Giidaheechta 3:5 - Bibliyeeda Ghaydit

⁵ Nea siida jooriischi gajeekwealsa hang'weaka eeshish, ak ea maydeabuus gheawungaaschi aba jeeda gitaabwajeanda eaweega; ak gaydamwas gheawungaaschi aba madeeda Bwaabwa, ea madeeda malaykajeagaaschi.

NEAJEEDA EESH BEA BUUNEESSEAN

⁵ “Nea siida jooriischi gajeekwealsa hang'weakka eeshish, ak ea maydeabuus ghawungaaschi aba jeeda gittaabwajeanda eaweega; ak gaydamwas gheawungaaschi aba madeeda Bwaabwa, ea madeeda malaykajeagaaschi.

Giidaheechta 3:5 Referans Kwoze

Mattayo 10:32

Siida mwasan aba madeeda buuneeda, abeeda eara aniini gaydamwas niny aba madeeda Bwaabeeda mida humng'eeda;

Giidaheechta 21:27

Nea jeadaanyi ghanyea maygawa gidamuy, ghana deasina ng'asheega munyas ghana gea ng'uyeega, geaghus giika sing'oorsa jeeda gitaabooda eaweega bea Dayeenda Gisilleandean.

Giidaheechta 20:15

Ak giliwas sih iimiyeeng'oorsa gheawungaaschi jeeda gitaabooda eaweega, hean geejaksa jeedeaba basoodida bea beastean.

Lukka 12:8

“Ak geayeeshiineegwa gilinyoo ea siida gil nyooh ghamwasan aba madeeda buuneeda, eara niny gayghamwas Orjeeda Siida aba madeeda malaykajeega ASEETA;

Giidaheechta 17:8

Diyeaydideani idaahiin abeeda gwanda, ak ea mandana, ak gaygwadiyeana uuta shoomanda mamuudeana ak gawa heeda ng'asheega munyas. Ak fuga mida badayda ng'eanyiida miyeeng'oorsa gheawunga nyaawa jeeda gitaabooda eaweega dea sibada sindeeta ng'eanyiida, gayghahamng'eanyi iidaah diyeaydida. Aba gideaba gwanda, ak ea mandana ak gayghwahidu.

Giidaheechta 20:12

Hean ghaadaayi fuga nimeewa, gea hees ea gea manang'i, nea ghamiinaada aba madeeda hoorgeeda gheambalmeeda, hean geetin gitaabwajeega. Ak geetin gitaabwajeanda nuut, nea gitaabooda eaweega gil. Ak geergweaksa fugiga nimeewean aba ng'asheega sing'oorsa jeedeaba gitaabwajeegiga, giduurji gidaghayi nisin.

Giidaheechta 13:8

nea haleanjeeda sean mida muunda ng'eanyiida gayghaghadoawan niny, giliwas sih miyeeng'oorsa gheawungaaschi jeeda gitaabooda eaweega bea Dayeenda Gisilleanda ghayi sinuus nea miyeebwat sindeeta ng'eanyiida.

NYIIGHEEGA 69:28

Nung' eepuus gheawunga nyaawa aba jeeda gitaabooda fuga mideawa eaweega; ak ea adeeng'oorsa hijagi sea fuga doobiiweadi.

Giidaheechta 2:7

Gilinyoo googar iita, dayiinya ng'asheanji rukusa Guroorooda ganiisajeegean. Nea dea jooriischi gaydanung' ghwaak haghweega geeta eaweega, mida jeeda madamnyeanda mwanang' bea ASEETEAN.’

Filippi 4:3

Ak geamuscheey eara ang'iing'i, siideanyu bea huumwa eaduupcheewi, eaniyean weada gadeemsu, aba gideaba gagadiiy sea aniini aba iita giijasta miy sea Glementi sea fugeasu mwaatkwa eaweecheewi, mida gheawunga nyaawa jeeda gitaabooda eaweega.

Giidaheechta 19:8

ak ea siikwealsa hang'weaka miyaasiin bumbuni, meeng'meeng'i nea miyaas”– aba gideaba hang'weaka miyaasiin sinaweega doabiiw bea fuga ghaydidi gil.

MALAKI 3:17

“Gayghoah fugeasu, gwarugu NG'UTAMIIDA bea lugweega, aba eaweeteanyu easini gadiyeeda, ak gaydaaghu saawa gawuurji siida aghu orjeedaanyi gadiyeesa niny.

Giidaheechta 22:19

ak giliwas sih iigeanda gili aba jeeda ng'asheega siramoar bea gitaaboaniin, gaygageanda ASEETA headaanyi aba jeeda geetida bea eaweegean ea aba jeeda mujiineedida ghaydidiin, sirugu ng'asheagaaschi aba jeedeaba gitaaboani.

Giidaheechta 3:4

Ak gindeawi gheawung'su ng'ay aba ng'eanyiida Sardi, fuga miighang'uda hang'weaka nyaawa ririnnyeanda; ak gaydeadeaydooschi saawa nea siishuubeasa hang'weaka eeshish, aba gideaba gammiisa.

Yuuda 1:24

Asi ghamneawa aba heeda ninyeeda ammu ghwanung' ea moopeadani ak ghwaadeagwa nea meeyeateeweegwa ghuusi aba madeeda giigheambiitaanyi aba hooseaneega,

NYIIGHEEGA 109:13

Gagasa ealas uhuuda jeataanyi; nea geehuta gheawunga nyaawa aba seaygeedeaba iyeenya!

1 SAMWELI 17:25

Ak gwayi fuga Israeli, “Noadaayi siisi wuniin? Aba huumwa siisi ghwaan goong'eawi Israeli; nea siida jea ghabwar siisi, gayghoadaw sugoocheanda baruureega, ak gayghoadaw hudaanyi ak gayghwanung' goobal geat fuga gheanyaawa aba jeeda Israeli.”

GIIPKEATA DIIGHEANDA 9:14

Sikseani dahuuyda saawa ak geahuti gheawunga nyaawa aba badayda ng'eanyiida; ak gaydanung' huwa eemeeda saang'a hees uurjeen ng'al saawa.’

Lukka 10:20

Asi adiidu goohoosanyi aba gidawalda gheang'deang'wa meangeenda, ahoosana aba gideaba sing'waar gheawungeagwa aba humng'eeda.”

Giidaheechta 2:11

Siida agar iita, dayiinya ng'asheanji rukusa Guroorooda ganiisajeegean. Nea dea jooriischi ea mayghwanyas sawanadeeda miyeedeaba iyeenya.’

Giidaheechta 3:12

Siida jooriischi gaydanung' ghoah daraneeda aba jeeda gheeda sibata ASEETEANYU; ak ea mayghanyi gwariteawa jeeni, ak gaydang'oorsa badaydaanyi gheawunga ASEETEANYU, ea gheawunga mujiineeda ASEETEANYU, nea Yerusalemooda eeshi, rarang'aana humng'eeda heeda ASEETEANYU, ea gheawungeasu giika eeshishiin.

Giidaheechta 6:11

Ak gaba nih siitaw hang'deesh geaw nea geeyeesha anyo ghanyi afuufa ea gameaji gageawiit, ea gwadeayi mooneeda bareanda nyaawa was soomjooga ea fuga duupchi jea eenuusta gidaghayi sinuusta saawa.