Giidaheechta 5:8 - Bibliyeeda Ghaydit

⁸ Hean nea gageanu gitaabu ghoabeada diyeangiga asang'wan majeekcheewiin sea gweargiga atiktam ea ang'waniin aba madeeda Dayeenda Gisilleanda, ak gaba nih ang'waay gidoondooriida, ea gweeriida sisna dahaabu nea ghwanyiit hideeda ng'andit, was mooshta ASEETA bea fuga ghaydidi;

NEAJEEDA EESH BEA BUUNEESSEAN

⁸ Hean nea gageanu gittaabu ghoabeada diyeangiga assang'wan majeekcheewiin sea gweargiga attiktam ea ang'waniin aba madeeda Dayeenda Gisilleanda, ak gaba nii ang'ng'waay gidondooriida, ea gweeriida sisna lagheanga meeng'meeng'i nea ghwannyiit hideeda ng'andit, was mooshta Aseetta bea fuga ghaydidi;

Giidaheechta 5:8 Referans Kwoze

NYIIGHEEGA 141:2

Nung' gawuurji mooshteanyu bea ghawooda geediga ng'andidi aba madeadaang'u, nea gawuurji geatingeasu eagatkachi gawuurji lukghumajeegeaba shing'ada!

Giidaheechta 4:10

inyeessa gwearsu atiktam ea ang'waniin iissa goobeedeaysa madeeda siidida apteada aba uhuudeaba hoorgeedida bea gheambalmeedean ak ghaghadoawan ninyeeda majeek ea ghoah damanda manda muudeanooda; nea gwajaksa shiipka nyaawa madeeda hoorgeedida bea gheambalmeedean, nea gwasarman,

Giidaheechta 5:14

Ak gwayi diyeangiga asang'wan majeekcheewiin, “Amin!” ak goobeedeayi gweargwa ak ghaghadoawan.

Giidaheechta 4:4

Ak gwaneaweesa hoorgeedida bea gheambalmeedean hoorgaji diktam ea ang'wan bea gheambalmeeda, ak ghaadaayi gwearu diktam ea ang'wan, aba uhuudeaba hoorgajeegiga bea gheambalmeedean nea goobiitpiit, nea siikwealsa hang'weaka eashish, nea iheenga nyaawa gwanda shiipka dahaabu.

Giidaheechta 19:4

Nea gweargiga atiktam ea ang'waniin sea diyeangiga asang'wan majeekcheewiin goobeedeayi ak ghoaghadoawan ASEETA apteada aba badayda hoorgeeda gheambalmeeda nea gwayi, “Amin. Haleluya!”

Giidaheechta 5:6

Hean ghaadaayi aba dageascheeda hoorgeedida bea gheambalmeedean ea diyeangiga majeekcheewi asang'waniin ea bugusteaba gweargiga, ghamiinaada Dayeenda Gisilleanda, nea gawuurji gili silach gheata, nea gaba gujaw ispwa ea gheanyan ispwa, nea Gurooruunat ispwa bea ASEETA gil siicheakta gaweay ng'eanyiisean;

Giidaheechta 4:8

Nea diyeanga asang'wan majeekcheewiin, gaba nih bea meang'i lah, hean ghoang'wearu gang'ula meadajeega ea jih, nea askweari ea eawa ghanyea mii ghwanung'waada sarmeeda, “Dea Ghaydit, dea ghaydit, dea ghaydit, Ng'utamiida was ASEETA Haw Uri, niny dea mida ea dea bean gwanda ea dea jea ghwahidu.”

NYIIGHEEGA 33:2

Abadiischeesiina NG'UTAMIIDA aba gidoondooriida, aba ginaandeeda mideawa gheareedan damanamughuush ak goosarmanyi alooheeda!

Giidaheechta 15:7

Hean gageanu akaleala aba jeedeaba diyeangiga asang'wan majeekcheewiin ak ghoadaw malaykajeegiga asispwaan gweeraji ispwa sisna dahaabu nea ghwanyiit nyarasta ASEETA majeek ea ghoah damanda manda muudeanooda;

Giidaheechta 15:2

Ghaadaayi giduurji basooda giyo guuyi beasta, ak fugiga joar diyeayda ea gissiratiidean ea mooneeda gheawungaaschi, nea ghamiinaada aba murdeeda basoodida bea giyoohiin, nea gwandeawa gidoondoorajeega ASEETA aba geatinga nyaawa.

Yohaana 5:23

abeeda gwasissa buuneesean mureeda Orjeeda gawuurji gidasiniisiinda mureeda Bwaabwa. Siida masisiina Orjeeda mureeda masisiina mureeda Bwaabeeda ghayi ajeagu niny.

NYIIGHEEGA 81:2

Oang'eada duumda, aba ghuuta gidoondooriida, ginaandeeda mideawa nyeashta miy ea gureayeeka.

NYIIGHEEGA 43:4

Ak abeeda gaydawa heeda wagiida bea ASEETA, heeda ASEETA was hooseaneegeasu; ea ghweelmeedeanyu ak gaydaaghaambiinyi aba gidoondooriida, Ea ASEETA was ASEETEANYU.

NYIIGHEEGA 150:3

Oakghaambiida niny aba nyeashta durumbeati; oakghaambiida niny aba ginaanda ea gureayeeka!

Ebraniya 1:6

Ak gicha, iyeadu duweacheadaanyi badayda ng'eanyiida, gwayeesha, “Nung'waada ghaghadoawan niny malaykajeega sean bea ASEETA.”

IITOODA 7:62

ea ganakoanagi bea dahaabu, nea durumanataanyi ea shekeelaji damanamughuush, nea ghwanyiit hideeda;

Yohaana 1:29

Muchu ghwadaah Yesu nea ghwaan headaanyi ak gwayeesha, “Ng'ula Dayeenda Gisilleanda bea ASEETA jea gageanda riing'eeda jeeda ng'eanyiida!

Giidaheechta 4:6

nea madeeda hoorgeeda gheambalmeeda gawuurji gili mida basooda daliil oar giyo, nea ghameang'meang'. Nea gwaneaweesa hoorgeeda gheambalmeeda, aba meadajeega sean bea hoorgeeda gheambalmeeda, gwanda diyean ang'wan majeekcheewi, hean ghwanyiit gheanyanga mwadi ea bwadaw:

Giidaheechta 5:11

Deagheata ghaang'weardi, ak ghayiinyi aba murdeeda hoorgeeda gheambalmeeda ea dea diyeangiga majeekcheewiin ea dea gweargwa ghuusiga malaykajeega saang'a mwoamu eeyiida,

Giidaheechta 5:12

nea geeyi aba ghuuta haw, “Gamiisa Dayeenda Gisilleanda ghayi silach gheata, ghwanyas uurda ea meanang'oocheanduumeeda ea weaghuumeeda ea hawunda ea mureeda ea giigheambiita ea ghawooda!”

Giidaheechta 6:1

Ng'ata ghaadaayi aba hoowa Dayeenda Gisilleanda nea gootin giirooraneanagi aba jeedeaba giika as ispwaan, ak ghaayiinyi aba jeedeaba diyeangiga asang'wan majeekcheewiin nea gwayi, aba nyeashta haw uurji gighweendandeeda, “Beeni!”

Giidaheechta 13:8

nea haleanjeeda sean mida muunda ng'eanyiida gayghaghadoawan niny, giliwas sih miyeeng'oorsa gheawungaaschi jeeda gitaabooda eaweega bea Dayeenda Gisilleanda ghayi sinuus nea miyeebwat sindeeta ng'eanyiida.