IITOODA 19:13 - Bibliyeeda Ghaydit

¹³ Siida wassean ang'waay musta siida meah, ak ea moamiina geaw, ghang'uda ririnnyeanda maheemajeanda ghaydit bea NG'UTAMIIDA; ak siisi gajeasach aba jeeda fuga Israeli; aba gideaba miyeesaksa beegiga bea giimiinoodean, gaygaba ririnnyaan; aba gideaba gudu gwandeawa ririnnyeanda.

IITOODA 19:13 Referans Kwoze

NG'ASHEEGA LAWI 15:31

“Ak gaysajana fuga Israeli ririnyeandeaba fugiga, aba gideaba gajiidu gameewiisa jeeda ririnnyeanda nyaawa ak ghabwara ririnnyeanda maheemajeanda mida bugusta nyaawa.”

NG'ASHEEGA LAWI 22:3

Asi eeshiina saawa, ‘Iideepa siida wassean aba jeeda seaygoojigaagu iineekiisa haleanjeeda ghaydidi, ghayi adaw fuga Israeli NG'UTAMIIDA, nea siida gaba ririnnyaan, abeeda siisi gajeasach aba madeedeanyu: Aniini geawooschi NG'UTAMIIDA.

NG'ASHEEGA LAWI 7:20

nea siida ak banyeega lukghumeeda NG'UTAMIIDA bea hoyyoo was haleanjeeda ghadooweeda nea gwanda badayda munyinda, siisi gajeasach aba jeeda fugaaschi.

Giidaheechta 22:15

Hoowa bea jaroodean gwanda gudajeega ea beeneediga ea fuga hiseada ea fuga nuusa buuneeda ea fuga ghadoawani sanaamu, ea gilinyoo ghabwariiy ng'uyyeega nea gwasin.

Giidaheechta 22:11

Siida sina ng'asheega munyas daraanya sinooda ng'asheega munyas, dea mideawa ririnnyeanda daraanya ririnnyeanda, dea doabiiwaat daraanya doobiiwnata, dea ghaydit ea daraanya ghaydidanda.”

Giidaheechta 21:8

Ak gea giyoonyi, ea gea mandeawana masaweega, ea gea ririnnyeanda, ea gea nuusa buuneeda, ea gea hiseada, ea beeneediga, ea gea gadoowani sanaamu, ea gea naba ng'uyeega sean, heanyaawa jeeda basooda yeada beasta gil ea giikayda, nea nih ea miyeedeaba iyeenya.”

Ebraniya 10:29

Abeeda iing'ulayi gajea muydaan girgweaksiinda jea ghwanyas fuga ghasghas Orjeeda ASEETA, nea ghabwara ririnnyeanda foojeanda neajeeda ghayi simiina, nea ghoanyareas Guroorooda dagheerjeanduumeeda?

Yohaana 8:24

Geayeeshiineegwa gideaba gajameewiisiina jeeda riing'eegeagwa, aba gideaba gajameewiisiina jeeda riing'eegeagwa ea eeghus amwasa gideaba siida aniini.”

GHWASIILDEANGA 14:32

Siida muy seara gajealas uhuuda aba sinaweagaaschi munyas, ak siida doabiiwaat gaygaba seayu aba doobiiwnataanyi.

IITOODA 19:20

“Nea siida mideawa ririnnyeanda ak ea moamiina geaw siidida gajeasach aba jeeda fuga bwatgeat, aba gideaba nibwara ririnnyeanda heeda ghaydit bea NG'UTAMIIDA; aba gideaba miyeesaksa beega jea ghoamiidu; niny gudugaba ririnnyaan.

IITOODA 19:18

ng'ata gaygageanu siyagi miy geeta siguura hisoopo ak ghang'uda jeeda beega, ak gwasaksa uhuuda maheemajeanda, ea badahuuka dabita sean, ea badahuuka fuga mida hiji, ea badayda siida ang'waay geapkeeda, ghana siida sibwar, ghana musta, ghana bung'eeda;

IITOODA 19:9

Ak gaygageanda deareedeaba danyi siyagi miy, ak goodiing'da aba jarooda heeda miy aba riteayda museasooda, ak gajeetiiw aba fuga bwatgeat bea Israeli, ak gwasin beega jea gageanda riing'eeda.

IITOODA 15:30

Nea siida sin ng'asheanda wassean nea gabaysa, ada ea siideaba ng'eang'i, ada ea rabascheanda, abeeda goong'eawi NG'UTAMIIDA; abeeda siisi gajeasach aba jeeda fugaaschi.

IITOODA 8:7

Ak gaysisiina saawa ng'asheesu ak giimiidu; saksiina iheenga nyaawa beega ahuuni riing'eeda, ak ghwareaghwa weembe saseenuuka nyaawa sean, nea goohuuna hang'weaka nyaawa, ak ghoamiidu geat.

NG'ASHEEGA LAWI 20:3

Ak aniini gaydeafuursa bwadaw siidida, ak gaydasach siisi aba jeeda fugaaschi, aba gideaba niidaw jeabwagi aba jeeda diibigaaschi Moleki ak ghabwara ririnnyeanda heeda ghaydit iteanyu nea ghabwara ririnnyeanda gheawungeasu ghaydit.

NG'ASHEEGA LAWI 5:17

“Ama deepa goodiiy siida wassean, ak gwasin ng'asheanjagi aba jeeda ng'asheega rugu NG'UTAMIIDA gideaba majeesin, earapeadi mwanalaan, niidiiy ak gayghwanyas ng'asheega munyas.

NG'ASHEEGA LAWI 5:6

ak gaygweadu haleanjeadaanyi bea habeawooda bea giidiinyeanda heeda NG'UTAMIIDA aba badayda riing'eeda sin, was gisilleanda saawaat leabu jeeda hawanda nooga ea dayeenda gisilleanda ghanea mbooyda, ghoah haleanjeeda sighadoawanda aba riing'eeda; ak gaygwasin ashoohoocheanda giiduupcheeda aba badaydaanyi aba riing'eadaanyi.

NG'ASHEEGA LAWI 5:3

Ghana iyang'waay gidamuy aba heeda siida, was gida wassean nyooh ea miimiy jea ghwanung' ea mwamiina siida, nea mwanala niny, iidu nea ghwanal gayghwanyas riing'eeda.

Ebraniya 9:10

ak iissa gabeachi hamita ea leeshooda sea giihuushooda, was deaweedajeega saseeda ghayi sigu ea ghwahita damanda jea eebiikta eesina gicha.

NG'ASHEEGA LAWI 7:21

Nea siida iisat gida mideawa ririnnyeanda, ada ea siispa ririnnyaan gil ghanea diyeayda muy ghanea gida wasean muy, ama ng'ata ghwaak banyeega lukghumeeda NG'UTAMIIDA was haleanjeeda ghadooweeda bea hoyyoo, nea gideaba siidida gajeasach aba jeeda fugaaschi.”

IITOODA 19:14

“Nih diigheanda gil aba siida meewsa jeeda maheemajeanda; giliwas sih weah jeedeaba maheemajeanji, ea giliwas sih mida heedeaba maheemajeanji, gaygaba ririnnyaan askwearjooji ispwa.

IITOODA 19:19

Ak eaweeteaba samwagu ea eaweeteaba ispwa, gaygwasaksa siida miy beesu, siisi mideawa ririnyeandean, ak gaygoohuun hang'weakaaschi nea goohuushi, ak shing'ada gajea niimmiidu.

ESEKIELI 44:26

Nea iimida dea ning'uda geaw ririnnyeanda abeeda gaygoobideatunu ea ghang'ata eawooji ispwa, abeeda gajea nimiidu.

RITEAYDA 30:33

Siida was sean jea googuuyi nagheeda uurji nih, ghana siida was sean jea ghwayiin nagheeda uhuuda rabascheanda siisi abeeda gayghwalajaada fugaaschi.’”

NG'ASHEEGA LAWI 22:4

Maygwanda siida dooshta Haruni bea badeeda ghana dea bearji mananda jea ghwaak haleanjeeda ghaydidi ea eaghus ea niimmiidu. Siida wassean jea ghwasat gida wassean bea ririnnyeanda aba badahuuka fuga nimeewa ghana ea siida ng'ut muunda,

IITOODA 9:13

Nea siida maba ririnnyaan ak ea manda bareanyeeka, nea ninung'waada ging'ooyda Basaaka, siisi gajeasach sea fugaaschi; aba gideaba mii ghoadaw NG'UTAMIIDA haleanjeeda ghadooweeda aba damandaanyi ghayi sirugu, siisi gayghwaat riing'eadaanyi.