa ASEETA lukghumajeega badiischooda, ak giidawi haleanjeeda iradi ASEETA haw bea humng'eeda;

NYIIGHEEGA 116:14

gaydaadayda haleanjeedeanyu earasi NG'UTAMIIDA aba madeeda buuneadaanyi sean.

AYUBU 22:27

Gaymwaasha niny, ak gayghwayiiy; ak gajahiida haleanjeadaang'u iradi.

Gadiyeeda Giijasoodiga 23:12

Iimuchu sakteayda, gaweay gwasin fuga Yahudi makcheameeda ak ghwaak habeawooda gideaba, Mwajeayaaga gil nea majealeaha gil ea eaghus ea sinuuschi Bawlo.

Gadiyeeda Giijasoodiga 23:21

Asi adumwasi aba gideaba ghamneawa gwanda fuga abina haradam jea gwanuus, ea niyaak habeawooda gideaba maygweagiischi nea mayghwali gil ea eaghus ea sinuus Bawlo; ghamneawa saawa ghoamuughu gida jea nyaasha ang'iing'i.”

NAHUMU 1:15

Ng'ula, aba uhuuda giijeeda geeshanga siida eadu ng'asheega miyaas, was dea ruku hoyyoo! Ang'waanya ghweelmoojigaagu, Ea Yuda, ahiida habeawajeagaagu, aba gideaba maygudu gabiikta fuga munyas ghapka headaang'u, aba gideaba nigeawiit eeheeli.

GHWASIILDEANGA 20:25

Ng'asheanji washta gil gideaba siida gaygabaloola budeayda nea gwayi, “Gaydaadaw NG'UTAMIIDA gili,” ak iidu gabiisa gooteemshi nea nihit radita.

NYIIGHEEGA 116:18

Gaydaadayda haleanjeedeanyu earasi NG'UTAMIIDA aba madeeda buuneadaanyi sean,

NYIIGHEEGA 55:20

Siida eandeawi niihaakta geatinda ghabwar siida duupchi, ninuus neajeadaanyi.

NYIIGHEEGA 22:25

Headaang'u gwaleabu giigheambiiteanyu aba jeeda eemeeda saang'a, gaydaadayda haleanjeeda aarachi aba madeeda fuga awali gheang'daanyi.

NG'ASHEEGA LAWI 5:4

Ghana iirugu iiyak siida habeawooda muy aba ghuutaanyi ak gwasin gidamuy ghana gwasin gidamiy, ng'asheanda wassean was habeawooda miy ak siida, ak ea mwanala, iidu nea ghwanal gayghwanyas riing'eeda aba jeemba giliwas ng'ashaan.

2 Goriinto 1:23

Iidu geeguursi ASEETA ghoah muushoocheandeanyu, ak abeeda iyaawunyi ea moanyasi sawanadeeda ak ghoah gissiiteelsiinanean hinnooda Gorinto.

NYIIGHEEGA 76:11

Oatayda haleanjeeda oorasi NG'UTAMIIDA was ASEETEANG'WA, ak giidaydi; nea agoogeeda sean oowooschi neeki oatawa haleanjeeda giimearda was ninyeeda miisa gheawalmeeda,

Gadiyeeda Giijasoodiga 23:14

Hean geeweay heeda ashoohoodiga hees ea gweargwa ak geeyeesha, “Aseasa siyaaji habeawooda gideaba majeayaaga gil ea eaghus ea sinuuschi Bawlo.

Mattayo 23:18

Nea gooyeenyi, ‘Siida jea gweaksa habeawooda heeda wagiida ea miigili; ama aksa habeawooda haleanjeeda sisapa geadi bea ghadooweeda mida badayda heeda wagiida, ea nirat geaw aba habeawooni.’

Mattayo 23:16

“Ashageada geat ashoohoodiga ng'oowi! ‘Agooga iissa gooyeenyi siida iiyaksa habeawooda gheeda sibata ASEETA ea miigili; ama aksa habeawooda dahaabu mida jeeda gheeda sibata ASEETA abeeda ea nirat geaw aba habeawooni.’

NYIIGHEEGA 119:106

Naayaaji habeawooda ak gaydeamajeek, ak geang'ulayi huumeanyekaagu doobiiweadi.

NYIIGHEEGA 56:12

Ea ASEETA, gaydaahiit neajeedeanyu aba headaang'u; gaydagoonyi haleanjeeda ghadooweeda bea badiischooda.

FUGA LAJA GIRGWEAGUUTKA 11:39

Iing'ata huuydeanda sheedeaba iyeenya, gabiikta heeda ghwaan, ak gwasima gidaghayi akta habeawooda. Nea abeeda ea mii gwaroonyi ng'eedeeda. Ak ghoah deaweeda aba Israeli,

FUGA LAJA GIRGWEAGUUTKA 11:11

Ng'ata goodeayi Yefta sea gweargwa Gileyadi, ak geanung' ghoah siichea goosheedeawa saawa, sugoocheanda, jea gamiineadaysa saawa; hean gwarukusa Yefta ng'asheagaaschi sean NG'UTAMIIDA aba Mispa.

IITOODA 30:10

Ama ak habeawooda nea gwanda gheesiyeadaanyi, ghana gwadeepa ghwarat geaw nea ghwaak habeawooda,

IITOODA 21:2

Ghwarat Israeli gida aba heeda NG'UTAMIIDA nea gwayi, “Inyas giyiini fiisu geatingeasu aba huumwa abeeda gaydanyarjeaweada muuchi mujiinajeega nyaawa.”

RITEAYDA 20:7

“Adirugu mwadaagha gheawunga NG'UTAMIIDA was ASEATAANG'U, aba gideaba NG'UTAMIIDA mayghwanung' ghoah gilimandeawana ramaseanda siidida ruku gheawungaaschi mwadaaghaan.

NYIIGHEEGA 15:3

Ak ea mabeera buuneeda aba ghuutaanyi, nea masisiina buweacheandaanyi gidamuy, ghana ghwaak badayda giischeewoocheandaanyi;

IITOODA 32:24

Asi adeasa mujiinajeega aba badahuuka diibigeagwa, ea hilooga jea gwalla noogeagwa; ak goosinyi ng'asheesu rinna ghuusigeagwean.”