IITOODA 27:21 - Bibliyeeda Ghaydit

²¹ Ak gayghamiinaada aba madeeda Eliyasari was ashoohoocheanda, ak gaygwarukusa niny gideagasayi nea gwarukusiina Urimu ea Dumimu aba madeeda NG'UTAMIIDA; ak aba ng'asheandaanyi gaygwarita, nea aba ng'asheandaanyi gayghapka ghoah; niny sea fuga sean bea Israeli, sea girgweageeda sean.”

IITOODA 27:21 Referans Kwoze

1 SAMWELI 28:6

Hean iidu nea ghamwaash NG'UTAMIIDA, ea mwasha NG'UTAMIIDA ghuutaanyi, eara aba giirgweatka, ghana aba ashoohoocheanda ghana aba sibanga.

YOSHUWA 9:14

Hean gageanu fuga Israeli mukaateeydeaba fugiga ak ghwaak nea miyeenyaash NG'UTAMIIDA.

RITEAYDA 28:30

Ak jeedeaba shageedida siikwealiisa daghata bea girgweageedean gajiina lagheanga siguura Urimu ea Dumimu, ak gaygoobiida badayda guroorooda Haruni damanda jea ghabeawa madeeda NG'UTAMIIDA, ak Haruni gayghwasar girgweageeda fuga Israeli aba badayda gurooroadaanyi aba madeeda NG'UTAMIIDA galeagasean.

NEHEMIYA 7:65

gwayeesha sugoocheanda haw saawa gideaba adoayaaji haleanjeeda ghaydidi bwak ea ghang'eat ashoohoocheanda mideawa lagheanga siguura Urimu ea Dumimu.

ESRA 2:63

ak ghwalamda sugoocheanda haw ak gwayeesha saawa adiidu ghoayaaji hamita ghaydit muuchi, ea bwak ea ghamiinaada ashoohoocheanda mideawa haleanjeeda ASEETA ghaydidi siguura Urimu ea Dumimu.

1 SAMWELI 30:7

Hean gwayeesha Dawdi Abiyatari was ashoohoocheanda, was orjeeda Ahimeleki, “Eanean hang'da jea deakwealsa hamarjoojiga.” Ak gweadu Abiyatari hang'da jea eekwealsa hamarjoojiga ashoohoocheanda heeda Dawdi.

1 SAMWELI 23:9

Hean gwajeeng'u Dawdi gideaba Sawli gabada ng'asheega munyas aba badaydaanyi; ng'ata gwayeesha Abiyatari was ashoohoocheanda, “Eani hiji hang'da siratiisa hamarjoojiga ashoohoocheanda.”

FUGA LAJA GIRGWEAGUUTKA 20:23

Hean gwadiyeada fuga Israeli ak gooyeawdi aba madeeda NG'UTAMIIDA ea ghoah shing'ada, ak goobearsa NG'UTAMIIDA nea gwayeesha, “Gaydawa dariikghta dang'uchi sea Benjamini was orjeeda giyeanya?” Ak gwayeesha NG'UTAMIIDA, “Asi aweayeena ang'ucheewana.”

FUGA LAJA GIRGWEAGUUTKA 20:18

Ng'ata ghang'eatng'eat fuga Israeli, ak gaweay Beteli, ak ghamwaash ghoabwaarda aba heeda ASEETA; ak gwayeesha, “Gaygoosheeda ng'eaha aba heedeanya gawa ng'ucheeda aba badayda fuga Benjamini?” Hean gwayeesha NG'UTAMIIDA, “Gaygoosheeda Yuda.”

FUGA LAJA GIRGWEAGUUTKA 1:1

Iing'ata miyeeda Yoshuwa goobearsa fuga Israeli NG'UTAMIIDA, “Gaygoosheeda ng'eaha gwadiyeada aba badaydeanya gaweay heeda fuga Ganaani, gang'uchi sea saawa?”

GIIPKEATA DIIGHEANDA 33:8

Ak gwayi aba badayda Lawi, “Adawa Lawi lagheangaagu siguura Dumimu, ea Urimu mideawa ghaydidandaang'u asagi, ghayi isimi aba Masa, ak giiwoowsi aba heeda beega Meriba,

IITOODA 27:17

was dea jea gwarita goosheedeawa saawa, nea ghoadoabiiw saawa; ak ghoadoabiiw damanda riteawa, nea ghoaghuumu ghoah; ak ea mawuurji fuga girgweageeda NG'UTAMIIDA gisilga nyeah jeagiischoochean.”

NG'ASHEEGA LAWI 8:8

Ak ghwayiin daghata shageeda nea jeeda shageeda ghwayiin haleanjeeda ASEETA ghaydidi siguura Urimu ea Dumimu.

IITOODA 27:5

Ng'ata gweadu Musa ng'asheanda nyaawa madeeda NG'UTAMIIDA.

IITOODA 27:20

Ak giidawi gheambalmeadaang'u meatkweenagi ak abeeda gwasissa mureeda eemeeda sean bea Israeli.

IITOODA 27:22

Ng'ata gwasinda Musa gidarukusiinda NG'UTAMIIDA; ak gageanu Yoshuwa, ak ghwayiin madeeda Eleyasareeda was ashoohoocheanda, ea madeeda girgweageeda sean;

1 SAMWELI 14:19

Nea damandida abaloola Sawli ashoohoocheandean, gwaheedu muuchi giijuureanda fuga Filisti aba jeeda museasooda; ak gwayeesha Sawli ashoohoocheanda, “Adealda geatindaang'u.”

2 SAMWELI 21:1

Iimuchu ghang'eat geejeeda gweanyeew samwagu aba damanda Dawdi, iing'ata gweanyi ak ghwahidu gweanyi; ak ghamwaash Dawdi NG'UTAMIIDA, “Sawli ea fugeaba gheanyi gaba riing'a niihiida foojeanda, aba gideaba nibwar fuga Gibeoni.”

MALAKI 2:7

Aba gideaba ghuuta ashoohoocheanda gagasa gwarugu ng'asheega fughareeda, ak gagasa buuneeda giinealshooda aba ghuutaanyi, aba gideaba niny giijasoocheanda NG'UTAMIIDA bea lugweega.

IITOODA 27:2

Hean ghamiinaada aba madeeda Musa, ea madeeda Eliyasari was ashoohoocheanda, ea madeeda fuga hees, ea girgweageeda sean, aba ghuuta maheemajeanda siroondooscheesa, ak gwayeesha,

GIIPKEATA DIIGHEANDA 31:3

Gayghoaghaaw NG'UTAMIIDA was ASEATAANG'U gawa madeadaang'u, ak gayghwanung' goosha eemoojisu aba madeadaang'u, ak gajambala ak gaygawa Yoshuwa madeadaang'u gawuurji gidanyaashta NG'UTAMIIDA.