Giidaheechta 6:14 - Bibliyeeda Ghaydit

¹⁴ hean geenung' ghwaroat humng'eeda ea gawuurji gitaabooda simughut, nea giliwas giija ea ng'eanyiida neaweesa beega gajeanung' ghang'amwa heeda mida.

NEAJEEDA EESH BEA BUUNEESSEAN

¹⁴ hean genung'u ghwaroat humng'eeda ea gawuurji gittaabooda sumughut, nea gilwas giija ea ng'eanyiida neaweesa beega gajeanung' ghang'amwa heeda mida.

Giidaheechta 6:14 Referans Kwoze

ISAYA 34:4

Ak gayghwadatasa lugoosean bea humng'eeda, ak humng'eeda gajeamughuta gardaasajeanda. Ak lugoanyaawa sean bea humng'eeda gayghoabitpitaayda, seenga sabiibu iijaam ak ghoabitpit, ak gawuurji seenga meaghayeanda iighajaamiit ak ghoabitpit.

Giidaheechta 16:20

Gilinyoo ea ng'eanyiida neaweesa beega gaygamng'aw, ak ea manda giijeega jea gudeadaah;

2 Betro 3:10

Nea eaweeda Ng'utamiida gay ghwahitaayda mareanghweanda, aba eaweedida gay ghwaroat humng'eeda aba nyeashta haw, nea haleanjeeda sean ghayi bea mwadi gayghwanyar aba jeeda beasta, nea ng'eanyiida ea gadiyoojigaaschi mideawa gajeaghwarda goosha.

NYIIGHEEGA 102:26

Suh gaygoosha, nea ang'iing'i gindi; gaygooshealda sean hang'da. Ak gay yamda saawa hang'weaka, ak gayghang'ata.

Giidaheechta 20:11

Hean ghaadaayi hoorgeeda haw eesh bea gheambalmeeda ea siida apteadawa uhuuda; nea madeadaanyi gamng'aw ng'eanyiida ea humng'eeda, ak ea meadaaha heeda jea goobiida.

ESEKIELI 38:20

Ghweayeega jeeda basooda ea dariidaka humng'eeda, ea diyeanga dareabeeta, ea diyeanga sean badiina jih aba badayda ng'eanyiida, ea buuneesean mida badayda ng'eanyiida, gayghaboadan aba madeedeanyu. Ak giijeega gajeejaksa ng'eanyi nea goobeedeayi heayeeniga ak gaygoobeedeayi ghamarjoojiga sean.

ISAYA 54:10

Aba gideaba giijeega gaygoosha nea eara heayeeniga gajeegeanda, ak bariinyeegeasu ea mayghang'amwa headaang'u, eara neajeedeanyu bea hoyyoo ea majeegeanda, gwarugu NG'UTAMIIDA bayiidaneey.

Giidaheechta 21:1

Hean ghaadaayi humng'eeda eesh ea ng'eanyiida eesh; aba gideaba humng'eeda madeeda ea ng'eanyiida madeeda goola ghang'ata, ak basooda ea mudugwanda.

HABAKUKI 3:6

Ak ghamiinaada ak goodeen ng'eanyiida; ghoang'wearda ak gooduumduum eemoojiga; nea giijeega manda muudeanooda geataarda, heayeeniga manda muudeanooda ghwararasa ea gawa ng'eanyi. Naweadingaaschi gawuurji gea ghayi bea garayi.

NAHUMU 1:5

Giijeega iissa ghaboadan aba madeadaanyi, nea gwanyara heayeeniga; ak geegatkat ng'eanyiida aba madeadaanyi, ng'eanyiida ea haleanjeeda sean mida jeeda.

YEREMIYA 51:25

“Ng'ula, aniini geesheang'nyi sea ang'iing'i ea giijeeda muy, gwarugu NG'UTAMIIDA giijeeda datas ng'eanyiisean; gaydaadoabiiw geatindeanyu damiinaneey, ak geang'adeaseey ng'eanyi aba jeesinga lagheanga, ak geasinyeey giijeeda sighwarda.

HABAKUKI 3:10

Giijeega ghwadaanyi, ak ghaboadan; ak ghwahidu roopta ng'waan; ak goojuur beega mida uuta ng'eanyiida, nea gwadiyeada laweajajeagaaschi gagal humng'eeda.

YEREMIYA 3:23

Aba huumwa heayeeniga gawuurji budeayda, badita sanaamajeega aba iheenga giijeega. Aba huumwa NG'UTAMIIDA was ASEETEANYA niny lealnoocheanda Israeli.