IITOODA 12:13 - Bibliyeeda Ghaydit

¹³ Ak gooyeawusa Musa NG'UTAMIIDA, ak gwayeesha, “Ahaabwa, Ea ASEETA, geamuscheey ang'iing'i.”

IITOODA 12:13 Referans Kwoze

Yakkobo 5:15

nea mooshta ASEETA aba masaweega gaygwalealu siida miyaan, ak gaygagatkat Ng'utamiida; amadeepa ea nisin riing'eega, abeeda gajeesamsa.

Ruumi 12:21

Adaghwajoarnyi munyinda, gagasa joara munyinda aba miyinda.

Lukka 6:28

Abadiischeesiina fuga mooriidaneegwa, amwaasha ASEETA aba badahuuka fuga ghabwaseegwa.

Lukka 23:34

Ak gwayi Yesu, “Bwaabwa, eaniyean samsiina fiisu; aba gideaba mwanala gissin.” Hean geelaja hang'weakaaschi ak geeng'alealeesa.

YEREMIYA 17:14

Ahaabwan, Ea NG'UTAMIIDA, ak abeeda gaydaahaap; lealnean, ak abeeda gaydalaalaan; aba gideaba ang'iing'i guwoosi dea aaghaambiichi.

ISAYA 30:26

Ak weeshinda sheeda gaygawuurji dea daknooda, nea daknooda ghoahaada niba ispwa, gawuurji daknoomba eawooji ispwa. Ak ng'asheesu gaygapnu eaweeda jea ghoahaabwa NG'UTAMIIDA deaneaduutka fugaaschi nea ghwarat.

1 SAMWELI 15:11

“Aniini neagiisanyi aba gideaba naanung' ghoah Sawli sugoocheanda; aba gideaba nifuurnean badayda ak ea meana geeshteanyu, ak ea moang'waanya diigheanyeekeasu.” Hean ghwanyareas Samweli; ak gooyeawusa NG'UTAMIIDA eaweesean.

1 SAMWELI 12:23

Nea aniini, gagasa gwasheagiidanean gideaba gaydasissa riing'eeda NG'UTAMIIDA iyaanung'waadi mooshta ASEETA aba badahuukeagwa; ak gaydaanaaleagwa ng'asheega miyaasiin ea naweeda doabiiw.

IITOODA 16:41

Iimuchu eaweeteaba iyeenya gooniiksa fuga sean bwatgeat bea Israeli Musa, ea Haruni, nea gwayeesha, “Agooga noabwarji fuga NG'UTAMIIDA.”

IITOODA 14:2

Hean gooniiksa buuneesean bea Israeli Musa ea Haruni; ak gwayeesha buuneesean bwat geat, “Gwachi ghang'wana geemeewiisi ng'eanyiida Misri, ghana gwachi ghang'wana geemeewiisi jeedeaba dareapcheeni.

Gadiyeeda Giijasoodiga 7:60

Ng'ata gwatkuy ak ghoahaawda nea gwayi, “Ng'utamiida, adiidu ginung' ghwanyas fiisu riing'eeni.” Iidu nea niihiit ng'asheesu, ghami.

GIING'EETA 20:17

Ng'ata ghamwaash Abrahamu ASEETA; ak ghoahaap ASEETA Abimeleki, ak ghoahaap eara gatmoadaanyi ea gadeemga was soomjooga ak gwaji diibiga.

RITEAYDA 4:7

Hean gabiikta ASEETA ak gwayeesha, “Iina geatindaang'u daghataang'u. Ak ghwayiin geatindaanyi daghataanyi.” Hean geanda geatindaanyi, ng'ula nibiikta geatindaanyi ghahaap ea gawuurji saseesean.

IITOODA 11:2

Hean gooyeawusa buuneeda Musa; ak gamus Musa NG'UTAMIIDA, ak gamis beastida.

IITOODA 12:12

Geamuscheey, adagawuurji siida ghayi meah, was dea niyaak banyeagaaschi meatkweanagi siyaak damanda rinna aba jeeda ghaamwat.”

NYIIGHEEGA 30:2

Ea NG'UTAMIIDA, was ASEETEANYU, geayeawuseey, nea geagasayi weeta ak giihaapchaan.

NYIIGHEEGA 41:4

Ak geayi aniini, “Ea NG'UTAMIIDA bwaydanaan; ahaabwaan, aba gideaba neasineey riing'eeda!”

RITEAYDA 15:26

nea gwayeesha, “Inyas giileeysiit ghuuta NG'UTAMIIDA was ASEATAANG'U, ak gisini ng'asheega doobiiweadi aba madeeda gheanyangaaschi, nea giileeysiit giirukuneey, nea giing'waanyi diigheanyeekaaschi sean, abeeda maydanung' ghoang'waanyi geeyooda wassean ghayi aang'udi fuga Misri aba gideaba aniini geawooschi NG'UTAMIIDA aheapeey.”

1 SUGOODIGA 13:6

Gwayeesha sugoocheanda siida ASEETA, “Mwaasha NG'UTAMIIDA was ASEATAANG'U, ak gimusiischooweani, gabiikseani geatindeanyu.” Hean ghamwaash siida ASEETA NG'UTAMIIDA; ak gabiiksa heedida geatinda sugoocheanda, ak gawuurji gida ghayi bea mwadi.