IITOODA 20:11 - Bibliyeeda Ghaydit

¹¹ Ng'ata gagatkat Musa geatindaanyi ak ghwalas lagheaneedida aba bileangidaanyi nibiyeenya; ak gwardu beega saang'a, ak ghwali eemeeda ea dugwa nyaawa.

IITOODA 20:11 Referans Kwoze

1 Goriinto 10:4

ak ghwali sean beegiga bea gurooroodean. Aba gideaba ghwaleaydaawa badayda lagheaneeda was guroorooda ghayi aat geeshta, nea lagheaneedida ea Gristohi.

RITEAYDA 17:6

Ng'ula gaydamiinaada aba madeadaang'u aba hoowa, aba badayda lagheaneeda aba Horebu, ak gaylasa lagheaneeda, ak gaygwarina beega jeeda, abeeda gayghwaleayda buuneeda.” Hean gwasindunu Musa aba madeeda gweargwa Israeli.

GIIPKEATA DIIGHEANDA 8:15

Adoabiiwnyi aba jeeda dareapcheeda haw haloat, mida ichipkeega mideawa furooda ea udagilbajeega ea ng'eanyiida ghajaam manda beega, hean gwanyakneey beega aruuna jeeda lagheaneeda hang'waay

IITOODA 20:8

“Geani bileangida ak gibwadigeat eemeeda, ang'iing'i ea orjeeda geamadu was Haruni, ak giyeeshi lagheaneeda aba madeeda gheanyanga nyaawa gideaba aruuni beega; ak gajaruuni beega aba jeeda lagheaneeda aba badahuuka nyaawa; ak gajadawa fuga bwatgeat beega jea ghwali ea dugwa nyaawa.”

Yakkobo 1:20

aba gideaba nyarasta siida maygwasin doobiiwnata ASEETA.

Mattayo 28:20

Oanaala ghoang'waay ng'asheega sean eagoonyeegwa. Ang'ula aniini geendeayi sea agooga galeega sean ea gagul muudeanooda ng'eanyiida.”

HOSEYA 13:5

Aniini ghayi ghaanaleay aba jeeda dareapcheeda, jeeda ng'eanyiida ghajaam.

NYIIGHEEGA 78:16

Hean ghwanung' gwarina ghealooniga beega jeeda lagheaneeda, ak ghwanung' gaguldeayda beega gili gulda ghealooniga.

1 DAMANYOOJIGA 15:13

Aba gideaba mii ayeanni aba mwadi, damanda bwaraneasa NG'UTAMIIDA was ASEETEANYA, aba gideaba meesindani gida rukuteayda.”

1 SAMWELI 15:24

Ak gwayeesha Sawli Samweli, “Aniini neasinyi riing'eeda; aba gideaba naanung'waadi diigheanda NG'UTAMIIDA ea ng'asheagaagu, aba gideaba ghaawali buuneeda ak ghaang'waanyi ng'asheega ghuusiga nyaawa.

1 DAMANYOOJIGA 15:2

Hean gwayi Dawdi, “Manda siida jea ghwaat sandakwajeanda neajeeda bea ASEETA geaghus fuga Lawi, aba gideaba NG'UTAMIIDA ghwaloat saawa ghwasar sandakwajeanda neajeeda bea NG'UTAMIIDA nea gagadiiyeesa niny galeaga sean.”

1 SAMWELI 15:19

Abeeda ghwasaan inyas mimwasi ghuuta NG'UTAMIIDA? Ghwasaan anda ging'eesi geandeayda haleanjeeda siyaas, ak gisini gidamuy aba madeeda NG'UTAMIIDA?”

NG'ASHEEGA LAWI 10:1

Hean Nadabu sea Abihu, was orjooga Haruni, gaba siisi geanu rabagiidaanyi, ak ghwayiin jeeda beasta, ak ghwayiin badayda hideeda ng'andit, ak ghoadayda beasta miighaydit aba madeeda NG'UTAMIIDA, ak gwasinda gidameerukusinda saawa.

NYIIGHEEGA 74:15

Ang'iing'i gisini gheanyanga eeniga ea ghealooniga; ang'iing'i giighajaami eeniga mida beega galeaga sean.

NYIIGHEEGA 78:15

Ak gwanyarjeaweada lagheanga aba dareapcheeda, nea ghwanung' ghwali beega saang'a leabu gireangiida basooda.

NYIIGHEEGA 78:20

Ng'ula, ghwalas lagheaneeda ak gwarina beega ak gagulda ghealooniga. Niny ghoamu gagu daghwarda, ghana ghoadaw fugaaschi banyeega?”

NYIIGHEEGA 105:41

Ak ghabwaash lagheaneeda, ak gwardu beega, ak gagulda aba dareapcheeda gawuurji eenda.

NYIIGHEEGA 114:8

dea yam lagheaneeda ghoah dabascheanda beega, nea ghoah lagheaneeda hang'waay gheang'deenda.

ISAYA 43:19

Ng'ula, gaydasin ng'asheandeesh; nea goola gwasa ak gajadaaha ghamneawa. Gaydasin naweeda aba jeeda dareapcheeda ea eeniga aba jeeda eeshtearajeanda.

ISAYA 48:21

Ak ea miighwaak muwoash damanda adoabiiwa saawa aba jeeda eeshtearajeega. Ghwanung' gwardu beega aba jeeda lagheaneeda, ghabwaash lagheaneeda ak gwardu beega saang'a.

FUGA LAJA GIRGWEAGUUTKA 15:19

Ak hean ghwasaaw ASEETA shoomanda mida Lehi, ak gwarina beega jeeda, ak hean iinea nileayda gwaduudu gurooroadaanyi, ak gahoosan. Ak gheawungeaba hoowa geeguura Enhakore; gwanda Lehi ea ghoah ghamneawa.