IITOODA 18:1 - Bibliyeeda Ghaydit

¹ Ghwalamda NG'UTAMIIDA ak gwayeesha Haruni, “Ang'iing'i ea diibigaagu ea gealga ghweanigaagu ea ang'iing'i gajasareana munyinda heeda ghaydit; ang'iing'i ea diibigaagu ea dooshteang'wa gajasareana munyinda ashoohoocheanduumeedeang'wa.

IITOODA 18:1 Referans Kwoze

RITEAYDA 28:38

Ak banajaneedida gayghwayiin Haruni gheamamdaanyi ak Haruni gayghwasar munyinda haleanjeedida ghaydidi jea ghoamiidu fuga Israeliin, aba giimuusta nyaawa ghaydidiin, ak gaygoobiita gheamamdaanyi galeagasean, ak abeeda eamwas aba madeeda NG'UTAMIIDA.

1 Betro 2:24

Niny ghwasar riing'eegaasa aba saseadaanyi aba uhuuda geeta, ak abeeda geemeewayi aba riing'eeda, ak geewooschi majeekcheewi aba doobiiwnata, aba deaneaduutkaaschi ea siihaabeasa.

Ebraniya 13:17

Asisiina mureeda fuga ahaaghwaneegwa nea googadiyeesi; aba gideaba saawa gang'ula gurooruunatkeagwa, nea gawuurji siida jea goodayiida ng'asheega. Asi saawa gagasa gwasin ng'asheesu nea gahoosan, nea adagagiisan, aba gideaba ng'asheega sunu maygwarachi gil aba heedeang'wa.

Ebraniya 4:15

Aba gideaba meendeawani ashoohoocheanda haw moamu ghabwayda ng'arng'aranyeakaasa, geandeawi dea sisissa mureeda sean ak geesimsimda gidaghayi sisimsimdaneasa, amadu ea miigwasin riing'eeda.

ISAYA 53:11

ak gayghwadaah haghweega sawanadeeda saseadaanyi, ak ghamwas; aba fughareeda siideanyu bea gadiyeeda doabiiwaat, gayghwanung' ghoah gea saang'a gea doobiiweadi, nea ghwasar giidiinyeanyeeka nyaawa.

ISAYA 53:6

Aseasa geewuurjeewi gisilga ak ea siroodayi; gaba siisi aat naweadaanyi nea gabwageaw; ak ea niyiin NG'UTAMIIDA badaydaanyi munyasnacheakaasa sean.

IITOODA 17:13

Giliwas sih neekiit, neekiisa maheemajeanda NG'UTAMIIDA, gayghami; gajeeshealana eesa sean?”

IITOODA 17:7

Ng'ata ghwayiin Musa bayiiga madeeda NG'UTAMIIDA aba jeeda maheemajeanda muuwuunooda.

IITOODA 17:3

Ak bileangida Lawi gayng'oorsiina gheawunga Haruni; aba gideaba gaygaba siisi haw mideawa bileanginagi aba giliwas eamwa.

IITOODA 14:34

Nea aba mooneedeaba askwearjoojisu oogwalsiini ghaang' ng'eanyiita, aba askwearjooji haradamiin, aba giliwas askwearja aba jeeda gweayda, gajasareana munyasnacheekeagwa, gweanyeew haradam ak gajanala gideaba naanyareaschi.’

NG'ASHEEGA LAWI 22:9

Asi gayghoang'waay deaweedeedeanyu, aba gideaba gajiidu ghwanyas riing'eeda aba badaydeaba gil ak ghami nea nimunyiit gidida: Aniini geawooschi NG'UTAMIIDA amiitu saawa.

NG'ASHEEGA LAWI 10:17

“Ghwasaan anda meayaagi haleanjeeda sighadoawanda aba badayda riing'eeda aba heeda ghaydit, aba gideaba gidaghaydit muuchi ak ea sigooneegwa ageanda munyinda buuneeda, ak goosinyi giiduupcheeda aba badahuuka nyaawa aba madeeda NG'UTAMIIDA?

NG'ASHEEGA LAWI 22:16

ak ghwanung' ghwanyas saawa ng'asheega munyas ea giidiinyeanda, aba gidida haleanjeeda ghaydidi: aba gideaba aniini geawooschi NG'UTAMIIDA amiitu saawa.”

IITOODA 3:6

“Eani eemeeda Lawi gwaneekiit, ak giyiini madeeda Haruni was ashoohoocheanda, ak gagadiiyeesa.

IITOODA 16:10

ea gideaba niyeaneey gooneekiinyi, sea orjooga giyeang'wa sean was orjooga Lawi sea ang'iing'i? Ama agooga googasayi eara ashoohoocheanduumeeda?

IITOODA 18:11

Ak gili ea daang'u; was haleanjeedida bea ghadooweeda sigatkat eekeal humng'eeda siitaw saawaan, aba gideaba haleanjeeda sean bea ghadooweeda siiyuuk bea fuga Israeli; suh neagoonyeey ang'iing'i ea orjoagaagu ea haweagaagu, nih gwadoobiiwseegwa damanda manda muudeanooda; giliwas sih aba jeedeaba gheang'u doabiiwaat gayghwaak haleanjeeni.

GIIPKEATA DIIGHEANDA 10:8

Aba damandida NG'UTAMIIDA ghwasach eemeeda Lawi ghwasar sandakooda Neajeeda bea NG'UTAMIIDA, ghamiinaada aba madeeda NG'UTAMIIDA gagadiiyeesa nea gaygoodayiida ghawooda aba gheawungaaschi, nea ghoah ghamneawa.

FUGA LAJA GIRGWEAGUUTKA 17:12

Hean ghoamwaar Mika siida Lawi, was gheareemaneeda, ak ghoah ashoohoocheandaanyi, ak goobiida gheeh Mika.

ESEKIELI 4:4

“Ak gibiikti una ruweanga, nea gibwadi meatkweeda geatinga ghaadaam. Ak gaysareana ghoorjooda fuga Israeli, aba giteena eawoojiga jea lilana hoowa nea aba seareani gaysareana ghoorjooda nyaawa.