HOSEYA 3:1 - Bibliyeeda Ghaydit

¹ Ng'ata gwayeeshiinean NG'UTAMIIDA, “Una biikta bwariinya gatmooda bwariiy ng'wasangaaschi nea gwahiseada, gawuurji gidabwariiyda NG'UTAMIIDA fuga Israeli, eara gwayamiisa geat aseecheeka suuk ea bariinyeega mukaatajeega sabiibooda gajeami.”

HOSEYA 3:1 Referans Kwoze

YEREMIYA 31:20

Efraimu orjeedeanyu aabwariinyi niny jeepteanyu aabwariinyi muuchi gil nea inyeesa iyeamuuwji, abeeda ea gudu daapkaat. Gurooroodeanyu inyeesa gagal headaanyi aba alooheeda aba huumwa gaydabwayda niny, gwarugu NG'UTAMIIDA.

ISAYA 45:22

“Abiikni heedeanyu ak gajeelealneegwa, aba heeda oondi sean bea badayda ng'eanyiida! Aba gideaba aniini geawooschi ASEETA ak ea manda nuut.

MIKA 7:7

Ak aniini, gaydang'ula NG'UTAMIIDA, nea ghaamuughu ASEETA lealeanoodeanyu; ASEETEANYU gaygooleeysean iit.

HOSEYA 11:8

Gaydaamuustaan dajaktaneey, Ea Efraimu! Gaydaamuustaan danung'waadaneey, Ea Israeli! Gaydaamuustaan danung' uurjeewana Adma! Gaydaamuustaan dasimaneey gideasimi Seboimu! Gurooroodeanyu niyam geaw aba jeedeanyu, baydeaydeanyu niyeat muuchi aba headaang'u.

1 Betro 4:3

Anung'waada damanda heeda ning'ata ghwahit aba sinooda ng'asheega gaseadayi fuga Eemoojiga, giibinda sihiseada, geawunda gheang'da, booktuumeeda, sinooda ghweelmeeda, ghweelmeeda difaayeeda, ea badita sanaamu,

SAKARIYA 1:16

Ak aba seareeni gwayi NG'UTAMIIDA, Gaydabiiksa Yerusalemu aba baydeayda haw, ak gajeedeeksa gheenyu jeadaanyi gwarugu NG'UTAMIIDA bea lugweega ak ghealooniga jea eeteena gajeesiik badayda Yerusalemu.

YEREMIYA 3:20

Aba huumwa gawuurji gidanung'usiinda heeda gatmooda siyeadaanyi gwasunu eara agooga moosinnean mureeda. Ng'asheanji gearugu aniini NG'UTAMIIDA.’”

NYIIGHEEGA 123:2

Ng'ula, gheanyanga fuga gadiyeeda daaha geatinda siida nyaawa haw, gawuurji gheanyanga huda gadiyeeda aba geatinda gatmoadaanyi bea gadiyeeda, gwasunu gheanyangaasa gang'ula NG'UTAMIIDA was ASEETEANYA, bwak ea ghabwaydaneasa.

1 Goriinto 10:21

Majoammuusa aleayda gikoombeeyda Ng'utamiida ea gikoombeeyda meangeenda. Ak ea majoamuusa oopareanyeena measeeda Ng'utamiida ea measeeda meangeenda.

AMOSI 6:6

agoogeeda inyas ghoaleayi difaayi aba jeeda gweerajeega, nea ghoayeashti nagheeda ng'andit, nea mwang'udeagwa giiseaneega aba sawanadeeda Yosefu!

AMOSI 2:8

nea iissa geela murdajeega hiji was wagiida aba badayda hang'weaka ghayi mida raduutka; ea jeeda gheeda ASEETA nyaawa, nea geali difaayeeda fuga siyaaga ghoorjooda.

NEHEMIYA 9:31

Nea aba baydeaydaang'u haw ea mii nung'waada saawa goosha ghana nung'usiina heeda saawa; aba gideaba ang'iing'i guwoosi ASEETA mideawa dagheerjeanduumeeda ea baydeayda.

2 SUGOODIGA 13:23

Ak ghabwayda NG'UTAMIIDA saawa, ak gooleeysiit nea gang'ula, aba badayda neajeadaanyi sea Abrahamu, ea Isaka, ea Yakobo, ak ea magassa gwaduulu nea majakta aba madeadaanyi ea ghoah ghamneawa.

2 SAMWELI 6:19

ak goodearsa buuneesean, was eemeeda Israeli, sean headiga ea gadeemga, ak gaba siisi siitaw mukaate, ea beashadeeda biyeeyda, ea mukaateeyda sisna sabiibu. Ak ghwadarda buuneesean, ak gaba siisi weah gheanyi.

FUGA LAJA GIRGWEAGUUTKA 10:16

Ng'ata gageanda aseecheeka mayoamba mida bugusta nyaawa ak gagadiiyeesa NG'UTAMIIDA ak gagiisan gurooroadaanyi aba sawanaduutka fuga Israeli.

FUGA LAJA GIRGWEAGUUTKA 9:27

Hean gaweay jeeda madameega, ak ghwalach madameega nyaawa bea sabiibu, ak ghamwanmwan sabiibu, ng'ata gwasin ghweelmeeda, ak gaweay jeeda gheeda aseeta nyaawa, ak gweagiischi nea gwaleeshi ak ghamoashta Abimeleki.

RITEAYDA 32:6

Ak geang'eatng'eat nea gudea sakteayda gil, ak geatayda haleanjeeda sisabwa geadi bea ghadooweeda sighwarda, nea geeyeada haleanjeeda sisabwa geadi bea hoyyoo, ak goobitpit buuneeda ak gweagiischi nea geeleeshi, ama ng'ata geang'eat eang'was.

1 Goriinto 10:7

Nea adoowooschi fuga bada sanaamu, ak goowuurjeewi giduurji fuga mwaatkwa; gawuurji gidaghayi sing'waar bea gideaba, “Buuneeda ghayi goobiitpiit gweagiischi nea gwaleeshi, ama ng'ata ghang'eatng'eat ghwadaanghan.”

Mattayo 26:50

Gwayeesha Yesu niny, “Ea orjeeda siida eaduupcheewi, ghwasaan anda gindi hiji?” Ng'ata ghwahidu fugiga ak ghoang'waay Yesu.

HOSEYA 7:5

Eaweeda sugoocheandeanya gaminyeani fuga hees aba beasta difaayi; ghamiinda geatindaanyi sea fuga bara budeay.

HOSEYA 4:11

“Difaayi ea difaayeeda eashish gahuteawi iheenga fugeasu.

1 DAMANYOOJIGA 16:3

Ng'ata gwalakiisa giliwas sih bea Israeli, headiga ea gadeemga, ak ghoadaw giliwas sih mukaateeyda ngaano, ea beashadeeda biyeeyda, sea mukaateeyda sabiibu.

SARMEEDA SULEMANI 2:5

Nung' dalang'u aba sabiibu, nea ginung' dahoosan aba geeta siguura mapeera, aba gideaba naahiili aba bariinyeega.

HOSEYA 2:5

Aba gideaba nihiseada gheamata nyaawa, ninyeeda jiilu saawa nisin ng'asheega baspaseega. Aba gideaba gwayi, ‘Gaydeadeayi ng'wasangeasu goonean hamiteanyu ea beegeasu ea hang'deanyu durumwana ea dea bumbuni, ea nagheedeanyu ea difaayeedeanyu.’