Giidaheechta 3:12 - Bibliyeeda Ghaydit

¹² Siida jooriischi gaydanung' ghoah daraneeda aba jeeda gheeda sibata ASEETEANYU; ak ea mayghanyi gwariteawa jeeni, ak gaydang'oorsa badaydaanyi gheawunga ASEETEANYU, ea gheawunga mujiineeda ASEETEANYU, nea Yerusalemooda eeshi, rarang'aana humng'eeda heeda ASEETEANYU, ea gheawungeasu giika eeshishiin.

NEAJEEDA EESH BEA BUUNEESSEAN

¹² “Siida joorischi gaydanung' ghoaw daraneeda aba jeeda gheeda sibatta Aseetteanyu; ak ea mayghanyi gwaritteawa jeeni, ak gaydang'oorsa badaydaannyi gheawunga Aseetteanyu, ea gheawunga mujineeda Aseetteanyu, nea Yerusaleemooda eeshi, rarang'aana humng'eeda heeda Aseetteanyu, ea gheawungeasu giikka eashishiin.

Giidaheechta 3:12 Referans Kwoze

Giidaheechta 22:4

ak gayghwadaah gheamamdaanyi, nea gheawungaaschi gaygwanda gheamamuunatka nyaawa.

Giidaheechta 21:2

Ak ghaadaayi mujiineeda ghaydit, was Yerusalemooda eesh, nea ghwararang'aana humng'eeda heeda ASEETA, nea hidaat gawuurji sibeeda siitaamdaam aba siyeeda;

Giidaheechta 14:1

Ng'ata ghaang'weardi, ak ghaadaayi gwanda uhuuda Giijeeda Sayuni Dayeenda Gisilleanda nea ghamiinaada, nea gwandeayi sea niny fih sagalamnyooji bughala ea haradam ea ang'wan nea gwandeawa gheawungaaschi ea gheawunga Ghwaan nea sing'oorsa gheamamuunatka nyaawa.

Galattiya 2:9

iidu nea ghwanyas dagheerjeanduumeeda ghayi sigoonan, Yakobo ea Gefa ea Yohana, siiwal gheanyangean, gagoonan sea Barnaba geatinda dugwa bea weecheeda, bea gideaba gajeeweaya heeda fuga Eemoojiga nea gaweay saawa heeda fuga ghasmeahooda;

YEREMIYA 1:18

Asi ng'ula ghamneawa gajuurjeewana mujiinajeega sineaweesa hilooga, ea daranajeega gharinga, ea ghamarda gharinga, jea ghoadeal ng'eanyiida sean, ea sugoodiga sean bea Yuda, ea fuga nyaawa hees, ea ashoohoodiga nyaawa ea fuga sean bea ng'eanyiida.

Giidaheechta 2:17

Gilinyoo googar iita, dayiinya ng'asheanji rukusa Guroorooda ganiisajeegean. Nea siida jooriischi gaydaadaw hamita siguura maana ghayi sifuy ak gaydaadaw lagheaneedeesh, ak badaydeaba lagheaneani geeng'oorsa gheawunga eashish, mwanala sih geaghus siidida ang'waayiin.’

Ebraniya 12:22

Ak ea noapkaanyi Giijeeda Sayuni ea mujiineeda ASEETA majeek, Yerusalemooda humng'eeda, ea heeda malaykajeega saang'a, bwat geat aba ghweelmeeda,

NYIIGHEEGA 48:8

Nea aba gisiyiing'di, ea gisidaakti aba jeeda mujiineeda NG'UTAMIIDA bea lugweega, mujiineeda ASEETEANYA, gaygoomajeek ASEETA damanda manda muudeanooda.

1 Yohaana 4:4

Diibiga manang'i, agooga goobeayi ASEETA, ak ea noajoarji saawa; aba gideaba dea mida jeedeang'wa ea haweewa dea mida jeeda ng'eanyiida.

1 SUGOODIGA 7:21

Hean ghamiinda daranajeega aba jeeda doodooda gheeda sibatiisa ASEETA; ghamiinda daraneeda aba meatkweeda wiilooda ng'eanyiida biyeara ak gaguura gheawungaaschi Yakini, ng'ata ghamiinda daraneeda aba meatkweeda duukusa wiilooda ng'eanyiida ghayeawa ak gaguura gheawungaaschi Boasi.

Giidaheechta 2:7

Gilinyoo googar iita, dayiinya ng'asheanji rukusa Guroorooda ganiisajeegean. Nea dea jooriischi gaydanung' ghwaak haghweega geeta eaweega, mida jeeda madamnyeanda mwanang' bea ASEETEAN.’

Efeeso 3:15

was gumdooda gealga sean bea ng'eanyiida ea humng'eeda ak geeguushteawa,

ESEKIELI 48:35

Ak geawunda sean bea ghamarda meadajeega sean asang'wan iisineaweesa gaygaba geatin sagalamnyooji damwan sis. Ak gheawunga mujiini ghang'eada eaweedida geeguura, “NG'UTAMIIDA gwanda hiji.”

ISAYA 65:15

Ak gajanung'waada gheawungeagwa gamooriideawa fugeasu aaloachi nea gwayeena, gagasa ghabwarnyi NG'UTAMIIDA was ASEETA. Ak gaygang'asa fugaaschi bea gadiyeeda gheawunga eashish.

Giidaheechta 17:14

ak suh gaygang'uchi sea Dayeenda Gisilleanda, ak gayghwajoar Dayeenda Gisilleanda saawa, aba gideaba niny Ng'utamiida ng'utamoojiga gil ea Sugoocheanda sugoodiga, ak suh mideawa ninyiin ea gea geeguursa gea siloat ea gea doobiiweadi.”

NYIIGHEEGA 87:3

Sirukuna badaydaang'u ng'asheega ghaydidi, Ea mujiineeda ASEETA.

NYIIGHEEGA 46:4

Gwanda eenda eatu hooseaneega mujiineeda ASEETA, was gheeda ghaydit bea ASEETA haw bea Humng'eeda.

ISAYA 62:2

Ak eemoojiga gayghwadaah doobiiwnataang'u, nea sugoodiga sean ghwadaah giigheambiitaang'u. Ak gajeeng'aneey gheawunga eeshish, gheawunga jea gang'aneey NG'UTAMIIDA.

ESEKIELI 40:49

Geawunda doodooda abeeda geatin diktam gil, nea baraknataanyi ea geatin damwanagi gil, ak ea neekeewa gidingeayoojiga ghayi siding'iideawa, abeeda gwanda daranajeega duukusa gidaghuudajeega akaleala gwanda meatkweeni nea akaleala gwanda meatkweeda niirja.

Ebraniya 13:14

Aba gideaba aba hiji meendeawani mujiineeda jea ghwashng'u, aseasa geegasayi mujiineeda jea ghwahidu.

Giidaheechta 2:11

Siida agar iita, dayiinya ng'asheanji rukusa Guroorooda ganiisajeegean. Nea dea jooriischi ea mayghwanyas sawanadeeda miyeedeaba iyeenya.’

Giidaheechta 3:5

Nea siida jooriischi gajeekwealsa hang'weaka eeshish, ak ea maydeabuus gheawungaaschi aba jeeda gitaabwajeanda eaweega; ak gaydamwas gheawungaaschi aba madeeda Bwaabwa, ea madeeda malaykajeagaaschi.

Marko 12:16

Geehiimsa ak ghoanyaash saawa, “Uhuuni ea gheawung'su gabeang'a?” Geeyeesha, “Gaba Gaysari.”