IITOODA 14:9 - Bibliyeeda Ghaydit

⁹ Asi adoanyareaschi NG'UTAMIIDA, ak ea adoawali fugiga bea ng'eanyiidean, aba gideaba saawa maygwasimaneasa gil; aba gideaba jirooneeda eawoojisu mida iheenga nyaawa sigeanda, ak NG'UTAMIIDA gwanda heedeanya; adoabeali.”

IITOODA 14:9 Referans Kwoze

GIIPKEATA DIIGHEANDA 7:18

Ang'iing'i adiidu giiwali saawa, ang'iing'i apkaada gida ghayi sima NG'UTAMIIDA was ASEATAANG'U Farao ea fugaaschi sean bea ng'eanyiida Misri,

Ruumi 8:31

Asi gajeeyeenaan aba badaydeaba ng'asheesu? ASEETA iimida meatkweedeanya, abeeda gwanda ng'eaha uhuudeanya?

GIIPKEATA DIIGHEANDA 31:6

Adaruusiita nea goobea gurooruunatka meanyi, adaghang'udeagwa giyoonda nea adoawali saawa; aba gideaba NG'UTAMIIDA was ASEATAANG'U niny dea iideayeewi gil, mayghoashoanyaneey nea maygwanung'seey heeda.”

NYIIGHEEGA 74:14

Ang'iing'i ginyarjeaweadi iheenga ichipkeega Lewiatani ghoah hamita diyeanga dareapcheeda.

2 DAMANYOOJIGA 32:8

Niny gwandeawa geatinda saseeda; aba aseasa geendeawi NG'UTAMIIDA was ASEETEANYA, was dea jea ghaweadeasa nea gang'uchi aba badahuukaasa.” Hean ghwanyas uurjeenga buuneeda aba ng'asheega Hesekiya was sugoocheanda Yuda.

2 DAMANYOOJIGA 20:17

Agooga manda gichea gwajakseegwa jeeda ng'ucheeda; agooga anaawa geat ak gaba siisi miinaada aba hoorgeadaanyi, ak ghoadaayi lealeanooda NG'UTAMIIDA aba badahuukeagwa, Ea Yuda sea Yerusalemu.’ Adiidu ghoabealji nea adiidu goohirbabanyi; numuji arita ak gooweayi ang'ucheena, aba gideaba NG'UTAMIIDA gaygwanda heedeang'wa.”

GIIPKEATA DIIGHEANDA 31:8

NG'UTAMIIDA niny gaygoosheedeaweey ak gajandeayeena, mayghoashoanyaneey nea maygwanung'seey heeda, adibeali nea adihirbabani.”

IITOODA 24:8

ASEETA niyeadu aba ng'eanyiida Misri; ak gwandeawa uurda sigala uurda muweasta; gayghwanukghuta eemoojiga was weajoodigaaschi, gaygwahirjeaweada geaka nyaawa ea ghoah basanga, ak gaygang'uda aba geatkaaschi.

YOSHUWA 1:5

Manda siida jea gawa ghamiinaada aba madeadaang'u aba jeeda eawoojigaagu sean bea giibindaang'u; gawuurji gidaghayi eandeayeati Musa, asi ea gichea eendeayeeta sea ang'iing'i gil; maydaashoanyaneey nea maydanung'useey heeda.

NYIIGHEEGA 121:5

NG'UTAMIIDA haghweadoocheandaang'u; NG'UTAMIIDA niny jirooneadaang'u bea geatinda dugwa.

NYIIGHEEGA 14:4

Neada buuneesean sina ng'asheega munyas mwanala? Nea iissa ghwaakta buuneesean gida akiida mukaate, ak ea maguuriisiina gheawunga NG'UTAMIIDA.

GIIPKEATA DIIGHEANDA 9:7

Apkaada adiidu gwarooseey gidisimi NG'UTAMIIDA ea ghwanyareas aba jeeda dareapcheeda; gidang'eada eaweeda iriteawi ng'eanyiida Misri, bwak ea ahiini hiji, noosisi ramaseanyeeka NG'UTAMIIDA.

GIIPKEATA DIIGHEANDA 1:26

“Ak ghoaheawi aweayeena hoowa, ng'ata ak goofooli diigheanda NG'UTAMIIDA was ASEETEANG'WA

DANIELI 9:9

Ng'utamiida was ASEETEANYA gabayiida nea gwasamiisa buuneeda; aba gideaba sisinyi ng'asheega munyas aba headaanyi;

GIIPKEATA DIIGHEANDA 32:42

Geatkeasu gayghoabitpina foojeanda nyaawa, nea ghwaak ng'uteanyu banyeega, sea foojeanda fuga sinuus ea fuga ng'uta, aba iheenga fuga hees bea weajoodiga.’

GIIPKEATA DIIGHEANDA 7:21

Adiidu ghoabealnyi fiisu; aba gideaba NG'UTAMIIDA was ASEATAANG'U gwanda jeadaang'u, ASEETA haw uur mideawa gharbeeda.

GIIPKEATA DIIGHEANDA 1:21

Ng'ula, NG'UTAMIIDA was ASEETEANG'WA niyiini ng'eanyiida madeedeang'wa, asi ng'eada ak giimbali ghoah gidarukuneata NG'UTAMIIDA was ASEETA ghweanigeagwa, adiidu ghoabeali aba gurooruunatkeagwa.’

Filippi 1:27

Anung' ghoah searoojigeagwa bea eaweega gweateayi sea giijasta miy bea Gristo, ama iyaawunyi dadaheagwa ak ghaadaayeagwa ghana ea meandani, geagasayi dayiiy aba badahuukeagwa gideaba ghoamiinaadi muuchi aba jeemba gurooroanagi, nea goobeayi fughareanagi nea goong'alealeesi masaweega giijasta miy,

Mattayo 1:23

“Ng'ula gaygagweayiit huda miyeasat ak gaygwaji baleanda, ak gajeeguura gheawungaaschi Imanueli” (nea gideaba, ASEETA sindeayeewi).

YEREMIYA 48:45

“Fuga mang'aw bur gafuuf aba Heshboni nea gagasa heeda jea goobiida nea gaba seayu; aba gideaba niyeat beasta ghang'eada Heshboni, nea ng'ushapta beasta ghang'eada gheeh Sihoni; ak ea ninuus moonghajeega Moabu, ea iheenga fuga ajuuri.

ISAYA 63:10

Hean geaheawa niny, ak geenyareas gurooroadaanyi ghaydit, hean gwayamsa geaw ak ghoah weajoocheanda, ak gang'uchi sea saawa.

ISAYA 41:14

Gwayi NG'UTAMIIDA, Ea fuga Yakobo ng'arng'ari nea gwadeena ghuughuucheeda, ea fuga Israeli, adoabeali, adoabeali, gaydaweadeagwa, aniini geawooschi lealnoocheandeang'wa was dea ghaydit bea Israeli.

ISAYA 41:10

Adibeali aba gideaba geendeayi, adihirbiban aba gideaba geawooschi ASEATAANG'U; gaydagoonyi uurda, ak gaydaweanyi, nea gaydaahaaghwaneey aba geatindeanyu bea dugwa doabiiwaat.

ISAYA 32:2

Gaygaba siisi uurji heechea eefuysa geat aba jeameeda, ak gawuurji heechea eefunya geat aba roopta jeameeda, ak gawuurji eeniga mida beega mida ng'eanyiida ghajaam, ak gawuurji jirooneeda lagheaneeda haw mida jeeda dareapcheeda.

ISAYA 1:2

Ayiinya ea humng'eeda, ak giileaydiit ea ng'eanyiida, aba gideaba gwayi NG'UTAMIIDA: “Orjooga, aang'aati nea ghaarearji niheawanaan.

NYIIGHEEGA 91:1

Dea abiita heeda funyaat bea dea Haw bea humng'eeda, abiita jirooneeda ASEETA hoauur,

NYIIGHEEGA 46:11

NG'UTAMIIDA bea lugweega gwanda heedeanya; ASEETA Yakobo dea simng'awiisi.

NYIIGHEEGA 46:7

NG'UTAMIIDA bea lugweega gwanda heedeanya; ASEETA Yakobo dea simng'awiisi.

2 DAMANYOOJIGA 15:2

ng'ata gawa jarooda gwaroonyi Asa, ak gwayeesha, “Aleeysean iita, ea Asa, sea fuga sean bea Yuda ea Benjamini. NG'UTAMIIDA gwandeayi sea agooga, nea eara agooga goondeayi sea niny. Nea iyoogaseadi niny, gajanyasa, ama inyas gajajakta niny, abeeda eara niny gaygwajaktaneegwa.

2 DAMANYOOJIGA 13:12

Ak goong'ulayi, ASEETA geendeawi nea goosheedeaweesa, sea ashoohoodigaaschi ghuuda durumbeateeda ng'ucheeda jea goojuura iita ng'ucheeda sea agooga. Ea orjooga Israeli, adiidu goong'ucheewi NG'UTAMIIDA, was ASEETA ghweanigeagwa; aba gideaba majoamuusa ajooriischeena.”

FUGA LAJA GIRGWEAGUUTKA 1:22

Nea eara gheeda Yosefu gwadiyeada gang'uchi Beteli; nea NG'UTAMIIDA gwandeayi sea saawa.

RITEAYDA 33:16

Ak gaydanaldaan gideaba naanyaschi dagheerjeanduumeeda aba madeadaang'u, aniini sea fugaagu? Inyas ea meeteayeeni, inyas geeteayi abeeda aniini ea fugaagu gajeewoosa fuga huumwa aba jeeda fuga sean bea badayda ng'eanyiida?”

GIING'EETA 48:21

Ak ghwalamda Israeli ak gwayeesha Yosefu, “Ng'ula, aniini niriikghta dami, nea ASEETA gajandeawana, ak gaygoodeelneegwa gicha ng'eanyiida ghayi bea ghweanigeagwa.

DANIELI 9:5

aseasa sisinyi riing'eeda ak ea siitiinyi ak ea sifooli ng'asheega irukuneasa, ak ea sinung'usi heeda diigheanyeakaagu ea deaweedajeagaagu;

GIIPKEATA DIIGHEANDA 1:29

Ng'ata geayeeshiineegwa, ‘Fiisu adiidu ghoabealeagwa ghana ghwanung' ahirbabana.

NEHEMIYA 4:14

Ak ghaang'weardi ak ghaang'eachi ak geayeeshi fuga mida madeeda buuneeda ea fuga hees ea buuneeda suurja gea abit, “Adoawali saawa. Oapkaada NG'UTAMIIDA haw, siiwali gheang'da ak goong'uchi aba badayda orjooga giyeang'wa, ea orjoogeagwa, ea haweegeagwa, ea gadeemgeagwa, ea gealgeagwa.”

YEREMIYA 1:19

Ak gaygang'ucheeweeyi; nea ea mayghoamu ghwajoarnyi, aba gideaba geendeayi sea ang'iing'i nea gaydaweanyi, ng'asheanji gearugu aniini NG'UTAMIIDA.”

YEREMIYA 42:11

Adoawali sugoocheanda Babeli, was dea oowalayi; adoawali niny, gwarugu NG'UTAMIIDA, aba gideaba aniini geendeayi sea agooga, ak gealealneegwa nea ghaaghuuheegwa aba geatindaanyi.

RITEAYDA 14:13

Ghwalamda Musa ak gwayeesha buuneeda, “Adoabeali, amiinaada oomajeega geat, ak gajadaaha gichea gwalealdeaydaneegwa NG'UTAMIIDA, ea gichea gwasin eanean aba badaydeang'wa, fiisu bea Misri oadaayi ghamneawean, maygudu abiikta adaaha.

IITOODA 13:30

Ak ghwanung' Galebu ghwasiinda buuneeda aba madeeda Musa, ak gwayeesha, “Eaniyean anung' eascheang'da nea gealamwajaadi, ak geaghaschi; aba gideaba geamuuschi eajoara.”

IITOODA 17:6

Hean goobalool Musa fuga Israeli; ak ghoadaw niny fuga nyaawa hees sean bayiiga, giliwas bileangi aba siyagi haw aba gidabeada gealga ghweaniga nyaawa, bayi damaniyeenya; nea bileangida Haruni gwanda jeeda bayiiga nyaawa.

IITOODA 20:2

Nea hiji ea manda beega aba fuga bwatgeat; ak ghabwatgeat sean ak gwanyareeksa Musa ea Haruni.

YOSHUWA 14:12

Asi goona ng'eanyiini bea heayeenigean ghayi baloola NG'UTAMIIDA itaanyi eaweedideaniin aba gideaba ang'iing'i niyiinyi iitaanyi eaweedida gideaba fuga Anaki gwanda hoowa, ak gwandeawa mujiineeda mideawa hilgweanda majeek; ak geararsi gideaba gaydandeawa NG'UTAMIIDA, ak gaydahoan saawa gwarita jarooda gawuurji gidanyaashta NG'UTAMIIDA.”

NYIIGHEEGA 46:8

Apkaani, eeng'ula gadiyoojiga NG'UTAMIIDA, gidanung' ghoawda ng'eanyiida raghoonyeanda.

NYIIGHEEGA 106:24

Hean gafool ng'eanyiita miyiin, ak ghanyea mandeawana masaweega aba heeleesiindaanyi.