Giidaheechta 9:1 - Bibliyeeda Ghaydit

¹ Hean googuul malaykajeandeaba muut durumbeateadaanyi, ak ghaadaayi miing'weanda ng'adaana humng'eeda ak goobissa badayda ng'eanyiida, ak geataw gida jea gootina ghuuta shoomanda mamuudeana;

NEAJEEDA EESH BEA BUUNEESSEAN

¹ Hean goguul malaykajeandeaba muut durumbeatteadaannyi, ak ghaadaayi ming'weanda ng'adaana humng'eeda ak goobissa badayda ng'eanyiida, ak geattaw gidajea goottina ghuutta shoomanda mammuudeana;

Giidaheechta 9:1 Referans Kwoze

Giidaheechta 8:10

Ghaghuut malaykajeandeaba samwagu durumbeateadaanyi, ak ghang'adaana humng'eeda miing'weanda haw, nea ghwayeata gheaboong'nyeanda, ak goobissa eeniga heeda haw ea gheanyanga eeniga mideawa beega.

Giidaheechta 9:2

gootin shoomanda mamuudeana, hean gwarina aroosta jeedeaba shoomandida, nea gawuurji aroosta duwayda haw, ak ghwanung' gamisaniit gheang'da aseeta ea humng'eeda aba aroostida bea jeeda shoomandean.

Ruumi 10:7

ghana gideaba “Gaygawa ng'eaha uuta ng'eanyiida?” (Nih gideaba geescheeng'na Gristo uuta ng'eanyiida heeda fuga nimeewa).

Giidaheechta 1:18

ghayi ghaameayi, ak ging'ulayi geawooschi majeek; ghayi ghaameayi, asi ng'ula geawooschi majeek damanda manda muudeanooda, ak geandeawi gisiitina gidaghuuta Miyeeda ea Gheeda maloonghajeega.

Giidaheechta 20:1

Hean ghaadaayi malaykajeanda nea ghwararang'aana humng'eeda, nea ghoang'waanya geadi gidasiitina shoomanda mamuudeana ea munyaloalajeanda haw.

Giidaheechta 17:8

Diyeaydideani idaahiin abeeda gwanda, ak ea mandana, ak gaygwadiyeana uuta shoomanda mamuudeana ak gawa heeda ng'asheega munyas. Ak fuga mida badayda ng'eanyiida miyeeng'oorsa gheawunga nyaawa jeeda gitaabooda eaweega dea sibada sindeeta ng'eanyiida, gayghahamng'eanyi iidaah diyeaydida. Aba gideaba gwanda, ak ea mandana ak gayghwahidu.

Lukka 8:31

Gamearmearani Meangeenda nea gwayeesha, Geemuscheey, adiidu ginung' eeweaya jeeda shoomanda sheagi.

Giidaheechta 8:12

Ghaghuut malaykajeandeaba ang'wan durumbeateadaanyi, ak geawiim gheang'da aseeta heeda haw, ak eara gheang'da sheeda geawiim heeda haw, ak eara gheanyanga miinga geawiim heeda haw, ak abeeda uurda nyaawa abwaanya geanung' gamisaniit heeda haw; nea askwearjeanda heeda haw ea madakna, ak gwasunu eara eaweeda heeda haw.

Giidaheechta 8:2

Ak ghaadaayi malaykajeandeaba ispwa nea ghamiinaada aba madeeda ASEETA, ak geataw saawa durumbeataji ispwa.

Giidaheechta 20:10

ak geejaksa meang'nyeandida reengani saawaan jeeda basooda beasta ea giikayda heeda mida diyeaydida ea sibaneeda ng'uyyeega, ak gajeesawan askweari ea eawa ea ghoah damanda manda muudeanooda.

Giidaheechta 1:20

Makcheameedeaba miingiga as ispwa ideaksi geatindeanyu bea dugwean, ea hoorgajeegiga as ispwa meeng'meeng'iin, miingiga as ispwaan, malaykajeega ganiisajeegiga as ispwaan ak eara hoorgajeegiga as ispwa meeng'meeng'iin ea ganiisajeegiga asispwaan gil.

Lukka 10:18

Gwayeesha saawa, “Ghaadaahaanyi Shataani nea ghang'adaana humng'eeda gawuurji dadamandeeda.

ISAYA 14:12

“Ang'iing'i geeng'adeateaydaneeyiin aba humng'eeda, Ea miing'weanda Muchuunooda, orjeeda Sakteayda Geanung' abeadaaydaan, ang'iing'eeda ijoari eemoojiga!

Giidaheechta 6:13

nea miinga humng'eeda gang'adeesa badayda ng'eanyiida gawuurji gidiissa goojiroonda shaboogheecheanda haghweagaaschi damanda gooroogeeda nea gooyuuk jeameeda;

Giidaheechta 11:7

Iidu nea niihiit muuwnooda nyaawa, gaygang'uchi diyeaydida leabu jeeda shoomanda mamuudeanean sea saawa, ak gayghwajoar ak gwanuus saawa,