Biblia Todo Logo
Bib sou entènèt

- Piblisite -




Giidaheechta 6:8 - Bibliyeeda Ghaydit

8 Hean ghaadaayi, ak geang'ulayi, faraaseeda mur, nea siida mida badayda ea Miyeeda gil, nea goodeayi Gheeda maloonghajeega; ak geataw uurda aba badayda ng'eanyiida hiji mwanang', ak gwanuus aba ng'uta ea geejeeda ea dawni ea diyeanga ng'weani bea ng'eanyiida.

Gade chapit la Kopi

NEAJEEDA EESH BEA BUUNEESSEAN

8 Hean ghaadaayi, ak geang'ulayi, faraseeda mur, nea siida mida badayda ea Miyeeda gil, nea goodeayi Gheeda maloonghajeega; ak geattaw uurda appadayda ng'eanyiida hiji mwanang', ak gwanuus aba bwaanga ea geejeeda ea dauni ea diyeanga ng'weani bea ng'eanyiida.

Gade chapit la Kopi




Giidaheechta 6:8
26 Referans Kwoze  

Ak gaydalealna saawa jeeda uurda gheeda miyeeda? Gaydalealna jeeda miyeeda? Ea gheeda maloonghajeega, gwanda yeenu bayiigaagu? Ea gheeda miyeeda, gwanda yeenu nyarjeawdaang'u? Baydeayda sifunya gheanyangeasu.


ghayi ghaameayi, ak ging'ulayi geawooschi majeek; ghayi ghaameayi, asi ng'ula geawooschi majeek damanda manda muudeanooda, ak geandeawi gisiitina gidaghuuta Miyeeda ea Gheeda maloonghajeega.


deaba samwagu goongiir faraasajeega eashish, nea mutukwajeandeaba ang'wan, goongiir faraasajeega murjeew.


Fiisu ng'ay aba jeedeang'wa, gayghabwar dawni ea jalooda, nea gheamughuushcheeka suurja gajeabwar aba ng'ucheeda nea gheamughuushcheeka abit gaydaadabwaarda gaweay meadajeega sean bea ng'eanyiida ak gaydaat geeshta aba ng'uta.


Ng'ula gaygahuuyda geeyooda muy. Nea ea manda fuga jea gooyeawda aba badahuuka nyaawa, ak hean eara fuga jea gabuy ea maygwanda; saawa gaygawuurji fiyeega dugwa mida mooheeda. Ak gaygahuuyda ng'uta ea geejeeda, nea muscheeka nyaawa gayghoah daghwarda dariidaka ea diyeanga jarooda.


Aba nih gwanuus buuneeda heeda haw aba dawni, ea aba beasta ea aroosta ea giikayda rinna ghuusiga nyaawa.


Ak gaygageanda miyeeda damanda manda muudeanooda, NG'UTAMIIDA was ASEETA gaygoobuus dabeaka mida gheanyanga sean, nea gageanda baspaseega fugaaschi aba badayda ng'eanyiisean, aba gideaba nih gwarugu NG'UTAMIIDA.


Hean geesiksa malaykajeegiga asang'waniin, ghayi siikghuumu ea ghwahita damandideaniin, ea eaweedida ea sheeda, ea gweayda, ak gwanuus buuneeda heeda haw.


Ea miyeeda, jooriischoadaang'u gwanda yeenu? “Ea miyeeda, ng'weanindaang'u gwanda yeenu?”


Ak gicha, difaayi iissa gwareengani fih; niny siida ghwarjeeda meabiiteena geahi. Lachng'eanyiidaanyi ea barakta gheeda miyeeda; gawuurji miyeeda malang'uuta. Iissa gooweamsa geaw eemoojiga sean, ak ghoawaam sean ghoah fugaaschi.”


Asi gwayi NG'UTAMIIDA, “Ng'ula gaydeajeagu fuga saang'a daga ghweayeega ghapka ghoang'waay fiisu; aba ng'ata gaydeajeagu fuga bara shageata ak gaygahoona saawa aba uhuuda gilinyoo ea giija gil ea uhuuda gilinyoo ea heaya, ea jeemba gilinyoo gwaleamba lagheanga.


Eara ang'iing'i Gapernaumu, gajeetiing'neey ea gula humng'eeda? Gajeahiing'neeyi ea una jeeda maloonghajeega. Aba gideaba inyeeda ghayi ng'asheega deamdeameadi sisin aba ng'eang'deang'wa geesissa mujiineeda Sodoma, gwachi mujiineedida gajea gudugwanda ea gagul ghamneawa.


Ak gayghoan ak ghwalas ng'eanyiida Misri, nea fuga ghayi sing'oorsa miyeeda gaygameewa, nea fuga sing'oorsa gideaba gayghoah giing'oonyanga ghoah giing'oonyanga, nea ng'uta ghabwar fuga sing'oorsa gideaba gayghabwar ng'uta.


Geeshangaaschi gwararang'eesa jeeda miyeeda, nea heedala ghoang'waay geat sea gheeda maloonghajeega.


Nea shoomng'eandaanyi goongiir miinga humng'eeda heeda haw, ak gwahisa badayda ng'eanyiida. Hean ghamiinaada ichiboodida aba madeedeaba gatmoodida riikghta gwaji jeeptean, ak abeeda ghwanukghuta jeaptaanyi damanda jiila;


Eara gooluulda geat, ea maydealeeysa iita shooka nyaawa, eara gagu haleanjeeda sisabwa geadi sigwariida, ea gea booga, ea maydaang'waay; hean gaydahuuyda saawa aba ng'uta, ea geejeeda, ea aba dawni.”


Ak gaydaahaak ng'uta, ea geejeeda, ea dawni, bwak ea goosha sean aba jeeda ng'eanyiida ghayi aadawji saawa ea ghweaniga nyaawa.”


‘Asi gwayi NG'UTAMIIDA bea lugweega; Ng'ula, gaydajaksa ng'uta jeeda nyaawa, ea geejeeda, ea geeyooda muy, nea ging'ulayi gaydanung' gawuurji haghweega munyas bea shaboogheecheanda mwoamu eayaak.


Ak gaydanung'useey heeda nea sijakseey jeeda dareapcheeda, ang'iing'i ea ghweayeega sean bea eenigaagu, gajabeada aba madeeda mooheeda ak ea majeabwadaneey geat, nea majeayiinyi hijagi ak gearuuneey woosa hamita diyeanga ng'eanyiida ea dea dariidaka humng'eeda.


Aba gideaba gaygang'uchi daroar ea daroar nuut, ak gang'uchi sugoocheanduumeeda ea sugoocheanduumeeda nuut, ak gaygwanda geejeeda ea sawooda ng'eanyiida aba hiji ea hiji:


Swiv nou:

Piblisite


Piblisite