IITOODA 10:9 - Bibliyeeda Ghaydit

⁹ Nea aba damanda oobeawi ng'ucheeda aba jeeda ng'eanyiideang'wa, ak goong'ucheewi weajoocheanda ghabwaseegwa agooga, abeeda gajaghuuda durumbeati nea ghoanung' ghwadaaruur muuchi; ak abeeda gajeapkaadeagwa aba madeeda NG'UTAMIIDA, was ASEETEANG'WA, ak abeeda gajeelealneegwa aba heeda weajoodigeagwa.

IITOODA 10:9 Referans Kwoze

1 SAMWELI 10:18

ak gwayeesha fuga Israeli, “Asi gwayi NG'UTAMIIDA, was ASEETA Israeli, ‘Aniini gearuuni fuga Israeli Misri, ak gealealnaneegwa geatinga fuga Misri ea heeda geatinga darooraka sean ghayi sawaneegwa.’

FUGA LAJA GIRGWEAGUUTKA 2:18

NG'UTAMIIDA Iinyo gagatkat siida laja girgweaguutka aba badayda nyaawa, NG'UTAMIIDA inyeesa gwandeayi sea siida laja girgweaguutka, ak gwalealna geatinga weajoodiga nyaawa eawoojiga sean bea siida laja girgweaguutka; aba gideaba ghabwayda NG'UTAMIIDA aba sawanaduutka nyaawa leabu heeda fugiga sawan nea ghaghabwasiin.

GIING'EETA 8:1

Muchu ghoapkaat ASEETA Nuhu ea diyeanga sean ea dugwa sean mideayeesa niny jeeda maleambooda. Ng'ata ghwanung' ASEETA ghaghuudu jeameeda aba badayda ng'eanyiida, ak ghwasuunyaada beega;

NYIIGHEEGA 106:42

Hean gageanu weajoodiga nyaawa ak gwasawan saawa, ak geayiin geatinga nyaawa ak ghwanung' gwasin gadiyeeda aba uurda.

NYIIGHEEGA 106:4

Ea NG'UTAMIIDA, eaniyean apkaadaan, damanda jea ahiimsiinana fugaagu alooheeda; weadaan damanda ilealni saawa;

2 DAMANYOOJIGA 13:14

Hean ang'wearda Yuda, ging'ulayi, gwanda lugooda mwadi ea badahuuka nyaawa; ng'ata gooyeawusa NG'UTAMIIDA nea ghaghuut ashoohoodiga durumbeati.

FUGA LAJA GIRGWEAGUUTKA 10:12

Hean eara fuga Sidoni, ea Amaleki, ea Maoni gwasawaneegwa, ak gooyeawusean, ak gealealnaneegwa geatinga nyaawa.

FUGA LAJA GIRGWEAGUUTKA 10:8

Ak gooyuuk nea ghwanung' gwasawana diibiga Israeli aba gweaydida; gwasawana fuga sean bea Israeli mida giigheawda Yordani jeeda ng'eanyiida fuga Amori, mida Gileyadi, aba jeemba gweanyeew sis.

YOSHUWA 6:5

Inyas geeghuut gujakiga bea lagweendigean aba uurda, ak ghoayiinyi ghuuta, gujaweeda, abeeda gaygoojuur buuneesean aba ghuuta haw; ak gayghoabeada ghamarda mujiini ak abeeda buuneeda gaygaba siisi weah jeeda mujiini.”

IITOODA 31:6

Hean ghwaat Musa fih sagalama aba giliwas eamwa ak gaweay ng'ucheeda, nea goodeayi Finehasi orjeeda Eliyasari was ashoohoocheanda ak gaweay ng'ucheeda, nea ghwaat haleanjeedida bea heeda ghaydidiin, ea durumbeatajeega siguuda aba geatinga nyaawa bea nyeashta Abeli fih.

1 Goriinto 14:8

Aba gideaba giiguuleanda iinyaa nyeashta meanala, gajea ng'eaha siida jea ea hidaat aba ng'ucheeda?

AMOSI 3:6

Gajeaghuut durumbeati aba mujiini, ak ea mabeala buuneeda? Mujiini gayghwanyas gidamuy, meakghusa gwasin NG'UTAMIIDA?

YEREMIYA 6:17

Ng'ata geanyakneegwa furiischoodiga, ak geayeenyi, ‘Oaleaydiit nyeashta durumbeati!’ Ak gwayi saawa, ‘Aseasa majeeleeysiina iita.’

YEREMIYA 4:21

Gaydang'ula beendeerajeanda ng'ucheeda ea ghoah eeju, nea ghaayiinyi nyeashta durumbeati?

YEREMIYA 4:19

Ea sawanadeeda, ea sawanadeeda! Geabeerbeershi aba sawanadeeda! Ea sawanaduutka hees bea gurooroodeanyu! Gwaduumduum gurooroodeanyu; Nea ea mwaamuusi dasiinda; Aba gideaba naayiinyi nyeashta durumbeati, Ea giijuureanda ng'ucheeda.

YEREMIYA 4:5

Arukwiida aba Yuda, nea gookuulji aba Yerusalemu nea gooyeenyi, “Aghuuda durumbeati aba jeeda ng'eanyiida sean; ookuula nea gooyeenyi ‘Aguuyeesiina hijagi ak goosalsi jeeda mujiinajeega mideawa hilooga!’

ISAYA 58:1

“Ajuura aba nyeashta nea adisindi, aheeni daghataang'u gawuurji durumbeati; rukusiina fugeasu giidiinyeanyeeka nyaawa, rukusiina fuga gheeh Yakobo riing'eega nyaawa.

ISAYA 18:3

Ea fuga sean bea ng'eanyiida, ea gea abiita badayda ng'eanyiida, inyas geamiinda beendeera aba iheenga giijeega, abeeda goong'ulay! nea iisighuut durumbeati ghoaleaydiit!

NYIIGHEEGA 136:23

niny dea ghayi apkaadeasa aba jeeda ng'arng'arandeanya, aba gideaba bariinyeagaaschi manda muudeanooda;

FUGA LAJA GIRGWEAGUUTKA 6:34

Nea guroorooda NG'UTAMIIDA gwanda badayda Gideoni, ng'ata ghaghuut durumbeati, ak geeguursa fuga Abieseri ghwaat geeshtaanyi.

FUGA LAJA GIRGWEAGUUTKA 6:9

ama ng'ata gealealnaneegwa geatinga fuga ghayi sawaneegwa, ng'ata ghaahoanyi ghang'amwa madeedeang'wa, ng'ata geagoonyeegwa ng'eanyiida nyaawa;

FUGA LAJA GIRGWEAGUUTKA 3:27

Hean ghwahita ak ghaghuut durumbeati aba jeeda ng'eanyiida heayeeniga bea Efraimu; ak fuga Israeli ghwararang'aada sea niny aba ng'eanyiida heayeeniga, nea goosheedeawa niny saawa.

SEFANIYA 1:16

eaweeda durumbeati ea nyeashta shooka ng'ucheeda, aba badayda mujiineeda sineaweesa hilgweanda majeek ea aba badayda madalajeega ng'ucheeda.

HOSEYA 5:8

Aghuuda durumbeati aba ng'eanyiida Gibea, ea durumbeati aba Rama. Anung' ghwanya nyeashta aba Bet-afeni; aboadana, ea Benjamini!

ESEKIELI 7:14

“Geeghuut durumbeati, ak geanung' ea hidaat buuneesean, ak ea manda siida weah ng'ucheeda aba gideaba nyarasteanyu gwanda badayda buuneesean.

YEREMIYA 6:1

Ea fuga Benjamini, amung'awa anyasa ghuhooda, ang'amwana bugusta Yerusalemu! Aghuuda durumbeati aba Dekowa, ak goosinyi gwadeagooda aba Bet-hakeremu; aba gideaba giishealda geedaahaan nea gwaleabu wiilooda ng'eanyiida ghayeawa, ea nyariida haw.

NG'ASHEEGA LAWI 23:24

“Eeshiina fuga Israeli, aba eaweeda madeeda bea sheedeaba ispwa, gajea eaweeda fuufta gil, nea ghoapkaachi ghuudita durumbeatajeega ajuur, nih badoodeaba geat ghaydidi.

2 DAMANYOOJIGA 13:12

Ak goong'ulayi, ASEETA geendeawi nea goosheedeaweesa, sea ashoohoodigaaschi ghuuda durumbeateeda ng'ucheeda jea goojuura iita ng'ucheeda sea agooga. Ea orjooga Israeli, adiidu goong'ucheewi NG'UTAMIIDA, was ASEETA ghweanigeagwa; aba gideaba majoamuusa ajooriischeena.”

YEREMIYA 49:2

Asi, ng'ula, gayghwahidu askwearjoojiga, gwarugu NG'UTAMIIDA, Gaydanung' eayiiy ghuuta ng'ucheeda aba badayda Raba was mujiineeda fuga Amoni; gayghoah eemeega ea raghoonyeanda, nea gharang'weakaaschi gajealas uhuuda aba beasta ak abeeda gaygoombal fuga Israeli fuga ghayi ambal saawa, gwarugu NG'UTAMIIDA.

GIIPKEATA DIIGHEANDA 20:1

“Inyas ging'eadi ak guwi ng'ucheewana eemoojiga was weajoodigaagu, ak gidaahi faraasajeega ea mutukwajeega ea lugooda saang'a burdeawa gaagu, adiidu giiwali saawa, aba gideaba NG'UTAMIIDA was ASEATAANG'U gaygoosheedeaweey ninyeeda aruunaneey ng'eanyiida Misri.