IITOODA 23:10 - Bibliyeeda Ghaydit

¹⁰ Gayghoamu ng'eaha ghwanal mooneeda birjeanda Yakobo, ghana gwayiida guroorooda Israeli? Gagasa dami miyeeda siida doabiiwaat, ak gawuurji muudeanoodeanyu eegala sea muudeanoadaanyi.”

IITOODA 23:10 Referans Kwoze

NYIIGHEEGA 37:37

Aroora siida doabiiwaat miy, ak ging'ulayi siida doabiiwaat aba gideaba huuydeandeaba siisi hoyyooohi.

GIING'EETA 13:16

Gaydanung' gwadeena jeacheengaagu sigeeda ng'eanyiida; ama mida siida ammu gwayiida sigeeda ng'eanyiida, abeeda eara jeacheengaagu gajeamu eeyiida.

NYIIGHEEGA 116:15

Aamiy aba madeeda gheanyanga NG'UTAMIIDA miyeeda gil aba heeda fugaaschi ghaydidi.

Giidaheechta 14:13

Hean ghaayiinyi ghuuta nyaasha humng'eeda nea gwayi, “Ng'oara ng'asheesu: Ghang'wana siida meah ghamneawa meewsa heeda Ng'utamiida.” “Ghang'wana huumwa,” gwayi Guroorooda, “ak gafuuf iing'ata gadiyeeda nyaawa, aba gideaba sinaweega nyaawa ghwaat geeshta!”

2 Goriinto 5:1

Aba gideaba geanali beadi udahabeascheanji iteanya bea hiji bea muunda ng'eanyiidean eaweeda sinyarjeawa, geandeawi gheeda leabu heeda ASEETA, gheeda meesinana geatinga, ghaydit manda muudeanooda mida humng'eeda.

GHWASIILDEANGA 14:32

Siida muy seara gajealas uhuuda aba sinaweagaaschi munyas, ak siida doabiiwaat gaygaba seayu aba doobiiwnataanyi.

IITOODA 2:31

Buuneesean siyiitiisa maheemajeanda Dani buuneeda ea sagalamnyooji bughala ea haradam ea ispwa ea bughalaji lah. Suh fuga jea gaweay aba huuydeanda nea gamaseaw beendeerajeanda nyaawa.”

IITOODA 2:24

buuneeda siyiida aba maheemajeanda Efraimu buuneeda ea sagalamnyooji bughala sis ea fih bughala. Ak ea fuga jea gamaseaw bea samwagu.

IITOODA 2:9

Buuneesean siyiida aba maheemajeanda Yuda buuneeda ea sagalamnyooji bughala ea seedam ea lah ea bughalaji ang'wan. Suh fuga jea goosheeda gaweay.

GIING'EETA 28:14

ak gaygwadeena jeacheangaagu birjeanda ng'eanyiida ak gajadarda nea goorakti nea ghoatoaschi nea googali wiilooda ng'eanyiida ghayeawa ea googali wiilooda ng'eanyiida biyeara; nea aba badaydaang'u ea jeacheangaagu gayghwanyas ghawooda eemoojiga sean bea muunda ng'eanyiida.

GIING'EETA 22:17

aba huumwa gaydagoonyi ghawooda, ak gaydanung' ghwasaang'ayiit jeataang'u ea gwadeena miinga humng'eeda ea iseaskweanda ghuuta basooda. Nea jeacheangaagu gayghwajoar weajoodiga nyaawa,

IITOODA 2:16

Buuneesean siyiida aba museasooda Rubeni ea sagalamnyooji bughala ea haradam ea damwanagi ea bughalaji ang'wan ea haradam ea damanamughuush. Suh fugeaba iyeenya jea gabassa.

IITOODA 31:8

Ak geabwar sugoodiga Midiyani sea fih suuk sibaruuday saawa; Efi, ea Rekemu, ea Suri, ea Huri, ea Reba, was sugoodi muut bea Midiyani; ak ghabwar eara Balaamu orjeeda Beori aba ng'uta.