Giidaheechta 3:15 - Bibliyeeda Ghaydit

¹⁵ “‘Aniini ghaanali gadiyoojigaagu: gideaba muwoosi garbabu nea muwoosi gharaat. Ghang'wana guwoosi garbabu ghana woosa gharaat!

NEAJEEDA EESH BEA BUUNEESSEAN

¹⁵ “Aniini ghaanalli gadiyoojigaagu: gideaba muwosi garbabu nea muwosi gharaat. Ghang'wana guwosi garbabu ghana wosa gharaat!

Giidaheechta 3:15 Referans Kwoze

Ruumi 12:11

Nea adoabealbeali aba badiida, ak goondeawi badiida aba jeeda guroorooda, nea googadiyeesi Ng'utamiida.

Mattayo 6:24

“Manda siida ammu gagadiiyeesa fiisu hees iyeenya. Aba gideaba gayghwasit agi nea ghabwariiy niirja, ghana ghoang'waay geat sea nih ak gafool niirja. Majoamuusa agadiyeesiina ASEETA ea baruureega.

1 SUGOODIGA 18:21

Ak gwaneekiisa Eliya heeda mida buuneesean ak gwayi, “Gajabeacheewana jeedeaba ng'asheesu asiyeenyean ea ghoah eeju? Inyas NG'UTAMIIDA ea ASEETA gil, ghoayaachi geeshta, ama inyas ea Baali gil, eara ada ghoayaachi geeshta.” Ak ea mwasha buuneeda ghuutaanyi.

Giidaheechta 2:4

Ak geandeawi ng'ashaan aba badaydaang'u, bea gideaba ninung'wi heeda bariinyeagaagu bea mwadi.

Mattayo 24:12

Iidu nea ghoahaada deambiilaneanduumeeda buuneeda, hean gaygabiisa ghamwanang'iidaada bariinyeega aba jeesinga nyaawa.

GHWASIILDEANGA 23:26

Orjeedeanyu goona gurooroadaang'u, gheanyangaagu dahoosana aba naweadingeasu.

1 Betro 1:22

Nea ghoamiidu jeesingeagwa aba mureedeang'wa aba heeda huumeanda aba bariinyeega huumwa aba heeda orjoogiyya, abwariinya geat huumwa aba jeeda guroorooda.

Filippi 1:9

Nea nih ea mooshteanyu bea ASEETA gil, gideaba gwaheedu bariinyeegeagwa muuchi aba fughareeda haleanjeeda ea weaghuumeeda sean,

2 Goriinto 12:20

Aba gideaba ghaawali dahidu ak ea moowuurjeewani gida eagasiidi dahidu nea goowuurjeewi, ak ea moahiimni nea geewuurjeewi gidida moogassiidaniin; ea gideaba gwadeepa gwanda jaliida, geawunda gheang'da, ea nyarasta, shidoodeaba ghaang', giiheakteayda, soomeanda baloolda, reengaweega ea deakghuyandeeda.

Mattayo 10:37

Siida bwariiy ghwaan ea ghaamwat ea ghwalaabwanaan hoowa siisi mamiisean; siida bwariiy orjeeda ghana huda ea ghwalaabwanaan hoowa, siisi mamiisean;

GIIPKEATA DIIGHEANDA 5:29

Ghwanyawa inyas gwandeawa gurooruunatka uurji nih ea ghoah galeagasean, jea ghoawal gheang'deanyu gaygwasinnean mureeda ea diigheanyeekeasu sean, ak abeeda gayghwanyas giibinda miy saawa ea diibiga nyaawa damanda manda muudeanooda.

Giidaheechta 3:1

“Heeda malaykajeanda ganiiseeda Sardi ng'oara: ‘Suh ng'asheega ninyeeda mideawa gurooruunat ispwa bea ASEETA ea miinga asispwaan gil. “‘Ghaanali gadiyoojigaagu; gideaba gindeawi gheawunga majeeknata, nea nimeawi.

Giidaheechta 2:2

“‘Aniini ghaanali gadiyoojigaagu, ea sawanadeadaang'u ea milikghteaydaang'u nea giihang'waanyi, ea gida miimuustani milikghta fuga munyas iissa ginyo ghanyi sima fugiga guura geat giijasoodiga nea mawoosean, ak gidaahi gideaba gaba ng'uya;

2 Desaloniikke 1:3

Aseasa gamiiseasa eebadiischeesiina galeagasean aba badahuukeagwa, fuga eaduupcheewi, ak ea gitoobiiwsiinda gil, aba gideaba masaweegeagwa niheedu muuchi, nea bariinyeega giliwas sih aba jeedeang'wa aba hichpa nuut ea niihaada.

HOSEYA 10:2

Gurooruunatka nyaawa gaba ng'uya; ak gayghoahiimu munyasnacheeka nyaawa. NG'UTAMIIDA gaygwalalaksa ng'eanyi heeda nyaawa bea wagiida, ak gaygwahirjeawi ng'udanga nyaawa.

1 Goriinto 16:22

Siida wassean mwabwariinya Ng'utamiida, gagasa eamwaashta. Ng'utamiideanya ghwaan!

HOSEYA 7:8

Efraimu niiguuyi geaw sea eemoojiga suuk; Efraimu mukaateeda meayamwa.

Giidaheechta 3:16

Asi, aba gideaba guwoosi shang'shang', nea muwoosi garbabu ghana woosa gharaat, gaydang'udaneey ak giriteawi ghuuteanyu.