IITOODA 12:11 - Bibliyeeda Ghaydit

¹¹ Hean gwayeesha Haruni Musa, “Ea ng'utamiideanyu, geamuscheey muuchi, adiyiini badahuukaasa riing'eeda, aba gideaba sisinyi ng'asheega leendeeda, ak geesinyi riing'eeda.

IITOODA 12:11 Referans Kwoze

2 SAMWELI 24:10

Hean gwasawana jeeda Dawdi iing'ata iitooda buuneeda. Ak gwayeesha Dawdi NG'UTAMIIDA, “Aniini neasinyi giidiinyeanda haw aba gili easinyiin. Asi ghamneawa, Ea NG'UTAMIIDA, geamuscheey ang'iing'i, geanda giidiinyeanda siidaang'u bea gadiyeeda; aba gideaba neasinyi leendeeda haw.”

2 SAMWELI 19:19

ak gwayeesha niny sugoocheanda, “Gidabal ea mwanung' ng'utamiideanyu doaw siida mideawa giidiinyeanda ghana ghoapkaat gida adiiyda siidaang'u bea gadiyeeda aba eaweeda beawa ng'utamiideanyu was sugoocheanda aba Yerusalemu; gagasa ea mwayiina sugoocheanda uhuudaanyi.

GHWASIILDEANGA 30:32

Iinung'unyi leendeeda ak gighwari geaw ghana iinibadayi sinooda ng'asheega munyas, asi dukuta ghuutaang'u aba geatindaang'u.

Giidaheechta 3:9

Ng'ula, gaydanung' ghoah fugiga was gheeda siinealshacheewa bea Shataani eena geawooschi Yahudi nea mawoosa ak gwanaba ng'uyeegean, ng'ula, gaydanung' ghapka ak gwatkuy aba madeeda geeshangaagu, ak ghwanal gideaba ghaabwariinyeey.

Gadiyeeda Giijasoodiga 8:24

Ghwalamda Simon ak gwayeesha, “Eaniyean amwaasha ASEETA aba badaydeanyu aba heeda Ng'utamiida, ak ea adaghwanyasan gida wassean aba jeedeaba ng'asheesu ooruguun.”

YEREMIYA 42:2

ak geeyeesha sibaneeda siguura Yeremiya, “Geemuscheey mwasa musiischoodeanya, ak gimusiischooweasa aba heeda NG'UTAMIIDA was ASEATAANG'U aba badahuukaasa, aba boosteang'su seaniin (aba gideaba geapuudeasa fiisu ng'ay aba jeeda fuga saang'a aba gididaaktaneasa aba gheanyangaagu),

2 DAMANYOOJIGA 16:9

Aba gideaba gheanyanga NG'UTAMIIDA inyeesa gang'ula bwadaw ea mwadi aba jeeda ng'eanyiida sean, ghoahiimu uurdaanyi aba badahuuka fuga doobiiweadi aba headaanyi. Ang'iing'i nisini leendeeda aba ng'asheanji; aba gideaba gidang'eada ghamneawa gaynyasa ng'ucheeda.”

1 SUGOODIGA 13:6

Gwayeesha sugoocheanda siida ASEETA, “Mwaasha NG'UTAMIIDA was ASEATAANG'U, ak gimusiischooweani, gabiikseani geatindeanyu.” Hean ghamwaash siida ASEETA NG'UTAMIIDA; ak gabiiksa heedida geatinda sugoocheanda, ak gawuurji gida ghayi bea mwadi.

1 SAMWELI 12:19

Hean gwayeesha buuneesean Samweli, “Mwaasha ASEETA aba badahuuka fugaagu bea gadiyeeda aba heeda NG'UTAMIIDA was ASEETEANG'WA, gideaba adiidu geemeewayi; aba gideaba siihaachi aba riing'eegaasa sean ng'asheanji muyiin, ak geegasayi aseasa sugoocheanda.”

1 SAMWELI 2:30

Ng'ata gwayi NG'UTAMIIDA was ASEETA Israeli: ‘Aniini gearugu gideaba gheang'u ea ghaheang'wa gayghapka nea gaweay aba madeedeanyu damanda manda muudeanooda’; ak ghamneawa gwayi NG'UTAMIIDA: ‘Gagasa gwasheagiidanean ng'asheanji; aba gideaba fuga sinnean mureeda gaydasissa, nea fugiga foolaniin gaydafool.

RITEAYDA 12:32

Oawaasa noogeagwa ea dugweagwa, gawuurji gidinyaashti, ak gooweayi, ak googoonyean ghawooda eara aniini!”

IITOODA 11:2

Hean gooyeawusa buuneeda Musa; ak gamus Musa NG'UTAMIIDA, ak gamis beastida.

IITOODA 12:12

Geamuscheey, adagawuurji siida ghayi meah, was dea niyaak banyeagaaschi meatkweanagi siyaak damanda rinna aba jeeda ghaamwat.”