IITOODA 14:3 - Bibliyeeda Ghaydit

³ Anda NG'UTAMIIDA gweaneasa ea ghoahiineasa jeedeaba ng'eang'i ak geesheali aba ng'uta? Gayghoah gadeemgaasa ea diibigaasa soomjooga; neada ea mang'wana geebiikti ng'eanyiida Misrihi?”

IITOODA 14:3 Referans Kwoze

YEREMIYA 9:3

Hean ghaghwanda ng'ushapkeaka nyaawa ghuweanga; nea ng'uyeega ea niheena jeeda ng'eanyiida ea ghwanaawa huumeanda; nea ea nisin riing'eeda ea ghwanaawda, ak ea mudu ghwanalan, ng'asheanji gwarugu NG'UTAMIIDA.

NYIIGHEEGA 78:40

Saawa ninung'usa heeda niny niba hada aba dareapcheeda, ak ghoanyareas niny aba eeshtearajeanda!

Gadiyeeda Giijasoodiga 7:39

Ak ghaheawa ghweanigaasa gwasissa niny mureeda, geasach ghoah gidamwadaagha, ng'ata gagasa gurooruunatka nyaawa gabiikta Misri,

RITEAYDA 5:21

ak geeyeesha Musa ea Haruni, “Gagasa ghwadaheagwa NG'UTAMIIDA ak ghwalach girgweageeda, aba gideaba noanung' eemunyasiita aba madeeda Farao ea soomjoagaaschi, ak ghoayiinyi ng'uta geatingaaschi ghabwareasa.”

RITEAYDA 16:3

ak gwayeesha saawa, “Ghang'wana ghayi gwanuuseasa NG'UTAMIIDA aba ng'eanyiida Misri, damanda siipiitpiidi ak geayaaji banyeega ea mukaate ea eelang'uuda, mwasamwa gideaba gooyeadu eemeeni ghabwar jalooda aba jeeda dareapcheeda.”

IITOODA 16:13

Ng'asheanji ea mwanang'i gideaba giiruunaneasa ng'eanyiida nyiit eanooga ea maleeda, ak gibwarjeasa aba dareapcheeda, ak eara aba ng'asheesu giidiing'u geaw ang'iing'i ea heeni muuchi aba heedeanya?

IITOODA 20:3

Ak gwasheang'nyi buuneeda sea Musa, ak gabalool nea gwayi, “Gwachi ghang'wana geemeewayi damanda ghayi meewa fuga ghaheanya aba madeeda NG'UTAMIIDA!

IITOODA 21:5

Ak gooniiksa buuneeda ASEETA, ea Musa, nea gwayeesha, “Ghwasaan inyas gooyeaneasa eang'amwana ng'eanyiida Misri, ak geeshealsi dareapcheeda? Aba gideaba manda hamita, ak ea manda beega, ak ea niheawa jeesingaasa hamidi muyiin.”

GIIPKEATA DIIGHEANDA 1:39

Iidu diibiga giyeang'wa manang'i ooyeenyi gayghoah giing'oonyanga, ea diibigeagwa, gea ghamneawa mwanala gida miiy ea dea muy gayghwahita hoowa, ak gaydaadaw saawa, ak gaygoombal.

IITOODA 11:20

gajayaaga sheeda mughuush, bwak ea gwarina sareenuukeagwa, ak gayghwargheagwa, aba gideaba noaheawi NG'UTAMIIDA mida jeedeang'wa, ak gooyeawdi aba madeadaanyi, nea gooyeenyi, “Ghwasaan inyas geerini ng'eanyiida Misri?” ’ ”

NEHEMIYA 9:17

ak ghaheawa gwasissa mureeda, nea moapkaada ng'asheega deamdeameadi ghayi iisini aba bugusta nyaawa; ak ea mararsiina gil ghoahang'waay iheenga nyaawa nea ghwaloat ashoohooda uurji gili jea ghoaghuumda soomjeandumeeda Misri. Ak ang'iing'i guwoosi ASEETA hidaat aba samsiinda, ea dagheerjeanduumeeda ea samsiinda, nea mii wusis nyaras nea mayghwayamwa bariinyeagaaschi, ak ea miigwanung'usa heeda saawa.

YEREMIYA 42:14

ak gooyeenyi, ‘Manda, gajeeweaya ng'eanyiida Misri, heeda majeedaaha ng'ucheeda, ghana heeda majeeyiinya ghuuta durumbeati, ghana ghwayeadeasa jih aba gasooda mukaate, ak gajeepiidana hoowa,’

YEREMIYA 42:19

Ak gwayi NG'UTAMIIDA aba ng'asheegeagwa, Ea boosteanga Yuda, ‘Adooweayi ng'eanyiida Misri.’ Anala aba huumwa gideaba aniini naamiinyi gheang'deang'wa askweareani.