IITOODA 22:8 - Bibliyeeda Ghaydit

⁸ Ak gwayeesha, “Oopiidana hiji eaweani, ak gaydeaneegwa ng'asheanda, jea gwarukunean NG'UTAMIIDA;” ak goobiitpiit fuga hees bea Moabu sea Balaamu.

IITOODA 22:8 Referans Kwoze

ESEKIELI 33:31

Ak saawa ghapkaanda headaang'u gidabuweaniida buuneeda. Ak goobiida madeadaang'u gawuurji fugeasu, ak ghwayiiy ng'asheagaagu ak ea masina, nea aba ghuusiga nyaawa gwahinda geat gil mideawa bariinyeega saang'a nea aba jeesinga nyaawa gagasa nyageadayda nyaawa.

YEREMIYA 12:2

Ang'iing'i gihisti saawa, ak ghang'ut ng'eanyi hawunga; Hean gwaheetu ea gwaji haghweega; Inyeesa aba ghuusiga nyaawa guwoosi neeki Nea aba jeesinga gurooruunatka nyaawa guwoosi sheagi.

IITOODA 23:12

Ghwasha niny ak gwayeesha, “Heapi mamiisean dang'ula, ak gearukuti ng'asheandida iin NG'UTAMIIDA ghuuteanyuuni?”

IITOODA 12:6

Ng'ata gwayeesha, “Asi ayiinya ng'asheegeasu; iimida sibaneeda jeedeang'wa, abeeda, aniineeda was NG'UTAMIIDA, gaydeahiimsa geaw niny aba jeeda giirgweatka, ak gaydeabalool niny aba jeeda giirgweatka.

IITOODA 22:7

Gaweay gweargwa Moabu, ea gweargwa Midiyani, nea ghwaat gidageatinda nyaawa bea meang'nyeanduumeeda aba geatinga nyaawa; ak ghwahita heeda Balaamu, ak gwarukusa ng'asheega Balaki.

IITOODA 22:9

Muchu ghwahidu ASEETA heeda Balaamu ak gwayeesha, “Fiisu indeawiin akeega?”

IITOODA 22:18

Ng'ata ghwasha Balaamu ak gwayeesha fuga gadiyeeda Balaki, “Eara gwachi Balaki gagoonan gheanyi nyiit lapiya ea dahaabu, ea maydasuut moonghooda ng'asheanda NG'UTAMIIDA, was ASEETEANYU, ak ghaasuunyi ghana daahaat.

IITOODA 22:38

Gwayeesha Balaamu Balaki, “Ng'ula naawunyi dargu ng'asheanda wasean? Ng'asheanda jea ghwayiin ASEETA ghuuteanyu, dea jea dargu.”

IITOODA 23:3

Ak gwayeesha Balaamu Balaki, “Miinaada aba murdeeda haleanjeadaang'u bea ghadooweeda, ak gaydawa, gwadeepa ghwaan NG'UTAMIIDA daroonyi; ak abeeda gidahiimnaan gaydarukuneey.” Ak gawa ea ghwahita heeda miy ghaang' aba uhuuda heayeeda.

IITOODA 24:13

‘Eara gwachi gagoonan Balaki gheanyi nea ghwanyiit lapiya ea dahaabu, maydasuut moonghooda ng'asheanda NG'UTAMIIDA, ak geasinyi ng'asheanda miy, ghana ng'asheanda muy, aba gideagasiidi aniini; gichea gwarugu NG'UTAMIIDA gichea dargu aniini’.

1 SUGOODIGA 13:8

Hean gwayeesha siida ASEETA sugoocheanda, “Inyas gigoonyean gheang'u eara ealach bugusta majeeteayeena jeeda. Nea eara mukaate ea mwaydaak ghana dali beega aba hiji;

1 SUGOODIGA 22:14

Ng'ata gwayeesha Mikaya, “Gidamideata NG'UTAMIIDA, gichea gwarukunean, gayghoah gichea dargu.”