IITOODA 27:11 - Bibliyeeda Ghaydit

¹¹ Nea ghwaan iideepa ea mandeawana orjooga ghwaan, gajadawa siida neeki aba jeeda fuga gheanyaawa gwahearan haleanjeadaanyi, ak gayghoah gaaschi; ak ng'asheanji gayghoah diigheanda ea girgweageeda aba heeda fuga Israeli, aba gidarukusiinda NG'UTAMIIDA Musa.’”

IITOODA 27:11 Referans Kwoze

IITOODA 35:29

“Ng'asheesu gayghoah diigheanda ea deaweeda aba heedeang'wa, aba jeacheengeagwa sean aba giibindeang'wa sean.

YEREMIYA 32:8

Hean ghwahidu heedeanyu Hanameli was orjeeda dea ghamiiyya aba jeeda doodooda furiischoodiga gawuurji gidanyaashta ng'asheanda NG'UTAMIIDA ak gwayeeshiinean, ‘Eaniyean shaaha madamnyeandeanyu mida Anatoti mida ng'eanyiida Benjamini, atina ak gigeandi ghoah daang'u, nea eara giitinooda gwadoobiiwseey asi shaaha.’ Ak geajeeng'u gideaba ng'asheanji nih ng'asheanda NG'UTAMIIDA gil.

1 SAMWELI 30:25

Ak gidang'eada eaweedida ak gagal mwadi ghwanung' ghoah diigheanda ea deaweedeeda Israeli ea ghoah askweareani.

NG'ASHEEGA LAWI 25:49

ghana ea orjeeda ghamaghaamwadi ghana ea baleanda orjeeda ghamaghaamwadi ghoamu gootini, ghana ea buweacheanda neeki bea gheanyaawa ghoamu gootini; ghana iideepa gabaruur abeeda ghoamu gootini geaw niny.

NG'ASHEEGA LAWI 25:25

“Amadeepa ea nibwarbwariit orjeeda geamadu, ak ghwashaayda haleanjeadaanyi mwaatkwa, abeeda gayghoan buweacheandaanyi neekeewa ak gootini haleanjeeda ghayi shaayda orjeeda ghaamwat.

IITOODA 27:10

Ama mandeawana orjooga gheanyaawa, gajoatawa orjooga gheamba ghwaan gwahearan haleanjeadaanyi.