HOSEYA 4:1 - Bibliyeeda Ghaydit

¹ Ooleeysiina iit ng'asheanda NG'UTAMIIDA, Ea fuga Israeli; aba gideaba NG'UTAMIIDA gwandeawa sheang'nyeeda sea fuga mida ng'eanyiini. Aba gideaba manda huumeanda ghana doobiiwnata, nea ea manda nalita ASEETA aba jeeda ng'eanyiida;

HOSEYA 4:1 Referans Kwoze

YEREMIYA 4:22

“Aba gideaba fugeasu ea dasheahi, saawa mwanalaan; saawa diibiga dasheahi, saawa mandeawana fughareenga. Saawa ea milmili aba sinooda riing'eeda, Nea sinooda haleanjeeda doobiiweadi ea moamu.”

MIKA 6:2

Agooga giijeega, oaleaydiit, girgweageeda NG'UTAMIIDA, ea agooga sindeecheeka ng'eanyiida majeekcheewi; aba gideaba NG'UTAMIIDA gwandeawa girgweageeda sea fugaaschi, ak gaygabalool sea fuga Israeli.

1 Goriinto 15:34

Anung' ghwadoabiiw fughareengeagwa, ak ea adagudoosinyi riing'eeda. Aba gideaba buuneeda mwaatkwa mandeawana fughareeda ASEETA. Geerugu ng'asheesu ak abeeda ghoabwaaspwaaschi.

Ruumi 1:28

Hean nea ghwadaah gideaba mwahida gideaba gayghamwas ASEETA, ghwanung'waada ASEETA gwasin searoojiga munyas gasa fugheerga nyaawa.

HOSEYA 12:2

NG'UTAMIIDA gwandeawa giiheakteayda aba badayda Yuda, ak gayghwaaga ghoorjooda Yakobo nea gajeegala naweadingaaschi, ak gayghawal aba giteena ginisin.

YEREMIYA 25:31

Nyeashta gayghwanya ea gagul muudeanooda ng'eanyiida, aba gideaba NG'UTAMIIDA gayghoahaakta eemoojiga; nea gaygoorgweaksa eemoojiga sean mideawa eaweega, nea gea munyas gayghoahaak ng'uta.’ Gwarugu NG'UTAMIIDA.

YEREMIYA 5:4

Hean geayeenyi, “Suh fuga barbari gil, nea ea mandeawana fughareenga; saawa mwanala naweeda NG'UTAMIIDA, ea digheanyeeka ASEETA nyaawa.”

ISAYA 34:1

Apkaani, Ea fuga sean bea eemoojiga, ak ghoayiinyi, Oaleaydiit, Ea buuneeda, Oaleaydiit ng'eanyiida, ea haleanjeeda mida jeeda sean, ng'eanyiida ea haleanjeeda sean abiita jeedida.

ISAYA 1:18

“Asi apkaana eebaloola, gwarugu NG'UTAMIIDA: Riing'eegeagwa eara ea nihareeriidi muuchi, gaygaweeriidi ea gawuurji gapkeanda, eara ea nihareeriidi ea ghawaar foojeanda, gaygaweeriidi ea gawuurji buudeega gisilleanda.

Giidaheechta 2:29

Gilinyoo googar iita, dayiinya ng'asheanji rukusa Guroorooda ganiisajeegean.’

Giidaheechta 2:11

Siida agar iita, dayiinya ng'asheanji rukusa Guroorooda ganiisajeegean. Nea dea jooriischi ea mayghwanyas sawanadeeda miyeedeaba iyeenya.’

Yohaana 8:55

Agooga mii ghanyi anala niny; amaduuku aniini ghaanali niny. Ama eayeenyi mwaanali niny, abeeda gaydoaw siida ng'uyeega uurjeeweegwa; aniini ghaanali niny ak ghaang'waanyi ng'asheandaanyi.

AMOSI 7:16

“Asi aleeysiiniit ng'asheanda NG'UTAMIIDA. Aba gideaba ang'iing'i giyeeni, ‘Adiramoorsi badayda Israeli, ak ea adirukwiidi ng'asheega munyas aba badayda gheeh Isaka.’

HOSEYA 5:1

Oaleaydiit, Ea ashoohoodiga! Ayiing'sheena, Ea gheeh Israeli! Oaleaydiit, ea gheeda sugoocheanda. Aba gideaba girgweaksiinda gabeaheegwa agooga; agooga noowooschi gadageeda aba Mispa, ea ghaseeda siwiilsa badayda ng'eanyiida Dabori.

YEREMIYA 34:4

Nea eara gwasunu aleaydiit ng'asheanda NG'UTAMIIDA, Ea Sedekiya sugoocheanda Yuda, gwayi NG'UTAMIIDA aba badayda ng'asheagaagu ‘mayghabwarnyi ng'uta.

YEREMIYA 19:3

Ak gajeeshiina, ‘Ea sugoodiga Yuda ea fuga abiita Yerusalemu, oaleaydiit ng'asheanda NG'UTAMIIDA. Ayiinya gidarugu NG'UTAMIIDA bea lugweega, was ASEETA fuga Israeli, Ang'ula, gaydajagu munyinda badaydeaba ng'eanyiini nea gilinyoo ghwayiiy ng'asheanji gayghwanyeal iidigaaschi.

YEREMIYA 9:20

Oaleaydiit, ea gadeemga, ng'asheanda NG'UTAMIIDA, danung' ghwayiiy iidigeagwa ng'asheega leabu ghuutaanyi, oanala haweegeagwa gutuunooda heareega, ea giischeewoocheandeang'wa gichea goonyahuusheata.

YEREMIYA 7:28

Ak gajeeshina saawa, ‘Nih eemeeda mooleeysiina iit NG'UTAMIIDA was ASEETA nyaawa, nea gwanya mureeda, nea ea ning'amwa jeenyaawa huumeanda; sigeandeawa ghuusiga nyaawa.

YEREMIYA 6:13

“Gidang'eada dea mwanang' ea gagul dea haw, gaba nih gasa ghwanyas gida madoobiiwsiina; ak gidang'eada sibaneeda ea gagul ashoohoocheanda, gaba ng'uya sean.

YEREMIYA 4:28

Ak aba ng'asheanji gaygagutu heareega ng'eanyiida, nea eara humng'eeda mida dea daliili gayghwayamwa gwatuudu; ng'asheanji neargu nea maydasach; neabaysi nea maydayam geaw.”

YEREMIYA 2:4

Ooleeysiina iita ng'asheanda NG'UTAMIIDA, Ea gheeh Yakobo, ea gealga sean bea Israeli.

ISAYA 66:5

Ooleeysiiniit ng'asheanda NG'UTAMIIDA, agoogeeni ng'udeagwa muuwda aba ng'asheandaanyiin “fugeagwa ooduupcheewi ghwasteagwa, ghayi ak gwahistaneegwa aba gheawungeasu. Ak geeyi, ‘Asi oakghaambiida NG'UTAMIIDA ak gajeadaha hooseaneegeagwa’; nea ghana gajeapwaaspwaas saawa.

ISAYA 34:8

Aba gideaba NG'UTAMIIDA gwandeawa eaweeda jea ghawaldaawa mureandooda, gweayda jea ghawaldaawa mureandooda aba heeda weajoodiga Sayuni.

ISAYA 28:14

Asi ooleeysiiniit ng'asheega NG'UTAMIIDA ea fuga foola fih, oopali fiisu mida Yerusalemuun.

ISAYA 5:3

Nea ghamneawa, ea agooga fuga ng'eanyiida Yerusalemu, ea fuga Yuda, geamuscheegwa gideaba ooheelanean aniini ea madamnyeandeanyu bea sabiibu.

ISAYA 1:10

Ayiinya ng'asheanda NG'UTAMIIDA agooga fuga ambaliischi bea Sodoma, oaleaydiit ak ghoayiinyi deaweedeeda ASEETEANYA, ea fuga Gomora.

1 SUGOODIGA 22:19

Ak gwayeesha Mikaya, “Ghamneawa aleaydiit ng'asheanda NG'UTAMIIDA: Ghaadaayi NG'UTAMIIDA nea goopteada aba hoorgeadaanyi, ea giijasoodigaaschi bea humng'eeda nea ghamiinaada aba meadajeagaaschi sean;

ISAYA 59:4

Manda siida ak siileeda doabiiwaat, ghana siida argweaksa nuut aba huumeanda; inyeesa ghwarar gidamwadaagha nea gabaloola ng'uyeega, inyeesa gwasin milmilanda jih ng'asheega munyas.

ISAYA 59:8

Ak ea mwanala naweeda doabiiwaat, nea manda girgweageeda doabiiwaat aba jeeda giibinda nyaawa. Nisissa geat naweadinga nea roodeadi, gilinyoo gwasik jeedeaba naweedida mayghwanyas hoyyoo.

YEREMIYA 9:3

Hean ghaghwanda ng'ushapkeaka nyaawa ghuweanga; nea ng'uyeega ea niheena jeeda ng'eanyiida ea ghwanaawa huumeanda; nea ea nisin riing'eeda ea ghwanaawda, ak ea mudu ghwanalan, ng'asheanji gwarugu NG'UTAMIIDA.

YEREMIYA 51:5

Aba gideaba Israeli ea Yuda ea mii gwanung'usa heeda ASEETA nyaawa, was NG'UTAMIIDA bea lugweega; nea ng'eanyiida Galdayo ghwanyiit munyinda aba heeda dea Ghaydit Asagi bea Israeli.

YOELI 1:2

Ayiinya ng'asheesu, ea gweargwa; ayiing'sheena, ea fuga sean mida ng'eanyiida. Heapi ng'asheesu ghayi gwanda aba damandeang'wa, ghana mida damanda ghweanigeagwa?

NYIIGHEEGA 81:9

Adagwanda aseeta rabasta jeedeang'wa; adiidu ghoabwachi aseeta rabasta.

YEREMIYA 2:9

“Ak hean gwayi NG'UTAMIIDA, aniini gaydaaganeagwa ghoorjooda, ea diibigeaba geagwa.

YEREMIYA 9:7

Asi gwayi NG'UTAMIIDA bea lugweega “Ng'ula gaydadayi ak geasimnyi saawa, gaydasin naaha aba badaydeaba fugeasu?

YEREMIYA 11:7

Aba gideaba ghayi ghaamiinyi muuchi gheanyanga ghweanigeagwa damanda earuuni gwascheeng'na ng'eanyiida Misri, ak geemajeekchi miinda gheanyanga nyaawa, ea ghoah ghamneawa, nea geayeeniisi, Asisiina mureeda ng'asheegeasu.

ESEKIELI 16:35

“Aba ng'asheanji, Ea gatmooda hiseada aleeysiiniit ng'asheanda NG'UTAMIIDA.

HOSEYA 5:4

Gadiyoojiga nyaawa mwanung' ghwanyas biiksiinda ASEETA. Aba gideaba gwanda jeesinga nyaawa guroorooda hiseadayeanduumeeda, nea ea mudu ghwanal NG'UTAMIIDA.

HOSEYA 12:3

Aba jih ghoang'waay diding'da orjeeda ghaamwat, hean nea gwaheedu gang'aleali sea ASEETA.

AMOSI 3:1

Olleeysiiniit ng'asheega rugu NG'UTAMIIDA aba badahuukeagwean, Ea fuga Israeli aba badahuuka fuga sean bea gheeda, ghayi earuuni ng'eanyiida Misri: