HOSEYA 13:1 - Bibliyeeda Ghaydit

¹ Damanda baloola Efraimu, ghaboadan buuneeda; ak ghoaghaambiit geaw aba Israeli; ng'ata gwasin ramaseanda aba badita Baali ak ghami.

HOSEYA 13:1 Referans Kwoze

HOSEYA 11:2

Nea Iinyo daguuriisa saawa, hean ghang'amwa madeedeanyu aba uurda; ng'ata ghoadaw Baali haleanjeeda sisabwa geadi sigwariida, ak ghaghwarda lukghumajeega ghoadaw sanaamu.

Lukka 14:11

Aba gideaba siisi nyooh goodiing'u geaw gajeahiing'u nea dea hiing'u geaw gajeetiing'u.”

GHWASIILDEANGA 18:12

Ghwarjeeda guroorooda gaygweadu nyariida, nea eateaba geaw bea ng'eanyi gaygweadu mureeda.

1 SUGOODIGA 12:25

Ghwadeas Yeroboamu Shekemu aba ng'eanyiida Heayeeniga bea Efraimu, ak goobiida hoowa; ng'ata ghang'eat ak ghwadeas Benueli.

1 SAMWELI 15:17

Gwayeesha Samweli, “Earapeadi uwoosi mwanang' aba madeeda gheanyangaaguun, neada ang'iing'i ea muwoosi siida haw aba jeeda eemeeda Israeli? Ang'iing'i ghoamwaarnyi NG'UTAMIIDA huwa sugoocheanda jea goombal Israeli.

FUGA LAJA GIRGWEAGUUTKA 12:1

Hean ghabwat geat fuga Efraimu aba ng'ucheeda, ak googeawsa Safoni, ak gwayeesha Yefta, “Ghwasaan gajaghaawa ng'ucheewana fuga Amoni, nea ea miguurneasa eeteayeena? Gajeegwardeayseey jeedeaba gheang'u.”

FUGA LAJA GIRGWEAGUUTKA 8:1

Ng'ata gwayeesha fuga Efraimu niny, “Ghwasaan ang'iing'i inyas gisimaneasa ng'asheanji, miguurneasa, damanda ibeawi ng'ucheewana fuga Midiyani?” Hean gwajaluudayi sea niny muuchi.

YOSHUWA 3:7

Ak gwayeesha NG'UTAMIIDA Yoshuwa, “Eanean gaydeambiinyi aba madeeda fuga sean bea Israeli, ak abeeda ghwanal gideaba gidaghayi eandeayeati Musa, gichea dandeayeataneegwa.

IITOODA 13:16

Suh gheawunga fuga ajeakta Musa gaweay gagwalsa ghaang' ng'eanyiida. Nea Hosheya orjeeda Nuni, gang'asa Musa gheawunga siguura Yoshuwa.

IITOODA 13:8

Aba jeeda eemeeda Efraimu, Hosheya orjeeda Nuni.

IITOODA 10:22

Ak gwasim maheemajeanda fuga Efraimu gaweay mwadi ea lugooda nyaawa; nea gaba gharmucheanji maseaw nuut, nea siida haw aba saawa geeguura Elishama orjeeda Amihudi.

GIING'EETA 2:17

amadu geeta sinala gidamiy ea gidamuy adiidu giyaagi, aba gideaba eaweeda iyaagi gaymeawa.”

2 Goriinto 5:14

Aba gideaba bariinyeega Gristo iissa gwasinneasa uurda aba gideaba aseasa simwaschi gideaba siyagi ghayi ghami aba badahuuka buuneesean; asi abeeda ea nimeewa sean.

Ruumi 5:12

Asi riing'eeda iihidu jeeda ng'eanyiida aba badayda siida asagi ak gweadu riing'eeni miyeeda, iidu ghwahita miyeeda heeda buuneesean aba gideaba nisin sean riing'eeda–

ISAYA 66:2

Aba gideaba haleanjeeni seaniin geasinyi aniini, ak gwardu haleanjeeni seaniin, gwarugu NG'UTAMIIDA. Ak siisi ea siichea dang'ula gil, siida ng'eeni ak ea niduukuuna, nea iiyiiy ng'asheandeanyu ghang'ut muuwda.

AYUBU 29:21

“Buuneeda iissa gooleeysean iit, nea gafurda ak ghwasiinda nea gabassa ng'asheega jea darukusa.

AYUBU 29:22

Ak ea mudu gabiikta gabalool iing'ata iing'deaba ng'asheegeasu, ak goobissa ng'asheandeanyu badahuuka nyaawa.

HOSEYA 2:8

Aba gideaba mwanala gideaba aniini gil siida adaw ngaano, ea difaayi, ea nagheeda, ak geaheasi lapiya ea dahaabu, ghayi gadiyeata aba badayda Baali.

HOSEYA 8:4

Inyeesa ghwaloat sugoodiga, nea mearukusiini aniini. Niminda fuga hees, nea meandeawani iita. Nea ea nisissa geat sanaamu sisna lapiya ea dahaabu ghoah gichea gahuuyda saawa.

ISAYA 7:8

Aba gideaba Shaamu goombal Dameski, nea Dameski goombal Resini. (Nea aba gweanyeew laadam ea muut Efraimu gaygagiishachi ea ghoah basanga, aba gideaba adaghoah dooshta buuneeda).

HOSEYA 2:10

Ak ghamneawa gaydanung' ghwadawshiit aba madeeda ng'wasangaaschi, ak ea maygwanda siichea gwalealna geatingeasu.