IITOODA 18:8 - Bibliyeeda Ghaydit

⁸ Ng'ata gwayeesha NG'UTAMIIDA Haruni, “Ng'ula, neagoonyeey haghweeda haleanjeedeanyu bea ghadooweeda sigatkat eekeal humng'eeda, aba gideaba, haleanjeeni sean bea fuga Israeliin siikghaydiit; ak ea neagoonyeey ang'iing'i ea diibigaagu haleanjeeni aba gideaba agooga simwaareagwa aba nagheeda, ak ghoah gitoobiiwseegwa damanda manda muudeanooda.

IITOODA 18:8 Referans Kwoze

NG'ASHEEGA LAWI 6:16

Nea gea abit gayghwaak Haruni sea orjoagaaschi; gajeayaat nea meanung' gamatawiidi aba heeda ghaydit; ak ghwaak aba jeeda maheemajeanda siroondooscheesa.

NG'ASHEEGA LAWI 7:6

Gilinyoo ea ng'eedeeda gil aba jeeda ashoohoodiga gayghwaak ak gajeayaak aba heeda ghaydit; nih ea ghaydit muuchi.

NG'ASHEEGA LAWI 6:18

Gilinyo ea ng'eedeeda gil aba jeeda diibiga Haruni gayghwaak ghoah raghasta galeagasean aba jeeda seaygoojigaagu, aba haleanjeeda ghadooweeda sighwarda bea NG'UTAMIIDA; nea siida wassean iisat haleanjeeni gayghaghaydiit.”

RITEAYDA 40:15

ak gimwaari saawa, gawuurji gidimwaardi ghwaan, ak gaygagadiyeesean gawuurji ashoohoodiga: ak gimwaari nagheeda ak gayghoah ashoohoocheanda ea gagul seaygoojiga nyaawa.”

RITEAYDA 40:13

Ak gishuubi Haruni hang'weaka ghaydidi, ak gimwaari niny, ak giighaydiidi niny, ak gaygagadiyeesean ghoah ashoohoocheanda.

RITEAYDA 29:29

“Hang'weaksu ghaydidi bea Haruniin iidu gayghoadaw orjoagaaschi ghoah daanyaawa, ak gajeamwaara saawa iisiitaw gadiyeeda saawa.

1 Yohaana 2:27

nea giimearda ghayi oanyaschi aba headaanyiin gwanda jeesingeagwa, ak ghanyea moogassi ghoanaaleagwa sih; aba gideaba giimeardida ghoanaaleagwa haleanjeeda sean, ak ea huumwa, ak ea manda ng'uyeega, gawuurji gidaghayi anaaldaneegwa, oopiidana jeadaanyi.

1 Yohaana 2:20

Ak agooga ea nimwaareagwa dea ghaydit, ak ghoanali oogasean.

Ebraniya 1:9

Gibwariinyi doobiiwnata ak gisti fuga mandeawana deaweeda; asi ASEETA, was ASEATAANG'U nimwaarnyi aba nagheeda hooseaneega ea ng'ala bareandaang'u.”

ISAYA 10:27

Ak eaweedida gayghabeawa sareenda gheatkweakeagwa, gaydageanda eara yookeadaanyi gajeehirja aba gheatkweakeagwa.”

GIIPKEATA DIIGHEANDA 26:13

Ak gajeena aba madeeda NG'UTAMIIDA was ASEATAANG'U, ‘Ak ea neageandi haleanjeeda ghaydidi aba jeedeaba gheanyu, ak ea naadawji Lawi, ea rabascheanda, ea bananga, ea masinung'weanda, gawuurji gidanyaashta diigheanyeakaagu ghayi irukunean, ak ea mii dafool diigheanyeakaagu, nea mii gwaroosean;

GIIPKEATA DIIGHEANDA 12:11

Abeeda heeda jea ghaghwal NG'UTAMIIDA was ASEETEANG'WA ak ghamiinda gheawungaaschi aba hoowa, hean abeeda gajayeani haleanjeeda sean earukuneegwa, haleanjeedeang'wa sighwarda ea lukghumajeegeagwa, ea gilagi bea gilba atamanamughuush ea haleanjeeda ghadooweeda bea geatingeagwa, ea gea heeleesiinda ghayi ooyeaksi habeawooda sea NG'UTAMIIDA.

GIIPKEATA DIIGHEANDA 12:6

ak gajayaada hoowa haleanjeeda sisabwa geadi sighwarda ea lukghumajeagaagu, ea gilagi bea gilatamanamughuush ea haleanjeeda ghadooweeda bea geatingeagwa, ea haleanjeeda ghadooweeda bea heeleesiinda, ea haleanjeeda ghadooweeda mwas gurooruunatkeagwa, ea gilinyoo ea duweacheeda dugweagwa gil ea dea noogeagwa;

IITOODA 18:9

Haleanjeeni gayghoah gaagu aba jeedeaba haleanjeedida ghaydidi muuchiin, adeaghwarda aba beasta; giliwas haleanjeeda nyaawa bea ghadooweeda, ea giliwas haleanjeeda nyaawa bea ghadooweeda was booga, ea giliwas haleanjeeda nyaawa sighadoawanda aba badayda riing'eeda, ea giliwas haleanjeeda nyaawa sighadoawanda siyeanean aba badayda giidiinyeanda, gayghaghaydiit muuchi aba badaydaang'u ang'iing'i ea heeda diibigaagu.

NG'ASHEEGA LAWI 21:10

“Ashoohoocheanda iihaw aba jeeda orjooga buweadeagaaschi, nea siyiin uhuudaanyi nagheeda, ak ea siimbiit gookwa hang'weaka, ea mayghwanung'waada buudeega uhuudaanyi nea mwang'afa, ghana ghabwaashaada hang'weakaaschi;

NG'ASHEEGA LAWI 8:30

Ng'ata gageanu Musa nagheeda giimeardeayda sea foojeandida mida heeda wagiidean, ak goohiisa uhuuda Haruni ea hang'weakaaschi, ea iheenga orjoagaaschi ea hang'weaka orjoagaaschi, sea hang'weaka orjoagaaschi.

NG'ASHEEGA LAWI 6:26

Nea ashoohoocheanda adayda aba badayda riing'eeda gayghwaak ak gajeeyeaksa heeda ghaydit, was madeeda maheemajeanda siroondooscheesa.

NG'ASHEEGA LAWI 6:20

“Nih gidaghadooweeda jea ghoadayda Haruni sea orjoagaaschi gil jea ghoadaw NG'UTAMIIDA aba damanda jea eamwaara: gideaba damanamughuush bea dearanga miyas was dearanga miyaasiin ghoah haleanjeeda gealaan bea ghadooweeda gidagween iyeenya sakteayda ea dea agweena iyeenya shing'ada.

RITEAYDA 29:21

Ng'ata gigeanu foojeanji ng'ay aba heeda wagiida, ea nagheeda giimeardeayda ak giidalealsi badayda Haruni ea hang'weakaaschi ea orjoagaaschi, ea badayda hang'weaka orjoagaaschi sea niny ak abeeda niny ea hang'weakaaschi gayghaghaydiit sea orjoagaaschi ea hang'weaka orjoagaaschi sea niny.

1 Goriinto 9:13

Moanali gideaba fugiga sin gadiyeeda aba gheeda sibata ASEETEAN gwanyassa hamita nyaawa gheeda sibata ASEETA, nea fuga sin gadiyeeda, aba heeda wagiida iissa ea mwanyasa haleanjeedida sisapa geadi bea lukghumajeegeani?

NG'ASHEEGA LAWI 7:14

Ak gaygageanu aba jeedeaba suh ak ghoadayda mukaateeheanagi aba jeeda gilakil aba jeedeaba haleanjeedida bea ghadooweedean, ghoah haleanjeeda ghadooweeda bea NG'UTAMIIDA; ak gaygaba ashoohoocheanda ahiida foojeanda haleanjeeda ghadooweeda bea hoyyoo.

NG'ASHEEGA LAWI 7:28

Gwayeesha NG'UTAMIIDA Musa,

2 DAMANYOOJIGA 31:4

Ng'ata gwarukusa fuga abiita Yerusalemu gideaba gayghoadayda gida miisa ashoohoodiga ea fuga Lawi, ak abeeda gagadiiy muuchi aba gidanyaashta deaweedeeda NG'UTAMIIDA.

RITEAYDA 28:43

inyeesa gaygooshuup Haruni ea orjoagaaschi, damanda jea gaweewa jeeda maheemajeanda siroondooscheesa, ghana ibuwa gwaneekiisa heeda ghaydit bea wagiida aba gadiyeeda, aba gideaba gwadeepa ea mwasara giidiinyeanda ak gameewa. Nih gayghoah diigheanda damanyoojiga sean, ghang'eada niny ea ghoah jeacheangaaschi.

RITEAYDA 29:28

Gaygaba Haruni ea orjoagaaschi gawuurji daghwarda miisa leabu heeda fuga Israeli, bea ashoohoodiga sabwa geadi fuga Israeli was haleanjeeda sisapa geadi bea hoyyoo, suh haleanjeeda sisabwa geadi bea NG'UTAMIIDA.

NG'ASHEEGA LAWI 23:20

Ng'ata gaygageanu ashoohoocheanda ak gagatkat sea mukaateeyda booga madeeda ghoah haleanjeeda ghadooweeda sigatkat aba madeeda NG'UTAMIIDA, sea gisilga asiyeenya; suh gajea ghaydidi aba madeeda NG'UTAMIIDA aba badayda ashoohoocheanda.

IITOODA 5:9

Nea giliwas haleanjeeda ghadooweeda siikeal humng'eeda, was haleanjeeda ghaydidi bea fuga Israeli, gayghoadaw ashoohoocheanda, ghoah daanyi.

GIIPKEATA DIIGHEANDA 18:1

“Ashoohoodiga Lawi, was eemeesean bea Lawi maygwanda ginyaawa ghana gichea gwahearan sea fuga Israeli; saawa gayghwaak haleanjeeda sisabwa geadi bea ghadooweeda sighwarda bea NG'UTAMIIDA, ea haleanjeeda suuk haguuw saawa.

2 SUGOODIGA 12:16

Nea lapiyeeda siitayda bea haleanjeeda sisabwa geadi bea giidiinyeanda ea lapiyeeda haleanjeeda sisapa geadi aba riing'eeda; ea meeyeana gheeda NG'UTAMIIDA suh gea ashoohoodiga gil gabeachi.

2 DAMANYOOJIGA 31:5

Ng'ata gwarita diigheanda, fuga Israeli ghoadayda aba seang'ayda haghweega madeeda bea booga, ea difaayi, ea nagheeda, ea maleeda, ea booga madeeda bea madamnyeanda; ak gweadu aba seang'ayda gideaba damanamughuush bea haleanjeeda sean.