IITOODA 28:2 - Bibliyeeda Ghaydit

² “Rukusiina fuga Israeli, nea giyeeshi saawa, ‘Haleanjeedeanyu bea ghadooweeda, hamiteanyu sighadoawanda sighwarda, bea shearooda ng'andit, gajang'ula muuchi ak gajagoona aba damandaanyi hit.’

IITOODA 28:2 Referans Kwoze

NG'ASHEEGA LAWI 3:11

Ak gayghaghwarda ashoohoocheanda aba heeda wagiida ghoah hamita sighwarda bea NG'UTAMIIDA.

GIING'EETA 8:21

Joon NG'UTAMIIDA shearooda ng'andit bea lukghumajeega, gwayi NG'UTAMIIDA aba jeeda gurooroadaanyi, “Maygudu damwaashta ng'eanyiida aba badayda siida, aba gideaba giiteemshajeega siida aba jeeda gurooroadaanyi ea munyas ghang'eada jeepcheanduumeadaanyi; ak ea maygudu danuus giliwas diyeayda gawuurji gidaghayi easindi.

Filippi 4:18

Ak ea naanyaschi haleanjeeda sean, ea ghwanaawda, aba seang'ayda; was gea ghayi eanean Epafroditoheeda leabu heedeang'wa, was haleanjeeda oogoonyi, was shearooda nagheeda ng'andit, ea haleanjeeda sisapa geadi bea ghadooweeda biissa ghabwariiy ASEETA.

Efeeso 5:2

Ak ghoabeawi bariinyeega, gawuurji gidabwariiydaneasa Gristo ak ghoadayda geaw aba badahuukaasa, ak ghoah haleanjeeda sisapa geadi bea ghadooweeda ng'andit aba heeda ASEETA.

2 Goriinto 2:15

Aba gideaba aseasa geewooschi shearooda ng'andit bea Gristo aba madeeda ASEETA, aba heeda fuga laalaan ea heeda fuga nirooda,

MALAKI 1:12

Amadu ghoabwari ririnnyeanda damanda ooyeani heeda wagiida bea NG'UTAMIIDA sibwara ririnnyeanda, nea hamita mida badayda geefool.

MALAKI 1:7

Aba gideaba ghoayiinyi haleanjeeda ghadooweeda munyas heedeanyu bea wagiida. Ak gooyeenyi agooga, ‘Neada geenung' gamunyiitaan?’ Aba gideaba ghoaghanyi gili heeda wagiida bea NG'UTAMIIDA gichea eefool.

ESEKIELI 20:41

Iyearuunaneegwa ng'eanyiida ghayi oodardeaysi, ak ghaabwadaneegwa geat; abeeda gaydaang'waay haleanjeedeang'wa oasabi geat ng'andit bea ghadooweeda, ak gaydaahiimu ghaydidandeanyu aba heedeang'wa nea madeeda eemoojiga suurja.

ESEKIELI 16:19

Eara nagheedeanyu eagoonyi, ea dearanga miyaas, ea maleeda aang'aataawaneey abeeda giyiini madeenyaawa ghoah shearooda ng'andit ea giduurji gil gwarugu NG'UTAMIIDA was ASEETA.

NYIIGHEEGA 81:3

Aghuuda durumbeati aba ng'ushiinda sheeda, ea aba sheeda haw, aba eaweeda ghweelmeedeanya.

IITOODA 15:24

ama deepa ea giidiinyeanda sisin nea meanala, nea gwadeepa ea mwanala girgweageeda, abeeda gayghoadayda girgweageeda sean eeshpajakcheanjagi mwanang' ghoah haleanjeeda ghadooweeda sighwarda, ghoah shearooda ng'andit aba heeda NG'UTAMIIDA, sea haleanjeadaanyi bea ghadooweeda was booga, ea haleanjeeda ghadooweeda sileeha, gawuurji gidanyaashta diigheanda, ea ghwaranyagi ghoah haleanjeeda ghadooweeda aba badayda riing'eeda.

IITOODA 15:7

ak haleanjeeda ghadooweeda sileeha was bayoagagi ea dea agweena iyeenya bea difaayi, ak gwasissa shearooda ng'andit haleanjeeda ghadooweeda ak ghwanung' gahoosan NG'UTAMIIDA.

IITOODA 15:3

ak ghoatawji NG'UTAMIIDA aba jeeda dugwa ghana jeeda nooga haleanjeeda ghadooweeda sighwarda, ghana haleanjeeda sighwarda bea ghadooweeda, ghana lukghumajeega, jea ghoahiit gida sirat ghana haleanjeeda ghadooweeda siitayda nea geegasa ghana gea ghweelmoojigeagwa siloat, ak ghoanung' ghoah shearooda ng'andit aba heeda NG'UTAMIIDA,

IITOODA 9:13

Nea siida maba ririnnyaan ak ea manda bareanyeeka, nea ninung'waada ging'ooyda Basaaka, siisi gajeasach sea fugaaschi; aba gideaba mii ghoadaw NG'UTAMIIDA haleanjeeda ghadooweeda aba damandaanyi ghayi sirugu, siisi gayghwaat riing'eadaanyi.

IITOODA 9:7

ghwalamda fugiga ak gwayeesha, “Aseasa geebeayi ririnnyaan aba ging'ooyda musta siida; ak ghwasaan inyas geakghumwaneasa eara gideaba gajeatawa NG'UTAMIIDA haleanjeeda ghadooweeda aba damanda ghayi sirugu, aba jeeda fuga Israeli?”

NG'ASHEEGA LAWI 21:8

Gajoombiida niny, aba gideaba goodayiida mukaateeyda ASEETEANG'WA; gajea ghaydit aba heedeang'wa; aba gideaba aniineeda was NG'UTAMIIDA, amiineegwa, geawooschi ghaydit.

NG'ASHEEGA LAWI 21:6

Gagasa ea ghaydidi aba heeda ASEETA nyaawa, ak ea mwoamu nyiida gheawunga ASEETA nyaawa; aba gideaba ghoadayda haleanjeeda ghadooweeda sighwarda bea NG'UTAMIIDA, was mukaateeyda ASEETA nyaawa; asi gagasa ea ghaydidi.

NG'ASHEEGA LAWI 1:17

ak gayghabwaash dageascheeda meang'eagaaschi, ak ea mayghwanung' gwaheeli. Ak gayghaghwarda ashoohoocheanda aba heeda wagiida, aba badayda ghweenga mida heeda beasta; nih lukghumeeda sighwarda, lukghumeeda beasta, was shearooda ng'andit aba heeda NG'UTAMIIDA.

NG'ASHEEGA LAWI 1:13

nea hiineegaaschi ea leang'eanyoojigaaschi gaygoohuun aba beega. Ak gayghoadayda ashoohoocheanda sean, ak ghaghwarda aba heeda wagiida; nih lukghumeeda sighwarda, lukghumeeda beasta, was shearooda ng'andit aba heeda NG'UTAMIIDA.

NG'ASHEEGA LAWI 1:9

nea hiineegaaschi ea leang'eanyoojiga gaygoohuun aba beega. Ak gayghaghwarda ashoohoocheanda sean aba heeda wagiida, ghoah lukghumeeda sighwarda, lukghumeeda beasta, was shearooda ng'andit aba heeda NG'UTAMIIDA.

RITEAYDA 29:18

ak gighwardi lagweenda sean aba heeda wagiida, nih haleanjeeda sisabwa geadi bea NG'UTAMIIDA gil, was shearooda ng'andit, haleanjeeda sisabwa geadi bea ghadooweeda bea beasta bea NG'UTAMIIDA.

RITEAYDA 23:15

Gaysina ghweelmeeda mukaateeyda meamwatawiida, gawuurji gidearukuteaydi, gajaga mukaateeyda meamwatawiida eawooji ispwa, gajeesin damanda hit bea sheetamwan ghana ghawghaw, aba gideaba damanda ghayi oorinani ng'eanyiida Misri. Ea manda siida jea ghwahidu madeedeanyu nea manda geatinda gil.

IITOODA 28:1

Ghwalamda NG'UTAMIIDA ak gwayeesha Musa,

ESRA 3:3

Ak geesissa heeda wagiida sindeetaanyi aba gideaba ning'ut muuwda aba badayda fuga mida ng'eanyiida, ak geataw NG'UTAMIIDA haleanjeeda ghadooweeda sighwarda, aba heeda wagiida, sighwarda sakteayda ea shing'ada.

IITOODA 29:39

“Haleanjeeni gajoatawa NG'UTAMIIDA aba ghweelmoojigeagwa ghayi sirukuneegwa, jea abwadana haleanjeedeang'wa oarachi, sea haleanjeedeang'wa bea ghadooweeda mwas jeesingeagwa, ghoah haleanjeedeang'wa bea ghadooweeda jea eaghwarda, ea haleanjeedeang'wa bea ghadooweeda was booga, ea haleanjeedeang'wa bea ghadooweeda sileeha, sea haleanjeedeang'wa bea ghadooweeda bea hoyyoo.”

1 DAMANYOOJIGA 23:31

ak iissa damanda siitaydaawa haleanjeeda ghadooweeda sighwarda bea NG'UTAMIIDA aba eaweeda sabaato, ghana aba ng'ushiinda sheeda ea eawoojiga ghweelmeeda, aba giteena mooneeda sigasa aba heanyaawa, aba gealga sean aba madeeda NG'UTAMIIDA.

2 DAMANYOOJIGA 23:18

Hean ghwaloat Yehoyada fuga jea gafur gheeda NG'UTAMIIDA nea gamiineadaysa ashoohoodiga was fuga Lawi ea fuga Lawi ghayi loat Dawdi ghoah fuga hees jea gamiineadaysa gheeda NG'UTAMIIDA, nea goodawi NG'UTAMIIDA haleanjeeda sisabwa geadi sigwariida, gawuurji gidaghayi sing'waarda aba jeeda diigheanda Musa, bea hooseaneega ea duumsheesiinda, gawuurji gidaghayi rukuneata Dawdi.

2 DAMANYOOJIGA 31:3

Nea gujaweeda sugoocheanda bea jeeda meanang'oocheanduumeadaanyi gaba haleanjeeda sisabwa geadi sigwariida; haleanjeeda sisabwa geadi sigwariida bea sakteayda ea shing'ada, ea haleanjeeda sisabwa geadi sigwariida bea sabaato, ea sheega eeshish, ea ghweelmajeega siloat gawuurji gising'oarda aba jeeda deaweedeeda NG'UTAMIIDA.

ESRA 3:2

Hean ghang'eat Yoshuwa was orjeeda Yosadaki, sea bareandaanyi was ashoohoodiga ea Serubabeli orjeeda Shealtieli sea orjooga ghaamwat, ak ghwadeas heeda wagiida bea ASEETA Israeli, was heeda haleanjeeda ghadooweeda sighwarda, gawuurji gida ghayi sing'waarda aba jeeda deaweedeeda Musa was siida ASEETA

NEHEMIYA 10:34

Aseasa ea ashoohoodiga, ea fuga Lawi, ea buuneeda, inyeesa gilakweay gealoachi fuga jea gweadu ghweenga ghadooweeda bea gheeda ASEETEANYA, gawuurji gidanyaashta naweeda gealga ghweanigaasa, aba damanda sirugu, aba gideaba gajeaghwarda aba heeda wagiida bea NG'UTAMIIDA was ASEETEANYA, gawuurji gida ghayi sing'waarda aba jeeda deaweeda.

ESEKIELI 45:17

Abeeda siida haw gaygwasikteawa gideaba siitayda haleanjeeda sisabwa geadi sighwarda ea dearanga ea gea sisabwa geadi sileeha, gideaba siitayda damanda ghweelmeeda, ea gea ng'ushiinda sheeda, ea sabaato, ea ghweelmoojiga sean siyiin aba jeeda fuga Israeli. Ak siida haw ninyeesean gayghang'aap haleanjeeda sisapa geadi aba riing'eeda, ea gea dearanga ea gea sighwarda, ea gea hoyyoo, ak geesin duupcheeda aba jeeda fuga Israeli.