Giidaheechta 9:14 - Bibliyeeda Ghaydit

¹⁴ nea gwayeesha malaykajeandeaba lah mideawa durumbeatiin, “Siksiina malaykajeegiga asang'wan sirassa jeedeenda haw siguura Furatiin.”

NEAJEEDA EESH BEA BUUNEESSEAN

¹⁴ nea gwayeeshsha malaykajeandeaba lah mideawa durumbeattiin, “Siksiina malaykajeekka asang'wan sirassa jeedeenda haw suguura Furatiin.”

Giidaheechta 9:14 Referans Kwoze

Giidaheechta 16:12

Goohiisa malaykajeandida bea lahiin gweeriidaanyi jeeda eenda haw siguura Furatiin, hean ghwajaam beagaaschi, ak geesissin naweeda sugoodiga leabu heeda ghayeawa.

Giidaheechta 9:15

Hean geesiksa malaykajeegiga asang'waniin, ghayi siikghuumu ea ghwahita damandideaniin, ea eaweedida ea sheeda, ea gweayda, ak gwanuus buuneeda heeda haw.

YEREMIYA 51:63

Ak iihiidi giisoomandeaba gitaaboani, girasi badayda lagheaneeda, ak gijaksi bugusta eenda Furati,

2 SAMWELI 8:3

Ak eara Dawdi ghwajoar Hadadeseri was orjeeda Rehobu, sugoocheanda Soba, damanda beewa ghwanyasa gicha uurda aba eenda Furati.

GIING'EETA 2:14

Ak gheawunga ghealoodeaba samwagu geeguura Hidekeli, ak iissa gagulda nea gwasik gayeewda Ashuru. Ak ghealoodeaba ang'wan geeguura Furati.

Giidaheechta 8:6

Ng'ata gwasisin geaw malaykajeandeaba ispwa mideawa durumbeataji ispwa nea gagasa ghaghuut.

Giidaheechta 7:1

Iing'ata suh ghaadaayi malaykaji ang'wan nea ghamiinaada aba murdajeega asang'wan bea ng'eanyiida, nea ghwadeal jeameeda leabu murdajeega asang'wan bea ng'eanyiida, aba gideaba ea mwaghuuna jeameeda aba badayda ng'eanyiida, ghana aba jeeda basooda ghana ghaghuut geeta wassean.

Giidaheechta 8:2

Ak ghaadaayi malaykajeandeaba ispwa nea ghamiinaada aba madeeda ASEETA, ak geataw saawa durumbeataji ispwa.

GIING'EETA 15:18

Aba eaweedida gwasin NG'UTAMIIDA neajeeda sea Abramu nea gwayi, “Ng'eanyiini gaydaadaw jeacheangaagu, ghang'eada eenda Misri ea ghwahita eenda haw, was eenda Furati,

GIIPKEATA DIIGHEANDA 1:7

Ang'eatng'eada ak gooweayi bareanyeekeagwa, ak gooweayi ng'eanyiida heayeeniga bea fuga Amori ea heeda fuga sean ascheayi neekeewa Araba ng'eanyiida heayeeniga ea ng'eanyiida doabiiw, ea Negebu, ea madeeda basooda, ea ng'eanyiida Ganaani, ea Lebanoni, ea gwariiksa eenda haw, eenda Furati.

YOSHUWA 1:4

Ghang'eada dareapcheeda ea ghoah Lebanoni ea ghwahita eendida hawiin, ea eenda Furati, ea ng'eanyiisean bea fuga Hiti ea ghwahita basooda haw biyeara abeeda gayghoah moonghoodeang'wa.

Giidaheechta 7:2

Ghaadaayi malaykajeanda nuut nea gwascheeng'na heeda arearuuna aseeta, nea gwandeawa giirooraneeda ASEETA majeek, hean gaguurda aba ghuuta haw ak gaguursa malaykajeegiga asang'wan ghayi siitaw uurda jea gwasawana ng'eanyiida ea basoodean,