HOSEYA 1:4 - Bibliyeeda Ghaydit

⁴ Ng'ata gwayeesha NG'UTAMIIDA, “Ng'assiina gheawunga jeebi ak giguuri ‘Yesreeli,’ aba gideaba siipuut gheadi mwanang' ak ghaalaschi gheeh Yehu aba bayiiga ghayi sin aba mooheeda Yesreeli. Ak gaydahuta sugoocheanduumeeda aba jeeda eemeeda Israeli.

HOSEYA 1:4 Referans Kwoze

HOSEYA 1:9

Ng'ata gwayeesha NG'UTAMIIDA, “Guureewana gheawungaaschi ‘Mii fugeasu’ aba gideaba agooga mudu awasa fugeasu, nea eara aniini ea mutawoos ASEETEANG'WA.”

HOSEYA 1:6

Gabiikta gagweayiit gicha, ak gwaji huda. Ng'ata gwayeesha NG'UTAMIIDA, “Guureewana gheawungaaschi ‘Meebwayda’, aba gideaba maygudu dabwariiy Israeli gicha nea ak ea maydasamsa earahay.

ESEKIELI 23:31

Niyaadi geeshta huda geamadu, asi gaydayiin geatingaagu gikoombeeydaanyi bea girgweageeda leayda.

ESEKIELI 23:10

Ak geafwakta eagweagaaschi ak geanung'wa heeda nea dawiish. Ak geang'waay diibigaaschi amang'ata geabwar niny aba ng'uta, ak girgweageeni nyasiin ghoah giinealshooda aba heeda gadeemga suurja.

YEREMIYA 23:2

Asi gwayi NG'UTAMIIDA, was ASEETA fuga Israeli aba badayda jeagiischoodiga ahaaghwa fugeasu: “Agooga noataardi hawanyoojigeasu ak ghoahoanyi, nea ea mudu oahaaghwana. Aba gideaba gwayi NG'UTAMIIDA, gaydeargweakseegwa aba sinaweegeagwa munyas.

YEREMIYA 3:8

Hean nea ghwadaah ng'asheega sean bea hiseadayeanduumeedeaba diita mandeawana masaweegean, Israeli neasiksi gawa sing'adayi; nea huda ghaamwat bea ng'uyeega ea mabeala, ak gawa ak gwahiseada eara niny.

ISAYA 9:6

Aba gideaba siji baleanda aba badahuukaasa, sigooneasa baleanda was baleanda; ak niny ghoamu sugoocheanduumeeda, ak gajeeguura gheawungaaschi “Siida argweakiisa buuneeda daamdaamwaat, ASEETA hoauur, ghweanda manda muudeanooda, Sugoocheanda mideawa hoyyoo.”

ISAYA 7:14

Asi NG'UTAMIIDA ninyeesean gaygagooneegwa giirooraneeda. Ng'ula, huda miyeasat gaygagweayiit ak gwaji baleanda was baleanda, ak gaygaguura gheawungaaschi Imanueli.

2 SUGOODIGA 15:29

Aba damanda sugoocheanduumeeda Beka sugoocheanda Israeli, hean ghwahidu Diglat-bileseri sugoocheanda Ashuru. Ak ghoang'waay mujiinajeega Iyoni ea Abel-bet-maaka, ea Yanoa, ea Gadeshi, ea Hasori, ea Gileyadi, ea Galilaya ea ng'eanyiisean bea Naftali. Ak goobaleak buuneeda ea ghwahita Ashuru.

2 SUGOODIGA 10:17

Hean sihita ng'eanyiida Samariya ghabwar Yehu boosteanga sean bea gheeh Ahabu aba Samariya. Ak ghwalas uhuuda gawuurji gidabaloolda NG'UTAMIIDA Eliya.

Yohaana 1:42

Hean ghwaat heeda Yesu. Daah Yesu gwayeesha, “Ghamneawa geeguureeweey Simon Orjeeda Yohana? Asi gajeeguureeweey Gefa” (nea gideabeadaanyi ea Betaro gil).

Lukka 1:63

Gamus eeyeasa beehiida jea ghang'waar, ak ghang'waar gideaba, “Gheawungaaschi Yohana.” Ghahamng'eanyi sean.

Lukka 1:31

Asi ng'ula, gaygweayiida ak Gayjiila baleanda, ak gayguureewana gheawungaaschi Yesu.

Lukka 1:13

Ak gwayeesha Malaykajeanda, “Adibeali, Sakariya, aba gideaba siyiiy gidimwaashi, nea eara Elisabeteeda was gatmoadaang'u gaygwajiilneey baleanda, ak gaygureewana gheawungaaschi Yohana.

Mattayo 1:21

Gaygwaji orjeeda ak gayguureewana gheawungaaschi Yesu, aba gideaba niny gaygwalealu buuneadaanyi aba jeeda riing'eega nyaawa.”

HOSEYA 9:17

ASEETEANYU gayghoang'aamwa saawa madeadaanyi, aba gideaba ghaheawa gooleeysiit niny; gayghoah fuga jea gwaneayi aba bugusta eemoojiga.

HOSEYA 2:22

nea ng'eanyiida gayghwasha ghuuta booga, ea difaayi ea nagheeda; hean saawa gayghwasha ghuuta Yesreeli.

HOSEYA 2:13

Ak gaydaaga ghoorjooda aba ng'asheega eawoojiga Baali, ghayi gwardeaysa haleanjeeda ng'andidi, gheata sissa geaw suulga seangheayoojiga iidigaaschi ea haleanjeeda haw sheayeat, ak ghwaat geeshta ng'wasangaaschi, nea gwanung'usean heeda, ghoah gidanyaashta NG'UTAMIIDA.

2 SUGOODIGA 15:8

Gweaydeaba diktam ea damasis bea Usiya sugoocheanda Yuda, hean ghoang'waay Sakariya was orjeeda Yeroboamu sugoocheanduumeeda Israeli mida Samariya sheelah.

YEREMIYA 20:3

Iimuchu sakteayda gootin aba ghealooniga Bashuri sibaneeda was Yeremiya, hean gwayeesha Yeremiya niny, “NG'UTAMIIDA maygudu gaguureeweeyi Bashuri, hean geeguureeweeyi Haloota gwanda meadajeega sean.

YOSHUWA 19:18

Ng'eanyiida nyaawa ghwahita Yesreeli, ea Gesuloti, Shunemu,

2 SUGOODIGA 10:1

Abeeda aba jeeda ng'eanyiida Samariya Ahabu gwandeawa orju laadam ea damanamughuush. Hean ghang'oar Yehu barawajeega, ak goojeakta eayaat Samariya, heeda fuga ambaliischi bea mujiini, ea heeda gweargwa, ea furiischoodiga orjooga Ahabu ak ghang'oardunu.

ISAYA 8:3

Hean geawi heeda gatmoodeanyu was ashoohoocheandean, ak gagweayiit amang'ata gwaji baleanda. Ak gwayeeshiinean NG'UTAMIIDA, “Guureewana gheawungaaschi Maher-shalal-hashbasi;

AMOSI 9:8

Ng'ula, gheanyanga Ng'utamiida was ASEETA gwanda badayda sugoocheanduumeeda riing'eeda, ak gaydanung' goosha aba badayda ng'eanyiida; ak ea maydanung' goosha gheeh Yakobo,” gwarugu NG'UTAMIIDA.