HOSEYA 8:1 - Bibliyeeda Ghaydit

¹ Iina ghuutaang'u durumbeati, aba gideaba madooyda gwanda uhuuda gheeda NG'UTAMIIDA, aba gideaba ninyarja neajeedeanyu, nea ea mudu ghoang'waay digheandeanyu.

HOSEYA 8:1 Referans Kwoze

HOSEYA 6:7

Hean eara saawa ghwadatasta neajeeda gidaghayi datasta Adamu, nisimanean gidamwadoabiiwa.

GIIPKEATA DIIGHEANDA 28:49

Gaygweadu NG'UTAMIIDA eemeeda leabu heeda sheagi, leabu muudeanooda ng'eanyiida, gayghoanda gidatkwealiida madooyda, eemeeda miyiinyi iita nyaawa,

HOSEYA 5:8

Aghuuda durumbeati aba ng'eanyiida Gibea, ea durumbeati aba Rama. Anung' ghwanya nyeashta aba Bet-afeni; aboadana, ea Benjamini!

YEREMIYA 4:13

Ng'ula ghwahitaayda shamooghuutka mutukwajeagaaschi ghapkaanda jeameeda shaarara nea faraasajeagaaschi ea ng'weani ea ghwanaawa madoonyaka– eeshageada aba gideaba siisheali!

HABAKUKI 1:8

Faraasajeega nyaawa ea daruuschi ea ghang'al mariiraka, ak ea ng'weani ea ghang'al suuyeekeaba shing'ada; nea fuga nyaawa ding'da faraasajeega ghaghwar geat. Nea fuga nyaawa ding'da faraasajeega gwaleabu heesheagi; iissa gang'eetng'eetiideayda rabearda gasa gweagiischi.

1 Goriinto 15:52

aba gheadi nuwaas, aba dukuteayda gheanyanga ea jeadita, damanda jea ghwanyaasha durumbeateeda huuydean. Aba gideaba gayghwanya durumbeati, ak gaygwaduutu fuga nimeewa, ak ea maygudu ghwadaah miyeeda, ak aseasa gajeayameasa.

Mattayo 24:28

Heeda wassean mida guumeeda heeda jea gabatiisa geat madoonyaka.

SAKARIYA 11:1

Ea fuga Lebanoni ajaada ghuusiga gealgeagwa; aba gideaba gayghwahidu beasta ghwaak gubooyeekeagwa.

SAKARIYA 9:14

Ak gayghwahidu NG'UTAMIIDA badahuuka nyaawa, nea geacheadaanyi gayghwahitaayda dadamandeeda, Ak gayghaghuut NG'UTAMIIDA was ASEETA durumbeati, ak gayghwahitaayda shaarareeda leabu wiilooda ng'eanyiida biyeara.

SEFANIYA 1:16

eaweeda durumbeati ea nyeashta shooka ng'ucheeda, aba badayda mujiineeda sineaweesa hilgweanda majeek ea aba badayda madalajeega ng'ucheeda.

AMOSI 9:1

Ak ghaadaayi NG'UTAMIIDA nea ghamiinaada aba murdeeda heeda wagiida, ak gwayi: “Bwara iidiga daranajeega ea ghwaleakghleakgh darearjeeka, ak gihirjeawsi iheenga buuneesean; ak dea jea ghoabit aba jeenyaawa gaydabwar aba ng'uta; ak ea maygamng'aw eara siyagi aba jeenyaawa, nea mayghaghu eara siyagi aba jeenyaawa.

AMOSI 8:3

Nea sarmoojiga gheeda sibata ASEETA gayghoah shooka askwearda,” gwarugu Ng'utamiida was ASEETA gil; “muscheeka gajea saang'a; aba ng'eanyoojiga sean gajeehista nea geasiinda.”

AMOSI 3:6

Gajeaghuut durumbeati aba mujiini, ak ea mabeala buuneeda? Mujiini gayghwanyas gidamuy, meakghusa gwasin NG'UTAMIIDA?

YOELI 2:1

Aghuuda durumbeati aba Sayuni, Oochuura aba giijeedeanyu ghaydit; Dahirbabana buuneesean bea ng'eanyiida, aba gideaba eaweeda NG'UTAMIIDA ghwaan. Aba gideaba nineekiit;

HOSEYA 9:15

Munyasnacheeka nyaawa gwanda Gilgali; hean aba hoowa ghoah heeda aang'eadi sidooda nyaawa. Aba munyasnacheeka nisin gaydahoan gwariteawa jeedeaba gheanyu. Nea ea maygudu dabwariiy gicha; fuga nyaawa hees nijaktaneani.

HOSEYA 4:6

Fugeasu sihuuyda aba nyoota fughareeda; aba gideaba niheawi fughareeda, ak ea naaheawi huwa ashoohoocheandeanyu. Damanda roosiineeyi diigheanda ASEATAANG'U. Eara aniini gaygwaroosiineani diibigaagu.

ESEKIELI 16:59

“Aba gideaba gwayi NG'UTAMIIDA was ASEETA, gaydasimaneey eara ang'iing'i gidisimi gifooli habeawooda ak ginuusi neajeeda.

ESEKIELI 7:14

“Geeghuut durumbeati, ak geanung' ea hidaat buuneesean, ak ea manda siida weah ng'ucheeda aba gideaba nyarasteanyu gwanda badayda buuneesean.

YEREMIYA 51:27

“Amiinda beendeerajeanda aba badayda ng'eanyiida, aghuuda durumbeati aba bugusta eemoojiga; asisiina eemoojiga jea gang'uchi niny, aguursiina sugoodiga jea gang'uchi sea niny, sugoodiga Ararati, ea Mini, ea Ashkenasi; iina madeadaanyi shirikareeda hees jea gang'uchi niny, ayeani faraasajeega deena dayeega deashamga.

YEREMIYA 48:40

Aba gideaba gwayi NG'UTAMIIDA: “Ng'ula, siida gayghang'eataayda rabearda asas, ak ghoayaaw meang'eagaaschi aba badayda Moabu;

YEREMIYA 31:32

Nea mawuurji neajeeda ghayi easinyi sea ghweaniga nyaawa, damanda ghayi ang'waanyi saawa ak gearuuni ng'eanyiida Misri, earapeadi datas neajeedeanyu, earapeadi eawooschi siyeeda aba heeda nyaawa, gwarugu NG'UTAMIIDA.

YEREMIYA 6:1

Ea fuga Benjamini, amung'awa anyasa ghuhooda, ang'amwana bugusta Yerusalemu! Aghuuda durumbeati aba Dekowa, ak goosinyi gwadeagooda aba Bet-hakeremu; aba gideaba giishealda geedaahaan nea gwaleabu wiilooda ng'eanyiida ghayeawa, ea nyariida haw.

YEREMIYA 4:5

Arukwiida aba Yuda, nea gookuulji aba Yerusalemu nea gooyeenyi, “Aghuuda durumbeati aba jeeda ng'eanyiida sean; ookuula nea gooyeenyi ‘Aguuyeesiina hijagi ak goosalsi jeeda mujiinajeega mideawa hilooga!’

ISAYA 58:1

“Ajuura aba nyeashta nea adisindi, aheeni daghataang'u gawuurji durumbeati; rukusiina fugeasu giidiinyeanyeeka nyaawa, rukusiina fuga gheeh Yakobo riing'eega nyaawa.

ISAYA 24:5

Ak ng'eanyiida ea sing'uda ririnnyeanda aba fuga mida jeeda; aba gideaba ninung'waada deaweeda, nea ghwayam huumeanyeeka, nea ghaheawa neajeeda manda muudeanooda.

ISAYA 18:3

Ea fuga sean bea ng'eanyiida, ea gea abiita badayda ng'eanyiida, inyas geamiinda beendeera aba iheenga giijeega, abeeda goong'ulay! nea iisighuut durumbeati ghoaleaydiit!

2 SUGOODIGA 18:27

Ghwalamda shirikarajeandida ak gwayeesha saawa, “Goojeaknean siideanyu haw darukusa ng'asheesu siidaang'u haw ea ang'iing'i, mii fuga apteada aba uhuuda ghamarda gil, gea jea ghwaak fiyeega nyaawa, nea ghwali sagwaseega nyaawa?”

YOELI 2:15

Aghuuda durumbeati aba Sayuni, Oamiini giiluuldeaydeaba geat, abwadana geat fuga saang'a;

YEREMIYA 34:18

Ak fugiga datas neajeedeanyuun nea ghaheawa ghoang'waay gidamiisa neajeeda ghayi sin aba madeedeanyuun, asi gaydanung' gawuurji meaydida ghayi lach saawa niba iyeenyean ak gwasik bugustaanyi–

YEREMIYA 49:22

Ng'ula, weajoocheanda gaygwascheeng'u ak ghang'eataayda rabearda, ak ghoayaaw meang'eagaaschi aba badayda Bosra, ea badayda gurooruunatka fuga meanyi bea Edomu abeeda eaweedida gaygawuurji guroorooda gatmooda eaweeda lajooda.”

ESEKIELI 17:3

Eeshiina gwayi NG'UTAMIIDA was ASEETA, rabearda haw mideawa meang'eega hees, ea dabiniga geawi aba meang'eega, nea gwandeawa dabiniga saang'a bea oormeeda saang'a. Abeeda ghwahidu Lebanoni ak ghoang'waay uhuuda gubooyeanda.

ESEKIELI 11:4

Asi ramoorsiina saawa, “Ea orjeeda siida ramoorsiina.”