IITOODA 28:1 - Bibliyeeda Ghaydit

¹ Ghwalamda NG'UTAMIIDA ak gwayeesha Musa,

IITOODA 28:1 Referans Kwoze

IITOODA 27:23

ng'ata ghwayiin geatingaaschi uhuudaanyi, ak gwarukusa ng'asheega, gawuurji gidarukuteayda NG'UTAMIIDA aba ghuuta Musa.

IITOODA 28:2

“Rukusiina fuga Israeli, nea giyeeshi saawa, ‘Haleanjeedeanyu bea ghadooweeda, hamiteanyu sighadoawanda sighwarda, bea shearooda ng'andit, gajang'ula muuchi ak gajagoona aba damandaanyi hit.’

NG'ASHEEGA LAWI 9:15

Ng'ata ghoadayda haleanjeeda buuneeda bea ghadooweeda, ak gageanu mbooyda sighadoawanda aba badayda riing'eeda bea buuneeda, ak gwanuus, ak ghoadayda aba badayda riing'eeda, gawuurji dea madeeda sighadoawanda aba badayda riing'eeda.

IITOODA 7:15

ea eeshpajakcheanjagi, ea lagweenjeanjagi, ea lagweenjeanjagi mwanang' bea gwanyagi ghoah haleanjeeda ghadooweeda jea eaghwarda;

1 DAMANYOOJIGA 23:31

ak iissa damanda siitaydaawa haleanjeeda ghadooweeda sighwarda bea NG'UTAMIIDA aba eaweeda sabaato, ghana aba ng'ushiinda sheeda ea eawoojiga ghweelmeeda, aba giteena mooneeda sigasa aba heanyaawa, aba gealga sean aba madeeda NG'UTAMIIDA.

2 DAMANYOOJIGA 2:4

Ng'ula ghaadeaschi gheeda aba gheawunga NG'UTAMIIDA, was ASEETEANYU, ak ghaaghaydiichi ghoah heeda wagiida, aba lukghumajeega sigwariida ng'andidi, ea mukaateeyda giihiimnooda bea galeagasean, ea haleanjeeda wagiida sigwariida bea sakteayda ea shing'ada, ea gea eawoojiga sabaato, ea gea sheeda eesh, ea gea ghweelmeeda ghayi rugu NG'UTAMIIDA, was ASEETEANYA. Nih diigheanda manda muudeanooda gil aba heeda fuga Israeli.

2 DAMANYOOJIGA 8:13

gawuurji gichea gaweeda gadiyeeda galeagasean, ea giidaydeayda haleanjeeda sisabwa geadi gawuurji gidaghayi rukuteayda Musa bea eawoojiga sabaato, ea sheega eesh, ea ghweelmaji samwagu aba jeeda gweayda, was ghweelmeeda mukaateeyda meematawana, ea ghweelmeeda wiikajeega ea ghweelmeeda ghoorajeega.

2 DAMANYOOJIGA 23:18

Hean ghwaloat Yehoyada fuga jea gafur gheeda NG'UTAMIIDA nea gamiineadaysa ashoohoodiga was fuga Lawi ea fuga Lawi ghayi loat Dawdi ghoah fuga hees jea gamiineadaysa gheeda NG'UTAMIIDA, nea goodawi NG'UTAMIIDA haleanjeeda sisabwa geadi sigwariida, gawuurji gidaghayi sing'waarda aba jeeda diigheanda Musa, bea hooseaneega ea duumsheesiinda, gawuurji gidaghayi rukuneata Dawdi.

2 DAMANYOOJIGA 31:3

Nea gujaweeda sugoocheanda bea jeeda meanang'oocheanduumeadaanyi gaba haleanjeeda sisabwa geadi sigwariida; haleanjeeda sisabwa geadi sigwariida bea sakteayda ea shing'ada, ea haleanjeeda sisabwa geadi sigwariida bea sabaato, ea sheega eeshish, ea ghweelmajeega siloat gawuurji gising'oarda aba jeeda deaweedeeda NG'UTAMIIDA.

ESRA 6:9

Nea gida wasean sigasa was jiirgwa manang'i ghana lagweendiga ghana gisilleanda jea ghoah haleanjeeda ghadooweeda sighwarda bea ASEETA humng'eeda, was ngaano, ea balang'da, ea difaayi, ghana nagheeda, gawuurji gichea ghwanyaashta ashoohoodiga mida Yerusalemu, ak gajeatawa haleanjeeni galeagasean adaghwashiy,

NEHEMIYA 10:33

ea mukaateeyda giihiimnooda, ea booga sisabwa geadi bea ghadooweeda bea galeagasean, ea haleanjeeda sisabwa geadi bea ghadooweeda sighwarda bea galeagasean, ea sabaato ea ng'ushiinda sheega, ea gea ghweelmoojiga, ea haleanjeeda ghaydidi, ea haleanjeeda sisapa geadi aba riing'eeda jea eesina giiduupcheeda fuga Israeli, ea aba gadiyeeda sean bea gheeda ASEETEANYA.

ISAYA 1:13

Adagudooyeadu haleanjeeda sisabwa geadi bea ghadooweeda was gidamaweeda; ak geediga ng'andidi ea meagassi. Ea ng'ushiinda sheeda ea sabaato, ea fuga bwat geat mwaash ASEETA– ea googuuyi ng'asheega munyas aniini meagassi.

ESEKIELI 44:24

Nea iiridu jaliida abeeda gaygooheeli buuneeda ak gaygwalachiida girgweageeda gida ealachiidi aniini. Ak gayghoang'waay hamurajeegeasu ea deaweedajeegeasu ea ghweelmoojigeasu sean ghayi sirugu, ak gajeamiidu sabaatohajeegeasu.

ESEKIELI 45:17

Abeeda siida haw gaygwasikteawa gideaba siitayda haleanjeeda sisabwa geadi sighwarda ea dearanga ea gea sisabwa geadi sileeha, gideaba siitayda damanda ghweelmeeda, ea gea ng'ushiinda sheeda, ea sabaato, ea ghweelmoojiga sean siyiin aba jeeda fuga Israeli. Ak siida haw ninyeesean gayghang'aap haleanjeeda sisapa geadi aba riing'eeda, ea gea dearanga ea gea sighwarda, ea gea hoyyoo, ak geesin duupcheeda aba jeeda fuga Israeli.

ESEKIELI 46:11

“Nea aba damanda ghweelmeeda ea ghweelmoojiga suurja sirugu, abeeda haleanjeeda sisabwa geadi bea ghadooweeda dearanga gajea giihearmoanagi gil aba jurukuta mwanang' ea giihearmoanagi aba lagweenjeanjagi, nea aba dayeegiga bea gisilgean gayghoadayda gida ammu, nea bayoagagi bea nagheeda aba giihearmoanagi.

Galattiya 4:10

Agooga goong'oonyayi eawoojiga ea sheega ea damanda ea gweanyeeka!

Golosaayi 2:16

Asi adagoorgweakseegwa siida aba giinyeashteayda gichea eayaak ghana gichea eali ghana badayda ghweelmeeda ghana aba ng'ushiinda sheeda ghana Sabaato,