IITOODA 14:8 - Bibliyeeda Ghaydit

⁸ Ak iihoosan NG'UTAMIIDA aba badahuukaasa, gayghwayiineasa jeedeaba ng'eanyiini ak gagooneasa ghoah deanya, ak ea ng'eanyiida nyiit eanooga gil ea maleeda.

IITOODA 14:8 Referans Kwoze

2 SAMWELI 22:20

Hean gooruunean ak gweanean heeda bwara; gwalealnean, aba gideaba ghabwariinyan.

ISAYA 62:4

Nea maygudeeguureeweey dea sinung', nea ng'eanyiidaang'u maygudeeguura raghoonyeanda, ak gajeeguureeweey “Dea eahoosasi.” Ak ng'eanyiidaang'u gajeeguura “Dea sigeena.” Aba gideaba NG'UTAMIIDA gahoosan aba badaydaang'u, nea ng'eanyiidaang'u gajeaghi.

IITOODA 13:27

Ak geeyeesha niny, “Aseasa geeleabu ng'eanyiida oocheaktaneasa; gagulda eanooga ea maleeda, ak ea sukwa haghweagaaschi.

GIIPKEATA DIIGHEANDA 10:15

nea NG'UTAMIIDA gurooroadaanyi ghabwariiy ghweanigaagu ak ghaghwal jeacheenga iing'ata saawa, ea agooga ghoanaawi eemoojiga sean, gawuurji gideaba ghamneawa.

Ruumi 8:31

Asi gajeeyeenaan aba badaydeaba ng'asheesu? ASEETA iimida meatkweedeanya, abeeda gwanda ng'eaha uhuudeanya?

NYIIGHEEGA 22:8

“Gwayeena, ang'iing'i gighusi NG'UTAMIIDA; abeeda dalealneey niny, nung'waada gwalealu niny siisi, aba gideaba niny ghabwariiy siisi!”

1 SUGOODIGA 10:9

Gagasa eakghaambiit NG'UTAMIIDA was ASEATAANG'U, niloanyi ak ghamiindaneey aba uhuuda hoorgeeda eemeeda Israeli! Aba gideaba NG'UTAMIIDA ghabwariiy eemeeda Israeli damanda manda muudeanooda, nea ea niighaambiinyi wasa sugoocheanda, ak hean gimiineadaysi huumeanda ea doobiiwnata.”

SEFANIYA 3:17

NG'UTAMIIDA was ASEATAANG'U gwanda jeedeang'wa, niny aamwaay nea ghoamu gwalealneegwa; gaygahoosasseey aba ng'weelooda haw, gayghwasiinda aba bariinyeagaaschi; gaygang'weela aba badaydaang'u nea gwasarman aba ghuuta haw

YEREMIYA 32:41

Ak gaydahoosan dasisa saawa gea miyaas, nea gaydanung' goobiida saawa jeedeaba ng'eanyiini, aba doobiiwnata, aba gurooroodeanyu sean ea jeedeanyu sean.

RITEAYDA 3:8

ak ghaararang'aanyi dalealu aba geatinga fuga Misri, ak geascheeng'ni ng'eanyiita ea ghapka ng'eanyiida miy haw, ng'eanyiida gulda eanooga ea maleeda, ea ghwahiita ng'eanyiida fuga Ganaani, ea Hiti, ea Amori, ea fuga Beresi, ea Hifi, ea fuga Yebusi.

IITOODA 16:14

Ak ea miyeaneasa ng'eanyiida nyiit eanooga ea maleeda, ak ea mii gooneasa madameega jea eehearana, ea madameega sabiibu; neada gigasayi ng'uda gheanyangeaba fiisu?”

YOSHUWA 14:12

Asi goona ng'eanyiini bea heayeenigean ghayi baloola NG'UTAMIIDA itaanyi eaweedideaniin aba gideaba ang'iing'i niyiinyi iitaanyi eaweedida gideaba fuga Anaki gwanda hoowa, ak gwandeawa mujiineeda mideawa hilgweanda majeek; ak geararsi gideaba gaydandeawa NG'UTAMIIDA, ak gaydahoan saawa gwarita jarooda gawuurji gidanyaashta NG'UTAMIIDA.”

2 SUGOODIGA 18:32

Bwak ea dahidu ak ghaayaadeegwa ng'eanyiida uurji ng'eanyiideang'wa, ng'eanyiida mida booga ea difaayi ng'eanyiida mida mukaate ea madameega sabiibu, ng'eanyiida mida geediga saytuunajeega, ea maleeda jea oopiidana ea moomeewi. Ak ea adoolleeysiit Hesekiya reenganeegwa nea gwayi, NG'UTAMIIDA gayghoaghuuheasa.