IITOODA 22:12 - Bibliyeeda Ghaydit

¹² Ghwalamda ASEETA ak gwayeesha Balaamu, “Adiideayeewi; ak ea adumwaashti fiisu, aba gideaba siitaw ghawooda.”

IITOODA 22:12 Referans Kwoze

Efeeso 1:3

Ghawooda gaba ASEETA ea Bwaabeeda Ng'utamiideanya was Yesu Gristo, ghayi gooneasa ghawooda aba jeeda Gristo aba giliwas ghawooda guroorooda aba darooraka humng'eedean,

GIIPKEATA DIIGHEANDA 23:5

Eara gwasa ghanyea maygooleeysiit NG'UTAMIIDA was ASEATAANG'U Balaamu, ak ghwayam NG'UTAMIIDA was ASEATAANG'U mooshteayda ghoah ghawooda aba headaang'u, aba gideaba NG'UTAMIIDA was ASEATAANG'U ghaabwariinyi.

Ruumi 11:29

Haleanjeeda sigu ea guurnooda moamu ghwayamwa.

GIING'EETA 12:2

Ak gaydanung' huwa eemeeda haw, ak gaydagoonyi ghawooda, ak gaydanung' gwaheedu gheawungaagu, ak abeeda geegoonyi ghawooda.

GIIPKEATA DIIGHEANDA 33:29

Ng'wanaweagaagu, Ea Israeli! Dea uurjeewaneey ng'eaha, fuga lealu NG'UTAMIIDA, was igeamboadaang'u weanyi, ea ng'uta giigheambiitaang'u! Weajoodigaagu gayghapka nea ghoawal gheang'daang'u, ak gajaleapsiina ng'eanyi heanyaawa mida humng'eeda.”

Mattayo 27:19

Damanda mideawa Bilato uhuuda hoorgeeda argweacha goojeakta gatmoadaanyi siida weah gwayeesha, “Adiidu gighasi geaw siisi doabiiwaadiin, aba gideaba geesawanan muuchi aba jeeda giirgweatka aba badaydaanyi.”

MIKA 6:5

Ea fugeasu, eapkaada gidanyaashta Balaki was sugoocheanda ng'eanyiida Moabu, ea gidashaayda Balaamu was orjeeda Beori ea gidaghayi bunu aba Shitimu ea ghoah Gilgali, ak ghoanali gitoabiiwda gadiyoojiga NG'UTAMIIDA.”

NYIIGHEEGA 146:5

Dahoosana dea was ASEETA Yakobo musanyeandaanyi, nea ghaghus NG'UTAMIIDA was ASEATAANYI,

NYIIGHEEGA 144:15

Ghang'wana eemeeda nyasa badiischooda sunu! Dahoosana eemeeda was ASEETA NG'UTAMIIDA!

IITOODA 23:23

Aba huumwa manda geedi ghana beeneediga, ghana ng'uta aba badayda fuga Israeli. Asi ghamneawa iita Yakobo ea Israeli gajeergu, ‘Ng'ula, gidanisin ASEETA!’

IITOODA 23:3

Ak gwayeesha Balaamu Balaki, “Miinaada aba murdeeda haleanjeadaang'u bea ghadooweeda, ak gaydawa, gwadeepa ghwaan NG'UTAMIIDA daroonyi; ak abeeda gidahiimnaan gaydarukuneey.” Ak gawa ea ghwahita heeda miy ghaang' aba uhuuda heayeeda.

IITOODA 22:6

Asi beeni ang'iing'i, mooshteaynean fiisu, aba gideaba gaburdeawean uurda muuchi; gwadeepa abeeda dajoar saawa ak ghaahoani jeeda ng'eanyiida; aba gideaba aniini ghaanali siida iidawi ghawooda, siitaw ghawooda, nea siida iimwaashti ea simwaashta.”

IITOODA 22:11

‘Ng'ula, gwanda fuga leabu ng'eanyiida Misri, ak ea nidukuta ng'eanyiida; asi beeni mooshteaynean fiisu; gwadeepa daamu dang'uchi saawa, ak ghaahoanyi.’”

IITOODA 22:13

Hean ghang'eat Balaamu sakteayda ak gwayeesha fuga hees bea Balaki, “Aweayeena abiikta ng'eanyiideang'wa; aba gideaba ghaheawa NG'UTAMIIDA gideaba gajeeteayeena sea agooga.”

IITOODA 23:8

Gaydamwaashtaaydaan siida mii ghamwaashta ASEETA? Gaydanyareeksiindaan siida mii gwanyareeksa NG'UTAMIIDA?

IITOODA 24:9

Ghwahiiy geaw, ak gwalil gawuurji ng'adiida, ak gawuurji soorearda; gayghwasat ng'eaha ak ghang'eat? Ak ea deatawa ghawooda dea wassean goonyi ghawooda, ak ea deamwaashta dea wassean mwaashtaneey.”

GIIPKEATA DIIGHEANDA 2:7

Nea NG'UTAMIIDA was ASEETEANG'WA ea nigooneegwa ghawooda aba gadiyoojiga sean noosinyi aba geatingeagwa, niny ghwanal gida ooneayeati aba jeeda dareapcheeda haw; gweanyeeksu was haradamiin, NG'UTAMIIDA was ASEETEANG'WA gwandeewaneegwa; nea manda gil niweadaneegwa.’

GIIPKEATA DIIGHEANDA 7:14

Ang'iing'i gajeegoonyi ghawooda burdeawa dea eemoojiga suurja; ak ea maygwanda jeedeang'wa siida majiila nea eara jeeda hawandeang'wa ng'eedeeda ghana gatmooda maji, ghana aba jeeda dugweagwa.

GIIPKEATA DIIGHEANDA 28:6

Gajeegoonyi ghawooda iiwi gah, ak gajeegoonyi ghawooda iriti jarooda.

2 DAMANYOOJIGA 31:10

Hean ghwasha ghuuta Asariya was ashoohoocheanda haw, bea gheeh Sadoki, ak gwayeesha, “Damanda ang'eat gweadu buuneeda gujaweeda jeeda gheeda NG'UTAMIIDA, geeyeagiischi ea eelang'uuda ea eapuuda gea saang'a; aba gideaba NG'UTAMIIDA niidaw ghawooda fugaaschi, hean ghoah haleanjeeda saang'a siipuudiini.”

ISAYA 61:9

Ak jeacheenga nyaawa gajeanal aba jeeda eemoojiga, nea jeata nyaawa geanal aba bugusta buuneeda, nea fuga sean jea ghwadaah saawa gayghamwas gideaba suh jeacheenga adaw NG'UTAMIIDA ghadooweeda gil.