Giidaheechta 3:10 - Bibliyeeda Ghaydit

¹⁰ Aba gideaba niing'waanyi ng'asheandeanyu bea milikghteayda nea giihang'waanyi, ak aniini gaydafurnyi, nea giriti aba damanda simsimda jea gwahissa ng'eanyiissean, ak gwasimsim fuga mida badayda ng'eanyiida.

NEAJEEDA EESH BEA BUUNEESSEAN

¹⁰ Aba gideaba ning'ng'waannyi ng'asheandeanyu bea milikghteayda nea gihang'waanyi, ak aniini gaydafurnyi, nea giritti aba damanda simsimda jea gwahissa ng'eanyiisean, ak gwasimsim fuga mida badayda ng'eanyiida.

Giidaheechta 3:10 Referans Kwoze

2 Betro 2:9

Asi Ng'utamiida ghwanal gichea gwalealdeayda fuga awali gheang'da ASEETA aba jeeda simsimda, nea ghwayiin fuga mii doobiiweadi ghoamuughu ghealooda ea ghwahita eaweeda girgweaksiinda,

Giidaheechta 14:12

Hiji heeda mida giihang'ooyda fuga ghaydidi gil, nea fuga ang'waay digheanyeeka ASEETA gil ea masaweega Yesu.

SAKARIYA 13:9

Ak gaydeadu gharmucheandida bea samwaguun, ak ghaayiinyi jeeda beasta. Ak gaydadaay saawa ea gawuurji lapiya, iisisim, ak geasimnyi gawuurji gidasisimiida lagheanga dahaabu, ak abeeda gaygaguuriisa gheawungeasu, ak gaydealeeysa iit saawa. Ak gaydayi, ‘Suh fugeasu gil’, Ak gaygwayi niny, ‘NG'UTAMIIDA ASEETEANYU gil.’”

DANIELI 12:10

Gayghoamiidu geat fuga saang'a, ea gaweeriidi, ea gamiyeasiidi; nea fuga munyas gaygwasin munyinda; ak ea manda siida muy jea ghwanal; nea fuga weaghoodi gayghwanal.

Giidaheechta 2:10

Asi adiiwali ng'asheega jea nyasa was sawanadeeda. Ng'ula, meang'nyeandeenda niriikghta gwahisa buuneeda mwaatkwa mida jeedeang'wa ghealooniga, ak abeeda geesimsimeegwa, ak aba jeemba askwearjooji damanamughuush gajanyasa sawanadeeda. Woosa doabiiwaat ea hita miyeeda, ak gaydagoonyi shiipka mideawa eaweega.

1 Goriinto 10:13

Manda simsimda ninyaseagwa agooga mawoosa dea gealaan aba heeda siida. ASEETA doabiiwaat, nea niny ea mayghwanung'waada eesimeegwa ea ghwanaawa uurjeengeagwa, earapeadi jea eesimeegwean gaygwasin naweeda jea ariteawana ak abeeda ghoamuuschi arjeang'da.

1 Betro 4:12

Fuga aabwariinyi, adaghahameagwa ng'eanyi aba habeawooda ea sawanadeeda jea ghwahidu badahuukeagwa ak goomajeegeegwean, ak gawuurji gili buseegwa ng'asheandeesh.

Giidaheechta 1:9

Aniini geawooschi Yohana, orjeeda giyeang'wa deaghayi oopareanyeewi sawanadeeda ea sugoocheanduumeeda ea milikghteayda nea ghoahang'waanyi, nea gwanda ng'eanyiida neaweesa beega siguura Batmo aba badayda ng'asheanda ASEETA ea muuwuunooda ng'asheega Yesu.

Mattayo 6:13

Adiigealeasa jeeda simsimda, ak giighuuhaneasa gidida muyiin.

Giidaheechta 13:10

Siida wassean iijea gawa ghealooniga, gaygawa ghealooniga; siida wassean iilach gheateaba niirja aba ng'uta, eara niny gajealach gheata aba ng'uta. Nih heeda mida giihang'ooyda ea doobiiwnata fuga ghaydidi.

Efeeso 6:13

Asi aba sareani oang'waanya dabita ng'ucheeda sean bea ASEETA, ak abeeda gajoamuusa ang'ucheena damandida bea ng'asheega munyasiin, abeeda iyoahiichi ghoamiinaadi.

ISAYA 24:17

Muuwda, ea shoomanda, ea ghuduumbwaada gwanda badaydaang'u, ang'iing'eeda indi badayda ng'eanyiida!

Giidaheechta 8:13

Hean ghaang'weardi, ak ghaadaayi rabearda ajuur muuchi, nea ghang'eata aba bugusta humng'eeda, nea gwayi, “Ashageada, ashageada, dashageada fuga mida badayda ng'eanyiida, damanda jea ghwanyaasha giiguuleanda nuut nea niriikghta googuul malaykajeega asamwaguun!”

Giidaheechta 6:10

goojuur aba ghuuta haw nea geeyi, “Ea Ng'utamiida ambaliischi, ghaydit bea huumwa, gajeeyi bwak ea ghoah eeju nea mii argweaksiina ak giwaldi foojeandeanya aba badahuuka fuga mida badayda ng'eanyiida?”

Giidaheechta 17:8

Diyeaydideani idaahiin abeeda gwanda, ak ea mandana, ak gaygwadiyeana uuta shoomanda mamuudeana ak gawa heeda ng'asheega munyas. Ak fuga mida badayda ng'eanyiida miyeeng'oorsa gheawunga nyaawa jeeda gitaabooda eaweega dea sibada sindeeta ng'eanyiida, gayghahamng'eanyi iidaah diyeaydida. Aba gideaba gwanda, ak ea mandana ak gayghwahidu.

Giidaheechta 13:14

nea aba gwadeagwajeega siitaw gwasin aba madeeda diyeaydean, hean gwareengani fugiga mida ng'eanyiidean, ak ghwanung' gwasin giduurji diyeayda silasa ng'uta ak ea gudugwanda;

Giidaheechta 13:8

nea haleanjeeda sean mida muunda ng'eanyiida gayghaghadoawan niny, giliwas sih miyeeng'oorsa gheawungaaschi jeeda gitaabooda eaweega bea Dayeenda Gisilleanda ghayi sinuus nea miyeebwat sindeeta ng'eanyiida.

Mattayo 26:41

Oang'wearni nea ghoamwaashchi ASEETA ea moapiitani jeeda simsimda; guroorooda ghwanyawa gagasa, amadu ea ng'arng'ar saseeda.”

Mattayo 24:14

Gicha gajeerukwiida Giijasta Miy bea sugoocheanduumeeda aba ng'eanyiisean ghoah muuwuunooda aba eemoojiga sean, ama ng'ata abeeda ghwahidu muudeanooda ng'eanyiida.

Ruumi 1:8

Gidamadeeda geabadiischeesi ASEETEANYU aba Yesu Gristo aba badahuukeagwa oogasean aba gideaba masaweegeagwa geerukwiida aba muunda ng'eanyiisean.

Giidaheechta 11:10

Nea fuga mida badayda ng'eanyiida gaygahoosan aba badahuuka nyaawa nea gang'weela ak saawa gweatiisa geat haleanjeeda siipareanyi, aba gideaba sibang'su asiyeenyean gwasawan fugiga mida badayda ng'eanyiidean.

Marko 14:9

Ak ghamneawa aba huumwa ghoanung' darukuneegwa, heeda wassean aba muunda ng'eanyiida jea eeweay ak geerukwiida Giijasta Miy, ng'asheanji sin gatmooniin gajeeruku ghoah gichea eepkeata niny.”

Lukka 2:1

Askwearjoojigiga ghoadayda Gaysari Agusto diigheanda nea gwayeesha, ang'waara mooneeda buuneassean mida jeeda ng'eanyiida.

Yakkobo 3:12

Fuga eaduupcheewi, heapi shaboogheecheanda, ghoamu gwaji gulageecheanda, ghana sabiibu ghoamu gwaji shaboogheeta? Asi gwasunu eara gheang'deenda moammu gooruudu beega matawi ea gea innya.

Yohaana 17:6

“Naanung' ghwanalnyi fuga ghayi igoonyean aba jeeda ng'eanyiida; ghayi fugaagu gil amadu gigoonyean aniini ghoah fugeasu, ak ghamneawa saawa ea niing'waay ng'asheandaang'u.

2 Dimoteo 2:12

Nea iisimilikghiti, gajeembaliischeena sea niny, Nea iisiheawi niny, niny earada gay ghaheawaneasa.

Giidaheechta 3:8

“‘Aniini ghaanali gadiyoojigaagu. Ng'ula, aniini naayiinyi madeadaang'u gidaghuuta jaadaat, moamu sih ghwarat; aniini ghaanali gideaba gindeawi Uri mwanang', ea gideaba giing'waanyi ng'asheandeanyu ak ea mii shaang'a gheawungeasu.

Giidaheechta 14:6

Hean ghaadaayi malaykajeanda nuut nea ghang'eata aba bugusta humng'eeda, nea gwandeawa giijasta miy manda muudeanooda jea gwarukwiisa fuga mida muunda ng'eanyiida, ea giliwas eamwa ea eemeeda ea iita ea buuneeda;

Giidaheechta 16:14

suh gurooruunatka meangeenda gil, sina gwadeagwajeega, inyeessa gwarita ak gaweesa sugoodiga mida giigheawda bea ng'eanyiissean, ak ghoamughuush saawa aba ng'ucheedida aba eaweeda haw bea ASEETA Hoauuriin.

Giidaheechta 17:2

nea nihiseada sea sugoodiga badayda ng'eanyiida, ak gea mida badayda ng'eanyiida ea niboogit aba difaayeeda hiseadayeanduumeadaanyi.”