IITOODA 16:9 - Bibliyeeda Ghaydit

⁹ Neada iyoong'ulayi agooga ng'asheanji ea mwanang'i aba heedeang'wa, gideaba ASEETA Israeli ghwasajeagwa aba jeeda fuga bwatgeat bea Israeli, ak abeeda ghwaadeagwa headaanyi; ak goosinyi gadiyeeda aba gheeda NG'UTAMIIDA, ak ghoamiinaadi aba madeeda girgweageeda ak googadiyeesi;

IITOODA 16:9 Referans Kwoze

ISAYA 7:13

Hean ghwalamda Isaya gicha ak gwayeesha, “Oaleaydiit, Ea fuga gheeda Dawdi! Aba heedeang'wa ng'asheanda mwanang' gideaba gajanung' gabur buuneeda ak googasayi oopuura eara ASEETEANYU?

GIIPKEATA DIIGHEANDA 10:8

Aba damandida NG'UTAMIIDA ghwasach eemeeda Lawi ghwasar sandakooda Neajeeda bea NG'UTAMIIDA, ghamiinaada aba madeeda NG'UTAMIIDA gagadiiyeesa nea gaygoodayiida ghawooda aba gheawungaaschi, nea ghoah ghamneawa.

NEHEMIYA 12:44

Hean eaweedida gealoat fuga jea gang'ula gijigoonga giidiiwshooda, jea eayiin haghweega madeeda, ea gilagi aba jeeda gea atamanamughuush, siiweamsa hijagi gwadeena gidanyaashta deaweedeeda ashoohoodiga fuga Lawi ghang'eada madameega mujiinajeega; aba gideaba Yuda gahoosan aba badayda ashoohoodiga ea fuga Lawi gadiiyi.

1 SAMWELI 18:23

Ng'ata gwarukusa fuga gadiyeeda Sawli ng'asheesu iidiga Dawdi. Ak gwayi Dawdi, “Ng'asheanji iyoong'ulayi ea ng'asheanda mwanang' gideaba gayghoah siida dea jea googweaji sugoocheanda, aba gideaba aniini neada geawooschi siida bwarbwar biissa ea meawala gheang'da?”

IITOODA 16:13

Ng'asheanji ea mwanang'i gideaba giiruunaneasa ng'eanyiida nyiit eanooga ea maleeda, ak gibwarjeasa aba dareapcheeda, ak eara aba ng'asheesu giidiing'u geaw ang'iing'i ea heeni muuchi aba heedeanya?

IITOODA 3:6

“Eani eemeeda Lawi gwaneekiit, ak giyiini madeeda Haruni was ashoohoocheanda, ak gagadiiyeesa.

IITOODA 1:53

Nea fuga Lawi gaygwajip maheemajeega nyaawa nea ghwanung' gwaneaweesa maheemajeanda muuwuunooda aba meadajeega sean, ak ea mwahina nyarasta badahuuka fuga Israeli; ak gaygafur fuga Lawi maheemajeanda muuwuunooda.”

ESEKIELI 34:18

Aba jeedeang'wa gwanda gea ak hamita miy, ak ghoadataschi giika abidiin. Ghoaleayi beega miyaas, nea gea lagaan ghoadataschi aba geeshangeagwa.

2 DAMANYOOJIGA 35:3

Ak gwayeesha fuga Lawi was giinealshoodiga fuga sean bea Israeli was fuga ghaydidi aba heeda NG'UTAMIIDA, “Ayiina sandakwajeanda ghaydit jeeda gheeda ghayi deas Sulemaneeda was orjeeda Dawdi, was sugoocheanda fuga Israeli; maygudu ayeateena gheatkeagwa. Asi ghamneawa agadiyeesiina NG'UTAMIIDA was ASEETEANG'WA sea fugaaschi was Israeli.

2 SAMWELI 7:19

Nea gicha ng'asheanji ea mwanang' aba madeeda gheanyangaagu, Ea NG'UTAMIIDA was ASEETA; ak gibalooli badayda gheeda siidaang'u bea gadiyeeda aba damanda haw jea ghwahidu, ak ea niihiimnaan seaygoojiga jea ghwahidu, Ea NG'UTAMIIDA was ASEETA!

GIING'EETA 30:15

Ng'ata gwayeesha Leya, “Iing'ulayi ea ng'asheanda mwanang' gideaba gigeandi siyeedeanyu? Ak gigasayi geanda eara geeta orjeedeanyu?” Gwayeesha Raheli, “Abeeda gwadeepa mideawana eaweani Yakobo aba sakghwiilooda orjeedang'u.”

1 Goriinto 4:3

Nea aba heedeanyu nih ea ng'asheanda mwanang' gil gideaba goorgweaksean agooga ghana girgweageeda wassean bea buuneeda. Ak aniini ea mii deargweaksa geaw.

Gadiyeeda Giijasoodiga 13:2

Ghayi eaweecha nea ghabwat Ng'utamiida, nea gooluulda geat, hean gwayeesha Guroorooda Ghaydit, “Aloada Barnaba ea Sawli gwasin gadiyeeda eaguursi gwasin.”

IITOODA 3:9

Ak giidawi Haruni ea orjoagaaschi fuga Lawi; siitaw fiisu seaniin niny aba jeeda fuga Israeli.

IITOODA 16:8

Ghwalamda Musa ak gwayeesha Gora, “Asi oaleaydiit, orjooga Lawi;

ESEKIELI 44:16

Ak gaygaweay heeda eabiiti ghaydit, ak gaygwaneekiisa meeseedeanyu gagadiyeesean ak gayghoah furiischoodigeasu.