Giidaheechta 6:10 - Bibliyeeda Ghaydit

¹⁰ goojuur aba ghuuta haw nea geeyi, “Ea Ng'utamiida ambaliischi, ghaydit bea huumwa, gajeeyi bwak ea ghoah eeju nea mii argweaksiina ak giwaldi foojeandeanya aba badahuuka fuga mida badayda ng'eanyiida?”

NEAJEEDA EESH BEA BUUNEESSEAN

¹⁰ goojuur aba ghuuttahaw nea geeyi, “Ea Ng'uttamiida ambaliischi, ghaydit bea huumwa, gajeeyi bwak ea ghoaw eeju nea miyargweaksiina ak giwaldi foojeandeanya appadahuukka fuga mida badayda ng'eanyiida?”

Giidaheechta 6:10 Referans Kwoze

Giidaheechta 19:2

aba gideaba girgweageadaanyi dea huumwa gil nea doabiiwaat; aba gideaba niirgweaksa hiseadaydida hawiin ghayi datas ng'eanyiida aba hiseadayeanduumeadaanyiin, ak ea niwalda aba badaydaanyi foojeanda soomjoagaaschi.”

Giidaheechta 11:18

Ak gwanyareesi eemoojiga, ak ghwahidu nyarastaang'u, nea ghwahidu damanda jea eergweaksiina fuga nimeewa, nea geamwaar soomjoagaagu was sibanga ea gea ghaydidi, ea fugiga awali gheawungaaguun, was gea manang'i ea gea hees, ak geedatas suh datas ng'eanyiidean.”

Ruumi 12:19

Fuga aabwariinyi, adoowaliidi mureandooda aba heedeang'wa, ghang'wana ghoanung'waadi ghawalda nyarasta ASEETA; aba gideaba geang'waar, “Waldeayda mureandooda deanyu, gay dawalda aniini gwarugu Ng'utamiida.”

NYIIGHEEGA 9:12

Aba gideaba dea smureandooda foojeanda ghoapkaadeagwa, mii gwaroosa shooka fuga ng'arng'ari.

Giidaheechta 3:7

“Heeda malaykajeanda ganiiseeda Filadelfiya ng'oara: ‘Suh ng'asheega siida ghaydit gil asakaleala, bea huumwa, mideawa gisiitina gidaghuuta sugoocheanduumeeda Dawdi, siida ama atin ea manda siida ammu ghwarat, siida amarat ea manda siida jea gootin.

Lukka 21:22

aba gideaba eawoojigiga gajea gea sawanadeeda ak ghoah gida nyaashta ng'ooruutka.

SAKARIYA 1:12

Ghwalamda malaykajeandida bea NG'UTAMIIDEAN ak gwayeesha, ‘Ea NG'UTAMIIDA bea lugweega, gayheawana ea ghoah eeju bwayda Yerusalemu ea mujiinajeega Yuda ghayi inyareeksi gweanyeew laadam ea damanamughuush?’

Giidaheechta 18:20

Ahoosana aba badaydaanyi, Ea humng'eeda, Ea fuga ghaydidi ea giijasoodiga ea sibanga, aba gideaba ASEETA nigooneegwa girgweaksiinda aba badaydaanyi!”

Giidaheechta 18:24

Nea jeadaanyi geenyasa foojeanda sibanga ea gea fuga ghaydidi, ea gea fuga ghayi sinuus aba badayda ng'eanyiida.”

NYIIGHEEGA 79:10

Ghwasaan inyas gwayeena eemoojiga, “Gwanda yeenu ASEETA nyaawa?” Waldeayda foojeanda weay bea fugaagu bea gadiyeeda gagasa eanal aba jeeda eemoojiga aba madeeda gheanyangaasa!

1 SAMWELI 24:12

Gagasa gawa NG'UTAMIIDA dageascheedeanyu ea daang'u, gagasa ghawalda NG'UTAMIIDA mureandooda aba badaydeanyu; amaduuku geatindeanyu ea maydasawanyi.

Giidaheechta 3:10

Aba gideaba niing'waanyi ng'asheandeanyu bea milikghteayda nea giihang'waanyi, ak aniini gaydafurnyi, nea giriti aba damanda simsimda jea gwahissa ng'eanyiissean, ak gwasimsim fuga mida badayda ng'eanyiida.

GIING'EETA 4:10

Ak gwayeesha NG'UTAMIIDA, “Neada ea nisini naaha? Foojeanda orjeeda geamadu gooyeawusean aba ng'eanyi.

Ebraniya 12:24

ea heeda Yesu, was siida aduuptooschi buuneeda bea neajeedeesh, ea dea foojeanda siipuuna jea gwanyagu haleanjeeda miyaasiin ng'al foojeanda Habeli.

DANIELI 12:6

Ak geayeeshi siida akwa hang'weaka miyaas, nea ghamiinaada aba badayda beega ghealooda, “Gajeeyi bwak ea ghoah eeju mudeanoodeaba ng'asheesu deamdeameadiin?”

ISAYA 61:2

Nea gearukuti gweayda simwas bea NG'UTAMIIDA, ea eaweeda waldeayda mureandooda bea ASEETEANYA nea ghaahawdi fuga sean ayeawda.

NYIIGHEEGA 35:17

Ea NG'UTAMIIDA, ak gayng'ula ea ghoah eeju? Ak giighuuhanaan waldeayda mureandooniga nyaawa, ak giighuuhi eaweegeasu aba heedeaba ng'anyeeksu!

NYIIGHEEGA 13:1

Ea NG'UTAMIIDA, gayroosean ea ghoah eeju, ea ghwahita damanda manda muudeanooda? Gayfunyanaan gheamamdaang'u ea ghoah eeju?

FUGA LAJA GIRGWEAGUUTKA 16:28

Gaguursa Samsoni NG'UTAMIIDA, ak gwayeesha, “Ea NG'UTAMIIDA was ASEETA, geamuscheey apkaadaani, goonean uurda, gheadi gicha, Ea ASEETEANYU, daamu dawalda aba badayda fuga Filisti aba ng'asheega gheanyangeasu asiyeenya.”

DANIELI 8:13

Ng'ata ghaayiinyi ghuuta malaykajeanda ghaydit nea gabalool; ak gwayeesha malaykajeanda nuut ghaydit dea balool, “Gaygooyang'daan damandeaba Giirgweatsu bea iita haleanjeeda sisabwa geadi bea ghadooweedean, ea gidida was riing'eeda eadu nyariidean, gajeeyi bwak ea ghoah eeju nung'weadayda heeda ghaydit ea lugooda humng'eeda ea gheeda sibata ASEETA siilaapta ng'eanyi?”

NYIIGHEEGA 119:84

Askwearjoojiga siidaang'u bea gadiyeeda aahada? Gajargweaksiina eeju fugiga ghabwasaniin?

Lukka 2:29

“Ng'utamiida, biisiina siksiina soomjeandaang'u gabiissa gawa nea ghwaat hoyyoo, gawuurji ginyah ng'asheandaang'u;

2 Betro 2:1

Ng'ata gwarina jeeda buuneeda sibanga ng'uyeega earapeadi jea gwanda giinealshoodiga ng'uyeega aba jeedeang'wa, fuga jea gweadu giinealshooda nyariida aba makcheameeda, ak ghwashaang' Siida haw ghayi shaang' saawa, ak gweasa geat nyariida.

HEAREEGA 3:64

“Gaylasa saawa, Ea NG'UTAMIIDA, aba giduurji gadiyeeda geatinga nyaawa.